მუნიციპალური განვითარების ფონდმა, სკოლების მშენებლობისა და
რეაბილიტაციის პროგრამის ფარგლებში, სიღნაღის მუნიციპალიტეტის სოფელ
ქვემო მაჩხაანში ახალი სკოლის მშენებლობა დაასრულა.
როგორც ფონდში ამბობენ, აქამდე სკოლაში მოსწავლეებს რთულ პირობებში
უწევდათ განათლების მიღება. 90-მდე მოსწავლე უკვე გამართული სასკოლო
ინფრასტრუქტურის პირობებში და კეთილმოწყობილ გარემოში შეძლებს სწავლის
გაგრძელებას.
ფონდის ცნობითვე, სოფელ ქვემო მაჩხაანის 90 მოსწავლეზე გათვლილი
საჯარო სკოლა თანამედროვე სტანდარტების შესაბამისად აშენდა. სკოლაში 9
საკლასო ოთახი, 3 კაბინეტი და 1ლაბორატორია მოეწყო.
საკლასო ოთახების გარდა, აგრეთვე კეთილმოეწყო სკოლის ეზოც, დამონტაჟდა
გათბობის, წყალსადენის და კანალიზაციის სისტემები. სკოლა სრულად
ადაპტირებულია განსაკუთრებული საჭიროების მქონე
მოსწავლეებისათვის.
მასალის გამოყენების პირობები