საერთაშორისო დიდოსტატების ნანა იოსელიანისა და გიორგი გიორგაძის
სახელობის საჭადრაკო კლუბის მოჭადრაკე, გიორგი წანაწყენიშვილი ა
კლასის დიდ საერთაშორისო ტურნირზე მეორე ადგილის მფლობელი გახდა.
ფოთში გამართულ საერთაშორისო ჩემპიონატში, სხვადასხვა ქვეყნის
წარმომადგენლები მონაწილეობდნენ.
„როგორც მოგეხსენებათ, საერთაშორისო ტურნირი, რომელიც 9 დღის
განმავლობაში მიმდინარეობდა, დასრულდა. ჩემპიონატში მონაწილეობას 9
ქვეყნის 40 მონაწილე იღებდა. ჩვენი სკოლის
წარჩინებულმა მოჭადრაკემ, გიორგი წანაწყენიშვილმა, რომელმაც
არაერთხელ გვასახელა, მეორე ადგილი დაიკავა, მიიღო ფულადი ჯილდო 1400
ლარის ოდენობით და მისი რეიტინგი 69 პუნქტით ამაღლდა,“ - განაცხადა
speqtri.ge-სთან საუბარში ჭადრაკის სკოლის დირექტორმა გია
ქიტესაშვილმა.
ცნობისთვის, 3 აგვისტოს იწყება საქართველოს პირველობა 20 წლამდე
ასაკის მოჭადრაკეებს შორის, სადაც მონაწილეობას
მიიღებენ ტყუპები, გიორგი და ალექსანდრე წანაწყენიშვილები. მათ
შესაძლებლობა მიეცემათ მსოფლიოს და ევროპის პირველობის საგზურები
დაისაკუთრონ.
მასალის გამოყენების პირობები