გურჯაანის მუნიციპალიტეტის სოფელ კაჭრეთში მდებარე კოლეჯ ,,აისის”
ყოფილი დირექტორი, ნათელა პაპუნაშვილი 70 წლის ასაკში გარდაიცვალა. ის
კოლეჯს, 2018 წლამდე, 32 წლის განმავლობაში ხელმძღვანელობდა.
ბოლო პერიოდში ჯანმრთელობასთან დაკავშირებული პრობლემები ჰქონდა.
ნათელა პაპუნაშვილმა 1974 წელს დაამთავრა ივანე ჯავახიშვილის
სახელობის თბილისის სახელმწიფო უნივერსიტეტის ისტორიის
ფაკულტეტი.
წლების განმავლობაში იყო პროფესიული განათლებისა და მომზადების
ეროვნული პროფესიული საბჭოს წევრი, პროფესიული განათლების სფეროში
ახალი პროექტების ინიციატორი, ადგილობრივი და საერთაშორისო
ორგანიზაციების საპატიო და დამსახურებული წევრი. მიღებული აქვს
საქართველოს სახელმწიფო ჯილდო – ღირსების ორდენი, საქართველოს
პრეზიდენტის მადლობის წერილი და წმინდა ილია მართლის (ჭავჭავაძის)
„ივერიის“ სახელობის პროზა-პოეზიის საერთაშორისო პრემია.
speqtri.ge სამძიმარს უცხადებს გარდაცვლილის ოჯახს.
პანაშვიდი გაიმართება: 17 ივნისს, 18:00 საათზე; დაკრძალვა
- 18 ივნისს, 13:00 საათზე.
მასალის გამოყენების პირობები