საქართველოში "დელტა პლიუსის" 10-ზე მეტი შემთხვევაა გამოვლენილი - პაატა იმნაძე
საქართველოში კოვიდ-19-ის “დელტა პლიუსის” 10-ზე მეტი შემთხვევაა
გამოვლენილი – ამის შესახებ დაავადებათა კონტროლის ცენტრის დირექტორის
მოადგილემ “დღის კურიერში” განაცხადა.
პაატა იმნაძის თქმით, ქვეყანაში აქტიური შემთხვევების 80 % სწორედ
“დელტა” შტამს უკავშირდება.
“ის, რასაც დაიჭერთ ლაბორატორიულად, “დელტა პლიუსი” 10-ზე მეტია, რაც
შეეხება “დელტა” ვარიანტს, თბილისში და ბათუმში თითქმის სულ ყველა
დელტაა, საქართველოზე თუ გადავიანგარიშებთ, 80 %-მდე სულ ყველგან
დელტაა.” – თქვა იმნაძემ.
მისივე თქმით, “დელტა პლიუსი” ე.წ. “დელტა” შტამისგან ერთი მუტაციით
განსხვავდება. შეგახსენებთ, ამ დრომდე ქვეყანაში დელტა პლიუსის 2
შემთხვევა იყო გამოვლენილი, რამდენიმე დღის წინ დაავადებათა კონტროლის
ცდენტრის ხელმძღვანელმა, ამირან გამყრელიძემ თქვა, რომ აღნიშნული
ვარიანტი “დელტა” შტამის ქვეშტამია.
მასალის გამოყენების პირობები