გურჯაანის საბავშვო ბაღებში სააღმზრდელო პროცესი 30 ივნისს დასრულდება. ამის შემდეგ კი საზაფხულო ჯგუფები გაიხსნება, სადაც გარკვეული კატეგორიის აღსაზრდელებს შეეძლებათ სიარული.

„როგორც ყოველთვის, საზაფხულო ჯგუფები წელსაც გაიხსნება, რომელიც მე-4 ბაღში იფუნქციონირებს. რაოდენობა ბავშვთა კონტინგენტზე იქნება დამოკიდებული, მაგრამ ვფიქრობთ, რომ 4 ჯგუფი მაინც შედგება. საზაფხულო ჯგუფში ივლიან სოციალურად დაუცველი ოჯახის ბავშვები და ისინი, ვისი მშობლებიც დასაქმებულები არიან,“ - ამბობს speqtri.ge-სთან საუბარში გურჯაანის სკოლამდელი სააღმზრდელო დაწესებულებების გაერთიანების ხელმძღვანელი, ნატა რუაძე.

ბავშვის საზაფხულო ჯგუფში ჩასარიცხად, საჭიროა მშობლის განცხადება.