გადაუღებელი და ძლერი წვიმის შედეგად სიღნაღის მუნიციპალიტეტში საგზაო ინფრასტრუქტურა დაზიანდა. როგორც მერიაში აცხადებენ, სტიქიის შედეგად, როგორც ცენტრალურ, ისე შიდა საუბნო გზებზე ჩამოტანილია ქვა-ღორღი და გადავსებულია სანიაღვრეები.

„წნორი-სიღნაღის (მოკლე) გზაზე ამ დროისთვის გადაადგილება შეფერხებულია. მოვარდნილმა წყალმა ილიაწმინდაში რამდენიმე საცხოვრებელი სახლის პირველი სართული დატბორა. სიღნაღის მუნიციპალიტეტის მერი მალხაზ ბეგიაშვილი და შესაბამისი სამსახურის წარმომადგენლები სტიქიის ზონაში იმყოფებიან.“ - აცხადებენ მერიაში.

ამ დროისთვის ზუსტად უცნობია, რა ოდენობის ზარალი მიადგა მოსახლეობას და მუნიციპალიტეტის ინფრასტრუქტურას.