საზოგადოება
„ფინანსურ პირამიდასთან“ დაკავშირებით სებ-ი მოქალაქეებს აფრთხილებს
საქართველოს ეროვნული ბანკი (სები) მოსახლეობას აფრთხილებს სახსრების
განთავსებისა და სხვადასხვა, ერთი შეხედვით მაღალშემოსავლიან,
სქემებში ინვესტირების რისკებთან დაკავშირებით. მათი თქმით,
კომპანიები, რომელთა საქმიანობა მოქმედი კანონმდებლობის თანახმად არ
კონტროლდება რომელიმე საზედამხედველო ორგანოს, მათ შორის ეროვნული
ბანკის მიერ, შესაძლოა ფიზიკურ პირებს საკმაოდ რისკიან აქტივებსა თუ
ბიზნეს საქმიანობაში თანხის დაბანდებას სთავაზობდნენ.
რიგ შემთხვევაში კი, მათი საქმიანობა, "ფინანსური პირამიდის"
კლასიკური მოდელის ნიშნებსაც ატარებს.
„ბოლო პერიოდში სოციალურ ქსელებსა და მედიასივრცეში გააქტიურდნენ ისეთი კომპანიები, რომლებიც ინტენსიური სარეკლამო კამპანიის საშუალებით, მოსახლეობას მოკლე ვადაში ბაზრისათვის არაადეკვატურად მაღალი სარგებლის მიღებას სთავაზობენ. უნდა აღინიშნოს, რომ "ფინანსური პირამიდის" კლასიკური მოდელისგან განსხვავებით, აღნიშნული კომპანიები თანხის გამომუშავებისთვის მომხმარებლებს არ სთავაზობენ ფინანსურ ინსტრუმენტებს, მაგალითად ანგარიშზე/დეპოზიტზე თანხის განთავსებას, შესაბამისად, მათგან ფულად სახსრებს პირდაპირ არ იზიდავენ. თუმცა, თანხის გამომუშავების სანაცვლოდ მომხმარებლებს სხვადასხვა მოქმედებების შესრულებას თხოვენ, რაც, მათ შორის, შეიძლება მოიცავდეს კომპანიის სხვადასხვა მომსახურების გამოწერას, ონლაინ სივრცეში სარეკლამო შინაარსის შემცველი ინფორმაციის გაცნობას, გავრცელებას და ამავე მიზნით ახალი მონაწილეების მოწვევას. საყურადღებოა, რომ ამ ტიპის საქმიანობის მთავარი მიზანი, ფინანსური პირამიდის მსგავსად, სქემაში რაც შეიძლება ბევრი ახალი წევრის ჩართვა და მათი სახსრების არაპირდაპირი გზით მოზიდვა და არა ბიზნესის განვითარებაა. ამასთან, რაც უფრო მეტი ადამიანი ერთვება, მით უფრო იზრდება სქემის სიცოცხლისუნარიანობა.“ - აღნიშნულია განცხადებაში.
სების ინფორმაციით, ასეთი პირამიდული სქემები, გარკვეულწილად მდგრადია მისი შექმნის მხოლოდ საწყის ეტაპზე, თუმცა, დროის რომელიმე მომენტში, სქემა აუცილებლად იშლება, როდესაც შეუძლებელი ხდება ახალი წევრის და/ან დამატებითი თანხის მოზიდვა და, შედეგად, კომპანია ვეღარ ისტუმრებს წევრების მიმართ არსებულ ვალდებულებებს.
წინასწარ იმის განსაზღვრა, თუ როდის დადგება სქემის დაშლის მომენტი, პრაქტიკულად შეუძლებელია. როგორც სებში ამბობენ, ხშირად ბევრი მომხმარებლისთვის ცნობილია სქემის რისკიანობის შესახებ, მაგრამ ისინი შეგნებულად ერთვებიან ამ სქემებში იმის იმედით, რომ მათ მიერ ინვესტირებული თანხის გამომუშავებას სქემის დაშლამდე შეძლებენ.
„საქართველოს ეროვნული ბანკი კიდევ ერთხელ აფრთხილებს მოსახლეობას, საკუთარი თანხების დაბანდებამდე, მათი დაკარგვის რისკის თავიდან აცილების მიზნით, აუცილებლად გამოიჩინონ განსაკუთრებული სიფრთხილე, უპირველეს ყოვლისა, წინასწარ მოიძიონ ინფორმაცია კომპანიის სანდოობისა და საქმიანობის, ასევე მისი გადამხდელუნარიანობის მდგომარეობის შესახებ, გაარკვიონ რეგულირდება თუ არა ასეთი კომპანია რომელიმე უწყების მიერ, და მიიღონ გონივრული და ინფორმირებული გადაწყვეტილება.“ - აღნიშნულია განცხადებაში.
საქართველოს ეროვნულ ბანკში განმარტავენ, რომ ასეთი ტიპის რისკებთან დაკავშირებით, ორგანიზაცია მოქალქეებს ჯერ კიდევ 2013 წლიდან აფრთხილებს.
„ბოლო პერიოდში სოციალურ ქსელებსა და მედიასივრცეში გააქტიურდნენ ისეთი კომპანიები, რომლებიც ინტენსიური სარეკლამო კამპანიის საშუალებით, მოსახლეობას მოკლე ვადაში ბაზრისათვის არაადეკვატურად მაღალი სარგებლის მიღებას სთავაზობენ. უნდა აღინიშნოს, რომ "ფინანსური პირამიდის" კლასიკური მოდელისგან განსხვავებით, აღნიშნული კომპანიები თანხის გამომუშავებისთვის მომხმარებლებს არ სთავაზობენ ფინანსურ ინსტრუმენტებს, მაგალითად ანგარიშზე/დეპოზიტზე თანხის განთავსებას, შესაბამისად, მათგან ფულად სახსრებს პირდაპირ არ იზიდავენ. თუმცა, თანხის გამომუშავების სანაცვლოდ მომხმარებლებს სხვადასხვა მოქმედებების შესრულებას თხოვენ, რაც, მათ შორის, შეიძლება მოიცავდეს კომპანიის სხვადასხვა მომსახურების გამოწერას, ონლაინ სივრცეში სარეკლამო შინაარსის შემცველი ინფორმაციის გაცნობას, გავრცელებას და ამავე მიზნით ახალი მონაწილეების მოწვევას. საყურადღებოა, რომ ამ ტიპის საქმიანობის მთავარი მიზანი, ფინანსური პირამიდის მსგავსად, სქემაში რაც შეიძლება ბევრი ახალი წევრის ჩართვა და მათი სახსრების არაპირდაპირი გზით მოზიდვა და არა ბიზნესის განვითარებაა. ამასთან, რაც უფრო მეტი ადამიანი ერთვება, მით უფრო იზრდება სქემის სიცოცხლისუნარიანობა.“ - აღნიშნულია განცხადებაში.
სების ინფორმაციით, ასეთი პირამიდული სქემები, გარკვეულწილად მდგრადია მისი შექმნის მხოლოდ საწყის ეტაპზე, თუმცა, დროის რომელიმე მომენტში, სქემა აუცილებლად იშლება, როდესაც შეუძლებელი ხდება ახალი წევრის და/ან დამატებითი თანხის მოზიდვა და, შედეგად, კომპანია ვეღარ ისტუმრებს წევრების მიმართ არსებულ ვალდებულებებს.
წინასწარ იმის განსაზღვრა, თუ როდის დადგება სქემის დაშლის მომენტი, პრაქტიკულად შეუძლებელია. როგორც სებში ამბობენ, ხშირად ბევრი მომხმარებლისთვის ცნობილია სქემის რისკიანობის შესახებ, მაგრამ ისინი შეგნებულად ერთვებიან ამ სქემებში იმის იმედით, რომ მათ მიერ ინვესტირებული თანხის გამომუშავებას სქემის დაშლამდე შეძლებენ.
„საქართველოს ეროვნული ბანკი კიდევ ერთხელ აფრთხილებს მოსახლეობას, საკუთარი თანხების დაბანდებამდე, მათი დაკარგვის რისკის თავიდან აცილების მიზნით, აუცილებლად გამოიჩინონ განსაკუთრებული სიფრთხილე, უპირველეს ყოვლისა, წინასწარ მოიძიონ ინფორმაცია კომპანიის სანდოობისა და საქმიანობის, ასევე მისი გადამხდელუნარიანობის მდგომარეობის შესახებ, გაარკვიონ რეგულირდება თუ არა ასეთი კომპანია რომელიმე უწყების მიერ, და მიიღონ გონივრული და ინფორმირებული გადაწყვეტილება.“ - აღნიშნულია განცხადებაში.
საქართველოს ეროვნულ ბანკში განმარტავენ, რომ ასეთი ტიპის რისკებთან დაკავშირებით, ორგანიზაცია მოქალქეებს ჯერ კიდევ 2013 წლიდან აფრთხილებს.
მასალის გამოყენების პირობები