განათლებისა და მეცნიერების მინისტრის მოადგილემ ლია გიგაურმა
გურჯაანში პედაგოგებთან გამართულ შეხვედრაზე კომენტარი H1N1 ვირუსთან
დაკავშირებითაც გააკეთა.
როგორც მან აღნიშნა, გაცდენების რაოდენობა 16%-ს არ აღემატება.
შესაბამისად სკოლების დახურვის პროცესი დღის წესრიგში არ დგას.
"ჩვენი სამინისტრო ყოველდღიურად იღებს ინფორმაციას სკოლებში
დასწრებასთან დაკავშირებით. ამ ინფორმაციას დაავადებათა კონტროლის
ცენტრს ვაწვდით. იმ შემთხვევაში, თუ გაცდენების რაოდენობა 20%
პროცენტს გადააჭარბებს, მაშინ ჯანდაცვის სამინისტრო და დაავადებათა
კონტროლის ცენტრი მოგვცემს რეკომენდაციებს მომავალ აქტივობებთან
დაკავშირებით. ამჟამად არ არის პანიკის საფუძველი, თუმცა განათლების
სამინისტრომ გაავრცელა რეკომენდაციები ჰიგიენის წესებთან
დაკავშირებით."-აღნიშნა ლია გიგაურმა.
მისივე თქმით, მომავალში თუ გაცდენების მაჩვენებლი გაიზრდება,
გადაწყვეტილებას ჯანდაცვის სამინისტროსთან ერთად მიიღებენ.
მასალის გამოყენების პირობები