ქართულ ენასა და მათემატიკაში 32-მა აბიტურიენტმა უმაღლესი ქულა მიიღო
შეფასებისა და გამოცდების ეროვნული ცენტრის ხელმძღვანელი სოფიო
გორგოძე დღეს მედიის წარმომაგენლებს შეხვდა.
მისი ინფორმაციით, 20-მა აბიტურიენტმა უმაღლესი ქულა მიიღო ქართულ
ენასა და ლიტერატურაში, 12 - მა კი მათემატიკაში. "ეტაპობრივად
ქვეყნდება სხვა საგნების შედეგებიც. ვფიქრობთ, რომ პირველადი
შედეგების გამოცხადება დასრულდება მომდევნო კვირის დასაწყისში და ჩვენ
შევძლებთ სააპელაციო განაცხადების მიღებას. საპრეტენზიო განაცხადების
შემოტანის შესაძლებლობა აბიტურიენტებს 4 დღის განმავლობაში ექნებათ.
რაც შეეხება საბოლოო შედეგებს, იმ შემთხვევაში, თუ სააპელაციო
განაცხადების რაოდენობა იქნება წინა წლების მსგავსი, აგვისტოს
დასასრულს უკვე შევძლებთ საბოლოო შედეგების გამოქვეყნებას“ -
განაცხადა შეფასებისა და გამოცდების ეროვნული ცენტრის დირექტორმა.
გამოცდების შედეგების გამოქვეყნება გამოცდების ეროვნულმა
ცენტრმა 3 აგვისტოს დაიწყო.
მასალის გამოყენების პირობები