განათლება
რატომ ვერ იღებენ ბავშვები სრულფასოვან ინკლუზიურ განათლებას?
13 წლის მარიამი ქალაქ გურჯაანის #2 საჯარო სკოლის მოსწავლეა. მარიამი ექვსი წლის განმავლობაში სხვა სკოლაში დადიოდა, თუმცა როგორც დედამისი, დარეჯან ბერიშვილი ამბობს, მოზარდი ვერც პედაგოგებთან კონტაქტობდა და ვერც კლასელებთან შეძლო თავის დამკვიდრება.
„თუკი სადმე ქეიფობდნენ კლასელები, მარიამს არ ეუბნებოდნენ, ეს როგორც მისთვის, ასევე ჩემთვის დიდი სტრესი იყო. როცა შშმ შვილი გყავს, ყველასგან გარიყული ხარ, არავის უნდიხარ,“ - ამბობს დარეჯანი.

მარიამს დაუნის სინდრომი აქვს. როგორც დედამისი ამბობს, ინკლუზიური სწავლების მეთოდები არაეფექტურად მუშაობს - „ჩემს შვილს სპეციალური მასწავლებელი კი არა, პერსონალური ასისტენტი სჭირდება. პედაგოგი სულ სხვა რამ არის, მარიამს კი ხან საპირფარეშოში სჭირდება შესვლა და ხანაც სხვა რამეში უნდა დახმარება“.



მისივე თქმით, მარიამი სწავლის პროცესში ვერ ერთვება, რადგან მისთვის სწავლების ინდივიდუალური გეგმა არ არის შედგენილი, ხოლო როდესაც მასწავლებელი გაკვეთილს მთელ კლასს უხსნის, ბავშისთვის ეს გაუგებარია.

მოსწალეს სპეციალური პედაგოგი სჭირდება, პერსონალური ასისტენტი, თუ სწავლების ინდივიდუალური გეგმა, განათლების სამინისტროს დაქვემდებარებაში მყოფი მულტიდისციპლინური გუნდი წყვეტს. გურჯაანის საგანმანათლებლო რესურსცენტრის იურისტი დარეჯან ბურდიაშვილი ამბობს, რომ მასწავლებელი სამინისტროს მაშინ უკავშირდება, თუ საგაკვეთილო პროცესის დროს ბავშვის განსაკუთრებული საჭიროება ვლინდება.

„რაც შეეხება ინდივიდუალურ გეგმას, თუ კლასის დამრიგებელი ამას არ თვლის საჭიროდ, მშობელს შეუძლია მიმართოს დირექტორს და შედგენა თავად მოითხოვოს. “ - გვეუბნება დარეჯან ბურდიაშვილი.

ასეთი მიმართვის შემდეგ კი საკითხი ისევ მულტიდისციპლინარულ გუნდს უნდა გადაეგზავოს განსახილველად. შეფასება და დასკვნის შედგენა სასწავლო პროცესისას 20 სამუშაო დღის ვადაში ხდება, ხოლო როდესაც ბავშვი პირველ კლასში შედის, ეს ვადა ხუთი დღეა.

თუმცა, როგორც ზოგიერთი მშობელი ამბობს, განათლების სამინისტროში მსგავს საკითხებზე გადაწყვეტილებას აჭიანურებენ. მანანა შიშნიაშვილის 10 წლის შვილს, მერიკოს გონებრივად ჩამორჩენილობის დიაგნოზი აქვს დასმული. დედის თქმით, განათლების სამინისტროდან სპეციალური პედაგოგის დანიშვნაზე პასუხმა ერთი წლით დააგვიანა მიუხედავად იმისა, რომ ოჯახს ექიმის დასკვნა ჰქონდა წარდგენილი.

„სპეც პედაგოგი რომ თავიდანვე ჰყოლოდა, იქნებ რამე უკეთესად ყოფილიყო. ვცდილობ, რამით დავაინტერესო ჩემი შვილი, მაგრამ ამას დამოუკიდებლად ვერ ვახერხებ. სკოლაში ჯერ ინდივიდუალური გეგმა არ აქვთ, ახლა უნდა შევიმუშაოთო.“


იმ საჯარო სკოლების ნაწილში, სადაც პეროსონალური ასისტენტი არ არის, ამ ფუნქციას შესაბამისი არასამთავარობო ორგანიზაციები ითავსებენ. ორგანიზაცია MTE-ის (შეხვდი, ასწავლე, წაახალისე)  ნიკა ჯავაშვილი,სოფელ ჩუმლაყში, 15 წლის ალეკოს პერსონალური ასისტენტია.
„რომ არა ნიკა, ალეკო ასეთი გახნილი და დამოუკიდებელი არ იქნებოდა. მხოლოდ სპეციალური პედაგოგი, ვფიქრობ, საკმარისი არ არის“ - ამბობს ალეკოს დედა, ნინო გელაშვილი.

ალეკოს დაბადებიდან ცერებრალური დამბლა აქვს. ნიკა მის გვერდითაა საგაკვეთილო პროცესის დროსა თუ დასვენებისას, სკოლიდან სახლში მიჰყვება და გაკვეთილებს ერთად ამზადებენ. ნიკა ალეკოს სხვადასხვა საჭირო უნარ-ჩვევების გამომუშავებაში ეხმარება.

„მიმაჩნია, რომ ჩვენ გარდა, მშობლებმაც უნდა იმუშაონ მათთან. პერსონალური ასისტენტი თუ წამოვა სახლიდან და მშობელი მას [შვილს] აღარ აუხსნის როგორ უნდა მოიქცეს სწორად, არ აუხსნის რაღაცეებს, რა თქმა უნდა ჩვენ მუშაობას შედეგი არ ექნება, ან თუ ექნება შედარებით გვიან,“-ამბობს ნიკა ჯავაშვილი.



ფსიქოლოგი მარიამ ყვირალაშვილი ამბობს, რომ კვალიფიციურ სპეციალისტთან მუშაობა, ადაპტირებული გარემო და ინდივიდუალური ან მოდიფიცირებული სასწავლო გეგმა მნიშვნელოვანია განათლების მისაღებად შეზღუდული შესაძლებლობის მქონე ბავშვებისთვს. მისი თქმით, ინკლუზიური სწავლების პროგრამაში ნელ-ნელა იდგმება პოზიტიური ნაბიჯები, თუმცა ერთ-ერთი პრობლემა ისაა, რომ ხშირად სკოლას და თავად მშობლებსვე არ სურთ არატიპური განვითარების მქონე ბავშვების მიღება, რაც სერიოზულ პრობლემას წარმოადგენს.

„ეს ხდება იმის გამო, რომ არ აქვთ ინფორმაცია და არ იციან მიდგომისა და ურთიერთობის სტრატეგიები. თუ კლასში შშმ ბავშვია, თვლიან, რომ იგი უნდა იყოს სულ რესურს ოთახში სპეც პედაგოგთან ერთად, რაც მცდარი აზრია. მოსწავლის რესურს ოთახში ყოფნის სიხშირესა და ხანგრძლივობას მისი ინდივიდუალური სასწავლო გეგმა განსაზღვრავს და არა რომელიმე მასწავლებლის ან სხვა პირის სურვილი. ანუ, უნდა გვახსოვდეს, რომ მოსწავლის რესურს ოთახში ყოფნა დამხმარე საშუალებაა და არა მისი სწავლების ფორმა. სწავლა ხდება გაკვეთილზე ყველასთან ერთად.“


| Print |  E-mail
FaceBook Twitter Google
ამავე კატეგორიაში
როგორც ცნობილია, საჯარო სკოლების მოსწავლეები სასწავლო წლის
დასასრულს ორი მოდელით შეფასდებიან.
როგორც ცნობილია, საჯარო სკოლების მოსწავლეები სასწავლო წლის დასასრულს ორი მოდელით შეფასდებიან.
11:26 / 04.06.2020
საქართველოს განათლების სამინისტროს გადაწყვეტილებით, მე-12 კლასის
პროგრამის ექსტერნატის ფორმით დაძლევის მსურველები რეგისტრაციას 1-და
5 ივნისის ჩათვლით შეძლებენ. უკვე დადგენილია გამოცდების თარიღიც,
რომელიც 15 ივნისიდან 24 ივნისის ჩათვლით განისაზღვრა.
საქართველოს განათლების სამინისტროს გადაწყვეტილებით, მე-12 კლასის პროგრამის ექსტერნატის ფორმით დაძლევის მსურველები რეგისტრაციას 1-და 5 ივნისის ჩათვლით შეძლებენ. უკვე დადგენილია გამოცდების თარიღიც, რომელიც 15 ივნისიდან 24 ივნისის ჩათვლით განისაზღვრა.
14:11 / 29.05.2020
იმ შემთხვევაში, თუ განსაზღვრული წლიური ქულა მოსწავლისთვის არ არის
დამაკმაყოფილებელი, მას ექნება შესაძლებლობა სკოლის ადმინისტრაციას
მიმართოს და კონკრეტულ საგანში ნიშანი აიმაღლოს. - ამის შესახებ
განათლების მინისტრმა, მიხეილ ჩხენკელმა მთავრობის სხდომაზე
ანტიკრიზისული გეგმის პრეზენტაციისას განაცხადა.
იმ შემთხვევაში, თუ განსაზღვრული წლიური ქულა მოსწავლისთვის არ არის დამაკმაყოფილებელი, მას ექნება შესაძლებლობა სკოლის ადმინისტრაციას მიმართოს და კონკრეტულ საგანში ნიშანი აიმაღლოს. - ამის შესახებ განათლების მინისტრმა, მიხეილ ჩხენკელმა მთავრობის სხდომაზე ანტიკრიზისული გეგმის პრეზენტაციისას განაცხადა.
18:25 / 15.05.2020
როგორც დღეს საქართველოს განათლების მინისტრმა, მიხეილ ჩხენკელმა
მთავრობის სხდომაზე განაცხადა, სკოლებში მოსწავლეები ახალი მოდელით
შეფასდებიან. მისი განმარტებით, არსებობს შეფასების ორი ფორმა:
განმავითარებელი და განსაზღვრული.
როგორც დღეს საქართველოს განათლების მინისტრმა, მიხეილ ჩხენკელმა მთავრობის სხდომაზე განაცხადა, სკოლებში მოსწავლეები ახალი მოდელით შეფასდებიან. მისი განმარტებით, არსებობს შეფასების ორი ფორმა: განმავითარებელი და განსაზღვრული.
17:43 / 15.05.2020
განათლების მინისტრის, მიხეილ ჩხენკელის განცადებით, ერთიანი ეროვნული
გამოცდები ჩატარდება იგივე ფორმატით და იგივე დროს, როგორც ადრე.
განათლების მინისტრის, მიხეილ ჩხენკელის განცადებით, ერთიანი ეროვნული გამოცდები ჩატარდება იგივე ფორმატით და იგივე დროს, როგორც ადრე.
17:37 / 15.05.2020
სხვა ამბები
პატარძეულელმა პოეტმა რომან ზუკაკიშვილმა ლექსების მორიგი კრებული გამოსცა. "ჩვენ და წუთისოფელი" (პოეზიის მეორე ტომი) - ასე ჰქვია წიგნს, რომელშიც შეტანილია 500-მდე უმთავრესად ახალი ლექსი.
16:37 / 02-06-2020
იმ შემთხვევაში, თუ განსაზღვრული წლიური ქულა მოსწავლისთვის არ არის დამაკმაყოფილებელი, მას ექნება შესაძლებლობა სკოლის ადმინისტრაციას მიმართოს და კონკრეტულ საგანში ნიშანი აიმაღლოს. - ამის შესახებ განათლების მინისტრმა, მიხეილ ჩხენკელმა მთავრობის სხდომაზე ანტიკრიზისული გეგმის პრეზენტაციისას განაცხადა.
18:25 / 15-05-2020
როგორც დღეს საქართველოს განათლების მინისტრმა, მიხეილ ჩხენკელმა მთავრობის სხდომაზე განაცხადა, სკოლებში მოსწავლეები ახალი მოდელით შეფასდებიან. მისი განმარტებით, არსებობს შეფასების ორი ფორმა: განმავითარებელი და განსაზღვრული.
17:43 / 15-05-2020
განათლების მინისტრის, მიხეილ ჩხენკელის განცადებით, ერთიანი ეროვნული გამოცდები ჩატარდება იგივე ფორმატით და იგივე დროს, როგორც ადრე.
17:37 / 15-05-2020
დღეს გამართულ მთავრობის სხდომაზე საქართველოს პრემიერ-მინისტრმა, გიორგი გახარამ განათლების ანტიკრიზისულ გეგმაზე ისაუბრა და კიდევ ერთხელ აღნიშნა, რომ 2019–2020 სასწავლო წელი აკადემიურ წლად არ გამოცხადდება.
17:04 / 15-05-2020
გურჯაანში კულტურის ცენტრის წინ, თამარ მეფის ქუჩაზე, 600 კვადრატული მეტრის სიგრძის სკვერს ჩაუტარდა რეაბილატაცია და მოხდა მისი გამწვანება. როგორც ააიპ მუნიციპალური კულტურის ცენტრის დირექტორი, ვალერი შოშიაშვილი ამბობს, ამისთვის 6 ათასი ლარი გაიხარჯა.
12:06 / 07-05-2020
ვალუტა
EUR
EUR
1
3.3476
USD
USD
1
2.9562
GBP
GBP
1
3.7328
TRY
TRY
1
0.4365
RUB
RUB
100
4.2963
ამინდი
გურჯაანი 16 / 29 °C
img
საგარეჯო 14 / 26 °C
img
დ.წყარო 11 / 23 °C
img
სიღნაღი 13 / 28 °C
img
ლაგოდეხი 12 / 24 °C
img
ყვარელი 16 / 29 °C
img
თელავი 16 / 27 °C
img
ახმეტა 14 / 27 °C
img
კალენდარი
«« ივნისი 2020 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 12345

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.