შეფასებისა და გამოცდების ეროვნული ცენტრის ინფორმაციით, ერთიანი
ეროვნული გამოცდების პირველ დღეს ქართული ენისა და ლიტერატურის
პირველი სესიის გამოცდაზე, აბიტურიენტების 4%–ზე მეტი არ გამოცხადდა.
უწყების ინფორმაციით, ასევე გამოცდაზე ოთხმა აპლიკანტმა დააგვიანა და
აღარ დაუშვეს.
„ ქართული ენისა და ლიტერატურის გამოცდაზე უნდა გამოცხადებულიყო 9 035
აბიტურიენტი, სამწუხაროდ, 4–პროცენტზე ცოტა მეტი არ გამოცხადდა
გამოცდაზე და ისინი გამოეთიშებიან კონკურსს. ასევე, გვაქვს რამდენიმე
დაგვიანების შემთხვევა, 3 თბილისში და ერთი ქუთაისში, ეს
აბიტურიენტებიც ვეღარ მიიღებენ მონაწილეობას კონკურსში. დანარჩენ
აბიტურიენტებს კი წარმატებას ვუსურვებ“,- განაცხადა შეფასებისა და
გამოცდების ეროვნული ცენტრის წარმოამდგენელმა სოფო დოლიძემ.
შეგახსენებთ, რომ ერთიან ეროვნულ გამოცდებზე 38 000-მდე
აბიტურიენტი დარეგისტრირდა. არჩევითი საგნებიდან კი ყველზე მეტი
აპლიკანტი გეოგრაფიას, ისტორიას და მათემატიკას აბარებს. ერთიანი
ეროვნული გამოცდები თბილისის მასშტაბით 9 საგამოცდო ცენტრში ტარდება.
ხოლო ქვეყნის მასშტაბით სულ 22 ცენტრი გაიხსნა.
მასალის გამოყენების პირობები