რომელ პროგრამებზე დააფინანსებს სწავლას სახელმწიფო თელავის უნივერსიტეტში
საქართველოს განათლების მინისტრმა, 2020-2021 სასწავლო წელს
უმაღლეს საგანმანათლებლო დაწესებულებებზე პროგრამული დაფინანსების
გაცემის წესი და პირობები დაამტკიცა.
სამინისტრომ ასევე განსაზღვრა სახელმწიფოს მიერ დაფუძნებულ უმაღლეს
სასწავლებლებში აკრედიტებული ის პროგრამული მიმართულებები, რომლებშიც
სტუდენტის სწავლის საფასურს სრულად აფინანსებს სახელმწიფო.
2020-2021 სასწავლო წელს პროგრამული დაფინანსებისთვის 10 სახელმწიფო
უმაღლესი სასწავლებელი ჯამში 12 723 750 ლარს მიიღებს,მათ შორის იაკობ
გოგებაშვილის სახელობის თელავის სახელმწიფო უნივერსიტეტი – 587 250
ლარს.
თელავის სახელმწიფო უნივერსიტეტში სახელმწიფო შემდეგ პროგრამებზე
სწავლას სრულად დააფინანსებს: მასწავლებლის მომზადების ინტეგრირებული
საბაკალავრო-სამაგისტრო პროგრამა, ისტორია,ქართული ენა და ლიტერატურა,
ბიოლოგია, სასურსათო ტექნოლოგია, აგრონომია და ეკონომიკა.
მასალის გამოყენების პირობები