კულტურა
პირველი ქორეოგრაფი გურჯაანში -კაცი, რომელიც ცეკვით არ დაღლილა
ავთანდილ თუნიაშვილი დღემდე ინახავს გასული საუკუნის 50-იანი წლების სიგელებსა და აფიშებს. მისი თქმით, ალბათ, ბევრმა არ იცის, რომ გურჯაანში ქართული ქორეოგრაფიის ფუძემდებელი შოთა თუნიაშვილია, რომლის დამსახურებაცაა რაიონში პირველი ქორეოგრაფიული ანსამბლის დაარსება.
გამოზარდა მოცეკვავეების არაერთი თაობა.

„მამაჩემისთვის ცეკვა ხელოვნება იყო და არა ფულის შოვნის საშუალება, მიუხედავად იმისა, რომ ძალიან გვიჭირდა და ხანდახან მხოლოდ თუთა და პური გვიჭამია, სცენაზე ფულის გამო არ გამოვიდოდა. მისი მოტივაცია ამ საქმის დიდი სიყვარული იყო. მახსენდება, ერთხელ კონცერტის ჩასატარებლად ახალსოფელში წასულან, ბევრი ხალხი იყო შეკრებილი, კონცერტს ელოდებოდნენ, თუმცა, ბილეთის ფული არ ჰქონიათ. მამაჩემს მეგობრებისთვის უთქვამს, აქ ჩამოსულები, ისე ხომ არ წავალთ, რომ ეს ხალხი არ გავაოცოთო?! ჩაიცვით ფორმები და მოემზადეთო. ისეთი ცეცხლი დაუნთიათ სცენაზე, როგორც ეს ქართულ ცეკვას ეკადრება, ხალხიც კმაყოფილი დარჩენილა და კარგადაც უქეიფებიათ“ - იხსენებს შოთა თუნიაშვილის შვილი, ავთანდილ თუნიაშვილი.

მისივე ნაამბობის მიხედვით, თავდაპირველად 1919 წელს, ლოტბარ ლევან მუღალაშვილის ხელმძღვანელობით გურჯაანში სიმღერის ანსამბლი დაარსებულა.
ერთ-ერთ ფესტივალზე ჟიურის წევრს უთქვამს, სირცხვილია, ამ ანსამბლს სახელმწიფო ანსამბლის სტატუსი არ მივანიჭოთ, ისე კარგად მღერიანო. ასე ჩამოყალიბებულა სახელმწიფო ანსამბლი გურჯაანში.

ამ პერიოდში, შოთა თუნიაშვილს ქუთაისში სამხედრო რეზერვში უმსახურია, მისთვის ცეკვა ბუხუტი დარახველიძეს უსწავლებია და ქუთაისის ანსამბლშიც მიუღიათ. ამ ხნის მანძილზე, ომიც დამთავრებულა და გურჯაანში დაბრუნებულა. რკინიგზის კლუბში მისთვის ცეკვის წრის გახსნა შეუთავაზებიათ, რომელიც ზემოთ ხსენებულ სიმღერის სახელმწიფო ანსამბლთან გაერთიანდებოდა.

„მამას ყველა ცეკვა თითქმის ერთნაირად უყვარდა, თუმცა მაინც „ქართულს“ გამოარჩევდა. ის იყო თავის პროფესიაზე შეყვარებული ადამიანი, რომელიც ცეკვით არასდროს დაღლილა...“- გვიყვება ავთანდილ თუნიაშვილი.

იმდენად იყო პროფესიაზე შეყვარებული, რომ ოჯახისთვის ნაკლები დრო რჩებოდა, სწორედ ამ მუხლჩაუხრელი შრომის შედეგი იყო არაერთი წარმატება და ჯილდო.

„გურჯაანში პირველმა ქორეოგრაფმა შოთა თუნიაშვილმა დაამკვიდრა ცეკვის ხელოვნება, პირველად მან ჩაიცვა ჩოხა, მისმა დაარსებულმა ანსამბლმა მიაღწია არაერთ წარმატებას როგორც ქვეყნის შიგნით, ისე მის ფარგლებს გარეთ. თუ ვინმეს, გურჯაანში დღეს ცეკვის ანსამბლი აქვს, თითქმის ყველა მამაჩემის გამოზრდილია, მის ანსამბლში მეც ვცეკვავდი, ბევრი საპატიო სიგელი და დიპლომი გვაქვს მიღებული. ფესტივალებიდან ყოველთვის გამარჯვებულები და ამაყები ვბრუნდებოდით.“

ავთანდილ თუნიაშვილი მიიჩნევს, რომ იმ ღვაწლისთვის, რაც შოთა თუნიაშვილს ქართული ქორეოგრაფიის განვითარებაში მიუძღვის, მეტ ყურადღებასა და დაფასებას იმსახურებს. მისი სურვილია, მამამისის უკვდავსაყოფად, გურჯაანში რომელიმე ქუჩას შოთა თუნიაშვილის სახელი ეწოდოს.




ფოტოზეა შოთა თუნიაშვილის ვაჟი, ავთანდილ თუნიაშვილი





| Print |  E-mail
FaceBook Twitter Google
ამავე კატეგორიაში
კრეატიული ნივთების, სამკაულებისა და სხვა ხელნაკეთი აქსესუარების
შექმნა ბავშვობიდან იტაცებდა. როდესაც სტუდენტი გახდა, გატაცება დროის
სიმცირის გამო ცოტა ხნით დაივიწყა.
კრეატიული ნივთების, სამკაულებისა და სხვა ხელნაკეთი აქსესუარების შექმნა ბავშვობიდან იტაცებდა. როდესაც სტუდენტი გახდა, გატაცება დროის სიმცირის გამო ცოტა ხნით დაივიწყა.
08:46 / 02.08.2020
უკვე ცნობილია ნომერი, სადაც შეგიძლიათ დარეკოთ და უგულშემატკივროთ
ლევან ყანდიაშვილს, რომელიც მეგაპროექტ „დიდ სცენაში“ კახეთის სახელით
მონაწილეობს.
უკვე ცნობილია ნომერი, სადაც შეგიძლიათ დარეკოთ და უგულშემატკივროთ ლევან ყანდიაშვილს, რომელიც მეგაპროექტ „დიდ სცენაში“ კახეთის სახელით მონაწილეობს.
22:57 / 03.07.2020
ლაგოდეხელი 17 წლის ერეკლე თურქაძე, ინტერნეტ-სერიალ ,,ნინველში’’
მთავარ როლზე დაამტკიცეს. ამის შესახებ დამწყები მსახიობი თავად
გვესაუბრება.
ლაგოდეხელი 17 წლის ერეკლე თურქაძე, ინტერნეტ-სერიალ ,,ნინველში’’ მთავარ როლზე დაამტკიცეს. ამის შესახებ დამწყები მსახიობი თავად გვესაუბრება.
18:03 / 26.06.2020
გიორგი ლეონიძის შთაგონების წყარო სოფელი პატარძეული იყო და მისი
„ნატვრის ხის“ პერსონაჟებიც პატარძეულელები არიანო - ამბობს პოეტი
რომან ზუკაკიშვილი.
გიორგი ლეონიძის შთაგონების წყარო სოფელი პატარძეული იყო და მისი „ნატვრის ხის“ პერსონაჟებიც პატარძეულელები არიანო - ამბობს პოეტი რომან ზუკაკიშვილი.
14:27 / 24.06.2020
სხვა ამბები
უკვე ცნობილია ნომერი, სადაც შეგიძლიათ დარეკოთ და უგულშემატკივროთ ლევან ყანდიაშვილს, რომელიც მეგაპროექტ „დიდ სცენაში“ კახეთის სახელით მონაწილეობს.
22:57 / 03-07-2020
ლაგოდეხელი 17 წლის ერეკლე თურქაძე, ინტერნეტ-სერიალ ,,ნინველში’’ მთავარ როლზე დაამტკიცეს. ამის შესახებ დამწყები მსახიობი თავად გვესაუბრება.
18:03 / 26-06-2020
კორონავირუსის გავრცელების პრევენციის მიზნით, განათლების სისტემა დისტანციური სწავლების ფორმატზე გადავიდა.
13:32 / 25-06-2020
აბიტურიენტებმა ეროვნული გამოცდების წერა შესაძლოა, პირბადის გარეშე შეძლონ
18:14 / 24-06-2020
გიორგი ლეონიძის შთაგონების წყარო სოფელი პატარძეული იყო და მისი „ნატვრის ხის“ პერსონაჟებიც პატარძეულელები არიანო - ამბობს პოეტი რომან ზუკაკიშვილი.
14:27 / 24-06-2020
ავთანდილ თუნიაშვილი დღემდე ინახავს გასული საუკუნის 50-იანი წლების სიგელებსა და აფიშებს. მისი თქმით, ალბათ, ბევრმა არ იცის, რომ გურჯაანში ქართული ქორეოგრაფიის ფუძემდებელი შოთა თუნიაშვილია, რომლის დამსახურებაცაა რაიონში პირველი ქორეოგრაფიული ანსამბლის დაარსება.
13:20 / 24-06-2020
ვალუტა
EUR
EUR
1
3.6402
USD
USD
1
3.0737
GBP
GBP
1
4.0493
TRY
TRY
1
0.4228
RUB
RUB
100
4.1843
ამინდი
გურჯაანი 19 / 31 °C
img
საგარეჯო 18 / 28 °C
img
დ.წყარო 17 / 26 °C
img
სიღნაღი 19 / 31 °C
img
ლაგოდეხი 18 / 28 °C
img
ყვარელი 19 / 31 °C
img
თელავი 19 / 29 °C
img
ახმეტა 17 / 30 °C
img
კალენდარი
«« აგვისტო 2020 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.