კორონავირუსის შემთხვევების გამო, გურჯაანის მუნიციპალიტეტში 11
საბავშვო ბაღი და 10 სააღმზრდელო ჯგუფია დახურული. ამის შესახებ
speqtri.ge-ს ბაღების გაერთიანების ხელმძღვანელმა, შორენა
ფროდიაშვილმა განუცხადა.
"ბაღები ეტაპობრივად გაიხსნება. გუშინ გავხსენით 4 მათგანი, 17-ში
გაიხსნება 3 ბაღი, 21 და 22 თებერვალს კი დანარჩენი. ქალაქ გურჯაანში
მხოლოდ ერთი, #3 ბაღია დახურული. ბაღების დახურვის
გადაწყვეტილებას ვიღებთ საზოგადოებრივი ჯანდაცვის სამსახურის
რეკომენდაციით. ყველა შემთხვევის შესახებ ვაწვდით მათ ინფორმაციას და
ისინი გვაძლევენ რეკომენდაციას ჯგუფის, ან ბაღის დახურვის
თაობაზე,"-აღნიშნა შორენა ფროდიაშვილმა.
ცნობისთვის, 15 თებერვლის მონაცემებით, კახეთში კორონავირუსის 1229
ახალი შემთხვევა დაფიქსირდა. ინფიცირებულთა ამ მაჩვენებლით, რეგიონი,
თბილისის, იმერეთის, აჭარისა და სამეგრელო-ზემო სვანეთის შემდეგ,
მეხუთე ადგილზეა.
მასალის გამოყენების პირობები