ისტორიული ციხე-ქალაქი კვეტერა ახმეტის მუნიციპალიტეტში, მდინარე
ილტოს მარჯვენა ნაპირზე, ახმეტა-თიანეთის დამაკავშირებელი მაგისტრალის
მარცხენა მხარეს მდებარეობს.
ციხე-ქალაქის კომპლექსის შემადგენლობაში შედის: შიდა ციხე, ქვედა
ციხე, გალავანი, სასახლე, დარბაზული ეკლესია და მთავარი
ღირსშესანიშნაობა - გუმბათოვანი ეკლესია.
კვეტერა წყაროებში პირველად კვირიკე III-ის მეფობის (1010-1037)
დროიდან, XI საუკუნის I ნახევრიდან იხსენიება, თუმცა ვახუშტი
ბატონიშვილის ცნობით, ჯერ კიდევ VIII საუკუნეში უნდა არსებულიყო.
კვეტერის ციხე-ქალაქი კახეთის სამთავროს ერთ-ერთი ცენტრი იყო. მის
დაწინაურებას დიდად შეუწყო ხელი ხელსაყრელმა გეოგრაფიულმა
მდებარეობამ.
საქალაქო ცხოვრების კვალი XIII საუკუნიდან ისპობა და შემდეგ წყაროებში
უკვე აღარ არის მოხსენიებული.
როგორც speqtri.ge-სთან ახმეტის მუნიციპალიტეტის მერიის ძეგლთა დაცვის
განყოფილების უფროსი გოგი ურგებაშვილი ამბობს, რომ კვეტერა
ტურისტებისთვის მოთხოვნადი ძეგლია. მისივე თქმით, ინტერესი უფრო მეტად
მაშინ გაიზრდება, როდესაც ახმეტა-თიანეთის დამაკავშირებელი გზის
რეაბილიტაცია დასრულდება.
კვეტერას კულტურული მემკვიდრეობის ძეგლის სტატუსი აქვს. მისი
კომპლექსური რეაბილიტაცია 2015 წელს განხორციელდა.
მასალის გამოყენების პირობები