საქართველოში კორონავირუსზე 203 პაციენტი მკურნალობს, მათ შორის შვიდის მდგომარეობა კრიტიკულია. მძიმეა 16 პაციენტის ჯანმრთელობაც. ამის შესახებ თბილისის ინფექციური საავადმყოფოს კლინიკურმა დირექტორმა მარინა ეზუგბაიამ განაცხადა.

"გამოჯანმრთელებულებიდან მხოლოდ 4 დაგვემატა და გახდა 1 058. ამ მონაცემებით 82% არის გამოჯანმრთელებულების პროცენტული მაჩვენებელი, ხოლო დადასტურებულსა და გამოჯანმრთელებულს შორის მონაცემების შეფარდებით უკვე 203 პაციენტი მკურნალობს დღეს კოვიდცენტრებში. ამ 203 პაციენტში 7 პაციენტი კვლავ კრიტიკულია. გუშინ იყო 8 და ერთი შედარებით დასტაბილურდა და მძიმეთა სიაში გადავიდა. დღევანდელი მონაცემებით მძიმეთა სიაში 16 პაციენტი გვყავს", – განაცხადა მან.

12 აგვისტოს მონაცემებით, საქართველოში კორონავირუსის შემთხვევათა რაოდენობა 1 278–მდე გაიზარდა, ინფიცირებული პაციენტებიდან 1 058 გამოჯანმრთელდა.