გურჯაანის ცენტრალურ ბიბლიოთეკაში დედის დღისადმი მიძღვნილი ღონისძიება გაიმართა.
"ღონისძიება ბიბლიოთეკის საბავშვო განყოფილებამ ჩაატარა, რომელშიც მონაწილეობას გურჯაანის საჯარო სკოლების მოსწავლეები იღებდნენ. ძალიან ლამაზი საღამო იყო. ბავშვებმა სიმღერები და ლექსები დედებს მიუძღვნეს."-აღნიშნა საბიბლიოთეკო და სამუზეუმო გაერთიანების დირექტორმა მაია ბეროშვილმა.

ღონისძიებას საჯარო სკოლის პედაგოგები, მოსწავლეები და გაერთიანების თანამშრომლები ესწრებოდნენ.