სპექტრი+
როგორ გავიმაგროთ ფრჩხილები
წყლის, ტუტეებისა და მჟავების ხანგრძლივი ზემოქმედება ფრჩხილებს
აზიანებს და ადვილად მტვრევადი ხდება. ფრჩხილების ასეთი მდგომარება,
აგრეთვე შესაძლოა არასრულფასოვანი კვების და ავიტამინოზის ბრალიც
იყოს.
თუ ფრჩხილები კალციუმის ნაკლებობის გამო გაგითხელდათ და მტვრევადი გაგიხდათ, რაციონი აუცილებლად გაამდიდრეთ რძის ნაწარმით, კერძოდ, ხაჭოთი. სამწუხაროდ, რჩხილების განშრევება ბევრისთვის ნაცნობი პრობლემაა. ამ პრობლემასთან ბრძოლა მეტად მარტივი მეთოდით - მარილიანი აბაზანებით შეიძლება. ძალზე სასარგებლოა ზღვის ან ოკეანის მარილი ყოველგვარი დანამატისა და არომატიზატორის გარეშე. მარილი თბილ წყალში უნდა გახსნათ და თითის ფალანგები 20 წუთით გააჩეროთ ამ აბაზანაში. პროცედურა 10 დღის განმავლობაში ყოველდღე უნდა ჩაიტაროთ. ერთი თვის შემდეგ შეგიძლიათ გაიმეოროთ. პროფილაქტიკისთვის საკმარისია კვირაში ერთი აბაზანა. კატეგორიულად აკრძალულია სოდიანი აბაზანები! მათ ხშირად მიმართავენ ფრჩხილებიდან ჭუჭყისა და სიშავის მოსაშორებლად. მართალია, ეს პროცედურა სასარგებლოა ხელებისთვის, მაგრამ ფრჩხილები ამ დროს ბამბასავით რბილდება, ამიტომ ზედმიწევნით უნდა მოარიდოთ ფრჩხილები სოდიან წყალთან კონტაქტს.
ფრჩხილების გასამაგრებლად
• აიღეთ 1 წილი ჯინჭარი, 1 წილი წიწმატურა, 2 წილი მხოხავი ჭანგას ფესვი, 3 წილი დიდგულას ყვავილი. ორ ჩაის კოვზ ნარევს დაასხით 2 ჩაის ჭიქა მდუღარე წყალი, 6-8 საათით გააჩერეთ თერმოსში,
გადაწურეთ და მიიღეთ დღეში 3-4-ჯერ ნახევარ-ნახევარი ჭიქა. კურსი 10-14-დღიანია.
ფრჩხილების კვებისთვის
• A ვიტამინი აუცილებელია ფრჩხილების ზრდისა და გამაგრებისთვის. მას შეიცავს ღვიძლი, მწვანილი, კარაქი, პომიდორი, სტაფილო.
• B ვიტამინი ხელს უწყობს ფრჩხილების ზრდისთვის აუცილებელი ცილების ათვისებას. ის ბევრია კომბოსტოში, კვერცხის გულში, ხორბლის მარცვლების ღივში.
• იოდი ხელს უწყობს ფრჩხილების ზრდას. ამ ელემენტით მდიდარია ზღვის პროდუქტები, ისპანახი.
• სილიციუმი მნიშვნელოვანი ელემენტია ფრჩხილების ელასტიკურობისა და სიმყარისთვის. მას ბოსტნეული შეიცავს.
• კალციუმი განაპირობებს ფრჩხილების სიმაგრესა და სიჯანსაღეს. ის დიდი რაოდენობითაა რძის ნაწარმში.
• რკინა აუცილებელია ფრჩხილების ნორმალური ფორმისა და სტრუქტურის ჩამოყალიბებისთვის.
• გოგირდი აფერხებს ანთებითი პროცესების განვითარებას, თავისი წვლილი შეაქვს ფრჩხილების ფორმირების პროცესში. შედის კომბოსტოს, ხახვის, კიტრის შემადგენლობაში.
გახსოვდეთ, ფრჩხილების ნორმალურ ზრდას აფერხებს არასრულფასოვანი კვება, არასწორი დიეტები, ნარკოტიკები, ალკოჰოლი, ანემია (სისხლნაკლებობა), ჰორმონული დარღვევები და სხვა.
წყარო: mkurnali.ge
თუ ფრჩხილები კალციუმის ნაკლებობის გამო გაგითხელდათ და მტვრევადი გაგიხდათ, რაციონი აუცილებლად გაამდიდრეთ რძის ნაწარმით, კერძოდ, ხაჭოთი. სამწუხაროდ, რჩხილების განშრევება ბევრისთვის ნაცნობი პრობლემაა. ამ პრობლემასთან ბრძოლა მეტად მარტივი მეთოდით - მარილიანი აბაზანებით შეიძლება. ძალზე სასარგებლოა ზღვის ან ოკეანის მარილი ყოველგვარი დანამატისა და არომატიზატორის გარეშე. მარილი თბილ წყალში უნდა გახსნათ და თითის ფალანგები 20 წუთით გააჩეროთ ამ აბაზანაში. პროცედურა 10 დღის განმავლობაში ყოველდღე უნდა ჩაიტაროთ. ერთი თვის შემდეგ შეგიძლიათ გაიმეოროთ. პროფილაქტიკისთვის საკმარისია კვირაში ერთი აბაზანა. კატეგორიულად აკრძალულია სოდიანი აბაზანები! მათ ხშირად მიმართავენ ფრჩხილებიდან ჭუჭყისა და სიშავის მოსაშორებლად. მართალია, ეს პროცედურა სასარგებლოა ხელებისთვის, მაგრამ ფრჩხილები ამ დროს ბამბასავით რბილდება, ამიტომ ზედმიწევნით უნდა მოარიდოთ ფრჩხილები სოდიან წყალთან კონტაქტს.
ფრჩხილების გასამაგრებლად
• აიღეთ 1 წილი ჯინჭარი, 1 წილი წიწმატურა, 2 წილი მხოხავი ჭანგას ფესვი, 3 წილი დიდგულას ყვავილი. ორ ჩაის კოვზ ნარევს დაასხით 2 ჩაის ჭიქა მდუღარე წყალი, 6-8 საათით გააჩერეთ თერმოსში,
გადაწურეთ და მიიღეთ დღეში 3-4-ჯერ ნახევარ-ნახევარი ჭიქა. კურსი 10-14-დღიანია.
ფრჩხილების კვებისთვის
• A ვიტამინი აუცილებელია ფრჩხილების ზრდისა და გამაგრებისთვის. მას შეიცავს ღვიძლი, მწვანილი, კარაქი, პომიდორი, სტაფილო.
• B ვიტამინი ხელს უწყობს ფრჩხილების ზრდისთვის აუცილებელი ცილების ათვისებას. ის ბევრია კომბოსტოში, კვერცხის გულში, ხორბლის მარცვლების ღივში.
• იოდი ხელს უწყობს ფრჩხილების ზრდას. ამ ელემენტით მდიდარია ზღვის პროდუქტები, ისპანახი.
• სილიციუმი მნიშვნელოვანი ელემენტია ფრჩხილების ელასტიკურობისა და სიმყარისთვის. მას ბოსტნეული შეიცავს.
• კალციუმი განაპირობებს ფრჩხილების სიმაგრესა და სიჯანსაღეს. ის დიდი რაოდენობითაა რძის ნაწარმში.
• რკინა აუცილებელია ფრჩხილების ნორმალური ფორმისა და სტრუქტურის ჩამოყალიბებისთვის.
• გოგირდი აფერხებს ანთებითი პროცესების განვითარებას, თავისი წვლილი შეაქვს ფრჩხილების ფორმირების პროცესში. შედის კომბოსტოს, ხახვის, კიტრის შემადგენლობაში.
გახსოვდეთ, ფრჩხილების ნორმალურ ზრდას აფერხებს არასრულფასოვანი კვება, არასწორი დიეტები, ნარკოტიკები, ალკოჰოლი, ანემია (სისხლნაკლებობა), ჰორმონული დარღვევები და სხვა.
წყარო: mkurnali.ge
მასალის გამოყენების პირობები