გურჯაანელმა სპორტსმენებმა “შავი ზღვის თასზე“ წარმატებით იასპარეზეს
ველისციხელი ძალოსანი გიორგი ბეროშვილი კიდევ ერთი ტურნირის
გამარჯვებულია. ძალისმიერ სამჭიდში გამართულ შავი ზღვის თასის
ჩემპიონატზე, მან 110 კილოგრამ წონით კატეგორიაში იასპარეზა , 250
კილოგრამი დაძლია და პირველი ადგილი დაიკავა.
შეჯიბრი ბათუმში ჩატარდა და მასში მონაწილეობას სულ ექვსი ქვეყნის
70-მდე სპორტსმენი იღებდა.
-“გურჯაანიდან მონაწილეობას ვიღებდით მე და ჩემი ორი მოსწავლე. ბექა
მელიქიძე 80 კილოგრამ წონით კატეგორიაში გამოდიოდა, ხოლო ნიკა
ჯადუგიშვილი 100 კილოგრამ წონით კატეგორიაში. მათაც პირველი ადგილები
დაიკავეს.- აღნიშნა გიორგი ბეროშვილმა.
ცნობისთვის, გიორგი ბეროშვილს მსოფლიო ჩემპიონატზე, ჩემპიონის ტიტული
რამდენჯერმე აქვს მოპოვებული.
მასალის გამოყენების პირობები