დაავადებათა კონტროლის ხელმძღვანელის ამირან გამყრელიძის განმარტებით,
რვადღიანი საკარანტინო ვადა მხოლოდ ქვეყანაში შემოსულ ადამიანებს
ეხება, ხოლო საქართველოში, ინფიცირებულთან კონტაქტში მყოფ ადამიანებს
ისევ 12-დღიანი საკარანტინო იზოლირება ეკუთვნით.
მისივე თქმით, ამ პირებს მერვე და მე-12 დღეს PCR-ტესტირება
სახელმწიფოს ხარჯზე ჩაუტარდებათ.
„საქართველოში შემოსული ყველა ადამიანი, ზოგიერთი გამონაკლისის გარდა,
მიდის რვადღიან კარანტინში. მერვე დღეს სახელმწიფოს ხარჯზე
გაუკეთდებათ PCR-ტესტი და თუ ის უარყოფითია, მაშინ ისინი გამოდიან,
თავისუფლდებიან კარანტინიდან იმ პირობით, რომ მეთორმეტე დღეს უნდა
ჩაიტარონ ასევე ტესტი, ისევ სახელმწიფოს ხარჯზე“,- განაცხადა მან.
მასალის გამოყენების პირობები