საქართველოში კორონავირუსით ინფიცირებული 6 პაციენტის მდგომარეობა
კრიტიკულია, - ამის შესახებ ინფექციური საავადმყოფოს სამედიცინო
დირექტორმა მარინა ეზუგბაიამ განაცხადა.
„დღევანდელი მონაცემებით კოვიდცენტრებში 236 მკურნალობს, მათგან,
გუშინ გვყავდა 6 კრიტიკული პაციენტი, ერთი მდგომარეობა გაუმჯობესდა და
და გადავიყვანეთ მძიმეთა სიაში, მაგრამ დაგვემატა ერთი ახალი და ისევ
6 კრიტიკული პაციენტი გვყავს. მძიმეთა სიაში პაციენტების რაოდენობა
არის 23“, - აღნიშნა მან.
ამ დროისთვის საქართველოში კორონავირუსის 1351 შემთხვევაა
დადასტურებული. განკურნებულთა რაოდენობა სულ 1098-ს შეადგენს.
კარანტინის რეჟიმში იმყოფება 7082 მოქალაქე, ხოლო სტაციონარში
მეთვალყურეობის ქვეშ - 334.
უცხოეთიდან სამკურნალოდ გადმოყვანილია საქართველოს 41 მოქალაქე.
კორონავირუსის შედეგად, ქვეყანაში 17 პაციენტი გარდაიცვალა.
მასალის გამოყენების პირობები