მასწავლებლის ეროვნული ჯილდოს შესარჩევ კონკურსში 114 პედაგოგი იყო
ჩართული. ფინალისტები სფეროსა და საზოგადოების წარმომადგენლებით
დაკომპლექტებულმა ჟიურიმ შეარჩია.
ესენი არიან: მესტიის მუნიციპალიტეტის სოფელ ფარის საჯაროს სკოლის
ქართული ენისა და ლიტერატურის მასწავლებელი - ეკა წულუკიძე ;
ქ.თბილისის კერძო სკოლა “ქორალის” ქართული ენისა და ლიტერატურის
მასწავლებელი - ნათია ფურცელაძე ; ქ.თბილისის N43 საჯარო სკოლის
ისტორიის მასწავლებელი - ნინო აბულაძე ; ლანჩხუთის მუნიციპალიტეტის
სოფელ ჩიბათის საჯარო სკოლის სამოქალაქო განათლების მასწავლებელი და
ასევე სპეც.მასწავლებელი ვლადიმერ აფხაზავა და ხიდისთავის საჯარო
სკოლის ბიოლოგია-ბუნებისმეტყველების მასწავლებელი -თეა ნონიკაშვილი
.
ხუთეულიდან მასწავლებლის ეროვნული ჯილდოს მფლობელი, 5 ოქტომბერს
გამოვლინდება. გამარჯვებულს ფულადი პრიზის სახით კამპანიის გენერალური
სპონსორისგან, ნინა გუდავაძე-პატარკაციშვილისგან 10 000 ლარი
გადაეცემა. დანარჩენ ოთხ ფინალისტს 1000-1000 ლარით, “ლიბერთი” ბანკი
დააჯილდოებს.
აღნიშნული ინიციატივა საქართველოში პირველად ხორციელდება. ის
კოალიციის "განათლება ყველასათვის" და საქართველოს განათლებისა და
მეცნიერების სამინისტროს მასწავლებელთა პროფესიული განვითარების
ეროვნული ცენტრის ინიაციატივითა და ორგანიზებით ტარდება.
მასალის გამოყენების პირობები