მეთერთმეტე კლასის საატესტატო გამოცდები დასრულდა. წელს გურჯაანის მუნიციპალიტეტის მასშტაბით გამოცდას 500 მოსწავლე აბარებდა. როგორც ჩვენთან საუბარში გურჯაანის საგანმანათლებლო რესურსცენტრის ხელმძღვანელმა დალი მინდიაშვილმა აღნიშნა, ყველაზე მეტი მოსწავლე ფიზიკაში ჩაიჭრა.
„ მუნიციპალიტეტის ოცდაოთხი საჯარო სკოლიდან გეოგრაფიაში მხოლოდ ათი მოსწავლე იყო წარუმატებელი. ბიოლოგიაში მათი რიცხვი გაორმაგდა. ცუდი შედეგი გვქონდა ფიზიკაში - 50 მოსწავლე ჩაიჭრა, ქიმიაში 30. მინდა აღვნიშნო, რომ არცერთი წარუმატებელი მოსწავლე არ გვყოლია -ვაზისუბანში, ბაკურციხეში და კაჭრეთში.თითო მოსწავლე ჩაიჭრა- ჯიმითში, არაშენდაში, ვაჩნაძიანსა და ზემო კაჭრეთში.“