საქართველოში კორონავირუსის კიდევ 5 ახალი შემთხვევა დაფიქსირდა.
დაავადებათა კონტროლისა და საზოგადოებრივი ჯანმრთელობის ეროვნული
ცენტრის ხელმძღვანელის ამირან გამყრელიძის განცხადებით,
დაინფიცირებული ადამიანები იტალიაში სამოგზაუროდ ერთად იმყოფებოდნენ.
როგორც მან განმარტა, ამჟამად მიმდინარეობს ამ 5 პაციენტის
კონტაქტების კვლევა და იდენტიფიცირება. საერთო ჯამში, საქართველოში
კორონავირუსის 9 შემთხვევაა დადასტურებული. მთავრობის მიერ
შექმნილ სპეციალური ვებგვერდის თანახმად, კარანტინის რეჟიმშია 162
ადამიანი, ხოლო სტაციონარში მეთვალყურეობის ქვეშ – 45.
საქართველოში კორონავირუსის პირველი შემთხვევა 2020 წლის 26 თებერვალს
დადასტურდა. დაავადებული საქართველოს მოქალაქე ქვეყანაში აზერბაიჯანის
გავლით ირანიდან შემოვიდა. კორონავირუსის მეორე შემთხვევა
საქართველოში 2020 წლის 28 თებერვალს, მესამე 29 თებერვალს, მეოთხე კი
5 მარტს დადასტურდა.4 მარტს კი ცნობილი გახდა, რომ ვირუსით იტალიაში
მცხოვრები საქართველოს მოქალაქე დაინფიცირდა. ბოლო მონაცემებით,
COVID-19-ს მსოფლიოს მასშტაბით 3220 ადამიანი ემსხვერპლა, 51,193 კი
გამოჯანმრთელდა.
მასალის გამოყენების პირობები