2022 წლის ერთიანი ეროვნული გამოცდების შედეგების გასაჩივრება აბიტურიენტებს 8 აგვისტოს 10:00 საათიდან შეეძლებათ. სააპელაციო განაცხადების მიღება ორი დღის განმავლობაში გაგრძელდება და 10 აგვისტოს 18:00 საათზე დასრულდება.

აღსანიშნავია, რომ წელს აპელაციის საფასური ერთი საგნისთვის შეადგენს 50 ლარს. შეფასებისა და გამოცდების ეროვნული ცენტრის განცხადებთ, აპელაციის საფასური აბიტურიენტმა განაცხადის შევსებამდე უნდა გადაიხადოს. ქულის მომატების ან დაკლების შემთხვევაში კი გამოსაცდელს თანხა უკან დაბრუნდება.

შეფასებისა და გამოცდების ეროვნული ცენტრი აღნიშნავს, რომ განაცხადის გაგზავნა მხოლოდ ერთხელაა შესაძლებელი და გაგზავნის შემდეგ აბიტურიენტი მასში ცვლილებებს ვეღარ შეიტანს. იმ შემთხვევაში, თუ განაცხადი გადაგზავნილია და აბიტურიენტს სურს, დაამატოს დავალება ან სხვა საგანი, ხდება განაცხადის წერილობით გაუქმება. ამისთვის აბიტურიენტმა წერილობით უნდა მიმართოს შეფასებისა და გამოცდების ეროვნულ ცენტრს (მის: ე. მინდელის ქ. N9, რეგიონებში კი - საგანმანათლებლო რესურსცენტრებში), რის შემდეგაც გამოსაცდელს მიეცემა უფლება, შეიტანოს ახალი სააპელაციო განაცხადი დადგენილ ვადებში.