განათლების სამინისტროს განცხადებით, ოქტომბრიდან პედაგოგთა
ანაზღაურების ზრდის პროცესი დაიწყო და 30 000-მდე პედაგოგმა გაზრდილი
ხელფასი მიიღო.
2022 წელს კი მასწავლებლის ანაზღაურება საშუალოდ 1500-1800 ლარს
მიაღწევს.
"განათლების სისტემის კომპლექსური რეფორმის ფარგლებში, ზოგადი
განათლების ხარისხის ამაღლების მიზნით, სკოლებში არაერთი
მნიშვნელოვანი ცვლილება ხორციელდება. სამინისტროს სტრატეგიით,
მასწავლებლის პროფესია უნდა გახდეს ერთ-ერთი ყველაზე პრესტიჟული და
დაფასებული, რაც სხვადასხვა მნიშვნელოვან ღონისძიებასთან ერთად, მათი
კომპეტენციისა და ანაზღაურების ზრდას გულისხმობს. რეფორმის ფარგლებში,
ანაზღაურების ზრდა პირდაპირ კავშირშია პედაგოგის კომპეტენციის
დადასტურებასა და სტატუსის ამაღლებასთან“, – აცხადებენ
სამინისტროში.
უწყების ინფორმაციით, პირველ ეტაპზე, 30 000-მდე უფროს, წამყვან და
მენტორის სტატუსის მქონე მასწავლებელს, რომელსაც აქვს მინიმუმ 15
საგაკვეთილო საათი, ანაზღაურება 150 ლარით გაეზარდა.
არსებული მონაცემებით, 2019 წლის ზაფხულში 8 400-მდე მასწავლებელმა
შეიცვალა სტატუსი, მათ შორის 5 700-ზე მეტმა უფროსი მასწავლებლის
სტატუსი მიიღო.
მასალის გამოყენების პირობები