1 ივნისიდან შეზღუდვები იხსნება მაღაზიების, რესტორნებისა და
ბაზრობების მუშაობასთან დაკავშირებით. ამის შესახებ განცხადება
საქართველოს პრემიერ-მინისტრმა საკოორდინაციო საბჭოს სხდომაზე
გააკეთა.
„1 ივნისიდან, ორშაბათიდან გაიხსნება და მუშაობას შეძლებს ყველა სახის
ღია მაღაზია, მათ შორის, მოლებიც, ღია და დახურული ყველა სახის
ბაზრობები და ღია სივრცის მქონე რესტორნები.“ - განაცხადა
პრემიერ-მინისტრმა.
მისივე თქმით, სეროპრევალენტობის კვლევის შედეგებმა აჩვენა, რომ
ინფექციის შიდაგავრცელების მასშტაბი და რისკები არის ძალზე მცირე. ამ
გარემოებებიდან გამომდინარე, მთავრობამ მიიღო რიგი შეზღუდვების
მოხსნის გადაწყვეტილება, მათ შორის
მუნიციპალურ ტრანსპორტთან დაკავშირებით.
მასალის გამოყენების პირობები