საქართველოში, ბოლო ერთი კვირის განმავლობაში, კორონავირუსის დადასტურებული შემთხვევების რაოდენობა 11 802-ია. დაავადებათა კონტროლის ეროვნული ცენტრის ინფორმაციით, გასული ერთი კვირის განმავლობაში (24-31 ივლისი), გარდაცვალების 10 შემთხვევა დაფიქსირდა, გამოჯანმრთელდა ვირუსით ინფიცირებული 10 233 პაციენტი.

მათივე ცნობით, ვირუსის გავრცელების დადებითობის მაჩვენებელი, აღნიშნულ პერიოდში, 15.47%-მდე გაიზარდა.

შემთხვევების ყველაზე მეტი რაოდენობა თბილისში ფიქსირდება, ყველაზე ნაკლები კი - სამცხე-ჯავახეთსა და რაჭა-ლუჩხუმ-ქვემო სვანეთში.

რეგიონების მიხედვით ინფიცირების სტატისტიკა ასეთია:

• თბილისი – 6 005 შემთხვევა;
• იმერეთი – 1 458;
• აჭარა – 1 382;
• სამეგრელო-ზემო სვანეთი – 737;
• გურია – 579;
• შიდა ქართლი – 423;
• კახეთი – 388;
• ქვემო ქართლი – 334;
• მცხეთა – მთიანეთი – 218;
• სამცხე-ჯავახეთი – 139;
• რაჭა-ლეჩხუმ-ქვემო სვანეთი – 139.