დღეს გამართულ მთავრობის სხდომაზე საქართველოს პრემიერ-მინისტრმა,
გიორგი გახარამ განათლების ანტიკრიზისულ გეგმაზე ისაუბრა და კიდევ
ერთხელ აღნიშნა, რომ 2019–2020 სასწავლო წელი აკადემიურ წლად არ
გამოცხადდება.
„
ტელესკოლა ეს არის ფორმატი, რომელიც ეთნიკური
უმცირესობების ენებზეც მაუწყებლობს და აძლევს საშუალებას თითოეულ
მოსწავლეს, არ ჩაუვარდეს სასწავლო წელი. საქართველოში აკადემიური
წელი, 2019-2020 წელი არ გამოცხადდება. საქართველოში სასწავლო წელი
დისტანციურად, ონლაინ ტელესკოლის საშუალებით
ჩატარდა, ჩვეულებრივად, ნორმალურ რეჟიმში. მე–12 კლასელები სასწავლო
წელს დაასრულებენ 20 მაისს, 1–ელ კლასელები 27 მაისს, დანარჩენი
მოსწავლეები - 15 ივნისს.“ - განაცხადა გახარიამ.
მისივე თქმით, ეროვნული გამოცდები ჩატარდება ჩვეულ რეჟიმში და მათი
თარიღი გამოცხადდება, როგორც ყოველთვის, ივნისში.
შეგახსენებთ, რომ საქართველოს სკოლებში
სასწავლო პროცესი 2 მარტიდან შეწყდა.
მასალის გამოყენების პირობები