კანადელმა მეცნიერებმა რძის იდეალური ნორმა გამოთვალეს. თურმე 2-დან
5 წლამდე ასაკის ბავშვები ყოველდღე 500 მლ ძროხის რძეს უნდა იღებდნენ.
პედიატრი ჯონათან მაგირი, რომელმაც კოლეგებთან ერთად 1311 ბავშვი
გამოიკვლია, აღნიშნავს, რომ რძის არასათანადო რაოდენობით მიღებამ
შესაძლოა ორგანიზმში D ვიტამინის დეფიციტი გამოიწვიოს, ხოლო ჭარბმა -
რკინისა, რაც, თავის მხრივ, ანემიას, კოგნიტური უნარის დაქვეითებას,
დაღლილობისა და სისუსტის შეგრძნებას, იმუნიტეტის დაქვეითებას,
ფარისებრი ჯირკვლის ჰორმონის გამომუშავების შემცირებას იწვევს.
მკვლევრები აღნიშნავენ, რომ დროთა განმავლობაში ეს ეფექტები უფრო
მკვეთრად წარმოჩნდება.
წყარო:მკურნალი.გე
მასალის გამოყენების პირობები