დადგა მომენტი, რომ ერთმანეთს უნდა დავცილდეთ, -ამის შესახებ თბილისის
საუნივერსიტეტო კლინიკის ხელმძღვანელმა, ლევან რატიანმა განაცხადა.
„უნდა დავცილდეთ იმიტომ, რომ აუცილებლად უნდა გადავრჩეთ და დაცილების
ერთ-ერთი გზა არის ფიზიკური დისტანცია, მაგრამ ერთი გამონაკლისით,
დესოციალიზაციის გარეშე. ძალიან გთხოვთ ყველას, რომ ჩვენ თქვენთვის
ვართ, მაგრამ ვერ ავუალთ ამდენს, თუ არ დაიცავით ერთი რამ - დარჩით
სახლში ფიზიკური დისტანციით,“- აცხადებს ლევან რატიანი.
მისივე თქმით, გუშინ მათ კლინიკაში შევიდა 11 კოვიდინფიცირებული
პაციენტი, მათ შორის რამდენიმე ექიმია.
ამ დროის მონაცემებით, ქვეყნის მასშტაბით
კორონავირუსის 306 დადასტურებული შემთხვევა
ფიქსირდება. მათ შორის გამოჯანმრთელებულია - 69.
შეგახსენებთ, რომ საქართველოს პრემიერ-მინისტრის განცხადებით ქვეყანა
სრულმასშტაბიანი შიდა გავრცელების ეტაპზე გადავიდა. სწორედ ამიტომ
საქართველოს მთავრობამ მიიღო გადაწყვეტილება, რომ ქვეყნის ოთხ დიდი
ქალაქში: თბილისში, რუსთავში, ბათუმსა და ქუთაისში შესვლა და გამოსვლა
15 აპრილიდან
10 დღით აიკრძალოს.
მასალის გამოყენების პირობები