6 აპრილის 21 საათიდან 7 აპრილის დილის 6 საათამდე, ე.წ. კომენდანტის საათის დარღვევის ფაქტზე, მთელი ქვეყნის მასშტაბით პოლიციამ 112 მოქალაქე დააჯარიმა. 28 მოქალაქე დააჯარიმეს საჯარო სივრცეში 3-ზე მეტი პირის შეკრების და 2-მეტრიანი სოციალური დისტანციის დაუცველობის გამო, მგზავრთა გადაყვანისა და ავტომობილით გადაადგილების წესის დარღვევის ფაქტზე კიდევ კი - 27 პირი.

ამ დროის მონაცემებით, საქართველოში კორონავირუსისგან გამოჯანმრთელებულთა რიცხვი 3-ით გაიზარდა და ჯამში სტაციონარი 39-მა პაციენტმა დატოვა.

დღეს კახეთის რეგიონში 496 ადამიანი იმყოფება კარანტინში, 400-მდე ადამიანმა უკვე დატოვა ეს ზონა, და დღეს 12 ლოკაციიდან კიდევ 81 დატოვებს. დაახლოებით 802 რჩება თვითიზოლაციის რეჟიმში. ჯერჯერობით კახერთის რეგიონში კოვიდ 19-ით დაავადების შემთხვევა არ დაფიქსირებულა.

დღეს დილიდან თავდაცვის ძალები და შინაგან საქმეთა სამინისტროს დანაყოფები საგარეჯოს მუნიციპალიტეტის სოფელ ხაშმთან არიან მობილიზებულები. ვაზიანი-გომბორი-თელავის და თიანეთი-ახმეტის დამაკავშირებელ მაგისტრალზე საკონტროლო -გამშვები პუნქტები განთავსდა.

პოლიციამ, 5 აპრილის 21 საათიდან 6 აპრილის დილის 6 საათამდე, ე.წ. კომენდანტის საათის დარღვევის ფაქტზე, მთელი ქვეყნის მასშტაბით 136 მოქალაქე დააჯარიმა.
საჯარო სივრცეში 3-ზე მეტი პირის შეკრების შეზღუდვის და 2-მეტრიანი სოციალური დისტანციის დაუცველობის გამო კი - 82 მოქალაქე.

პირველი საუნივერსიტეტო კლინიკის დირექტორის, ლევან რატიანის თმით, მათ დაწესებულებაში კოვიდ19-ით ინფიცირებული 51 პაციენტია. მისი ინფორმაციით, 62 წლის ქალბატონი, რომელიც კლინიკაში შევიდა დადებითი ტესტით და განეკუთვნება მარნეულის კლასტერს, რამდენიმე დღეში გაეწერება.

თბილისის ინფექციური საავადმყოფოს სამედიცინო დირექტორის, მარინა ეზუგბაის განცხადებით, ბოლო 24 საათის განმავლობაში, ქვეყნის მასშტაბით, 18 ახალი შემთხვევა დადასტურდა. მათ კლინკაში ტესტირება ჩაუტარდა 28 პაციენტს, რომელთაგან 5 იყო დადებითი. მათგან ორს მძიმე პნევმონია აქვს.

კახეთის მხარეში სახელმწიფო რწმუნებულმა, ირაკლი ქადაგიშვილმა დღეს რეგიონში არსებული ცხელების ცენტრები მოინახულა. მისი თქმით, ყველგა სტაციონარში დამაკმაყოფილი მდგომარეობაა.

ამ დროისთვის საქართველოში კორონავირუსით ინფიცირებულთა რიცხვმა კიდევ მოიმატა და ჯამში 174 დადასტურებული შემთხვევაა.
მათ შორის გამოჯანმრთელებულია - 36.

სიღნაღის მუნიციპალიტეტის საზღვრისპირა სოფელ ერისიმედში მცხოვრებ 81 ოჯახს, საქველმოქმედო აქციის ფარგლებში, სასურსათო დახმარება გადაეცა.