გურჯაანის მუნიციპალიტეტის საბავშვო ბაგა-ბაღებში სასმელი წყლის
გეგმიური ლაბორატორიული კვლევა ჩატარდა.
სკოლამდელი სააღმზრდელო დაწესებულებების გაერთიანების დირექტორის
მოვალეობის შემსრულებლის, შორენა ფროდიაშვილის განმარტებით, ასეთი
კვლევა ყოველწლიურად ხორციელდება.
„უკვე დამკვიდრებული სტანდარტებიდან გამომდინარე, ყოველი
სააღმზრდელო-სასწავლო წლის დაწყებამდე, სურსათის ეროვნული სააგენტოს
რეკომენდაციით, აუცილებლად ტარდება სასმელი წყლის მიკრობიოლოგიური
კვლევა. ჩვენ უნდა ვიყოთ დარწმუნებულები, რომ ის წყალი, რომელსაც
საბავშვო ბაგა-ბაღები მოიხმარენ, როგორც სასმელი, ასევე ტექნიკური
მიზნით, ჯანმრთელობისთვის უსაფრთხოა.“
მისივე თქმით, კვლევა, რომელიც სოფლის მეურნეობის სამინისტროს
გურჯაანის ლაბორატორიამ ჩაატარა, ადასტურებს, რომ ყველა ბაღში სასმელი
წყალი გამოსაყენებლად ვარგისია.
მასალის გამოყენების პირობები