თურქეთიდან იმპორტირებული პრეპარატების სია გაფართოვდა. 45-მდე
დასახელების მედიკამენტის შეძენა საქართველოს მოსახლეობას უკვე სამ
დიდ სააფთიაქო ქსელში შეუძლია.
ინფორმაციას აღნიშნულთან დაკავშირებით დევნილთა, შრომის,
ჯანმრთელობისა და სოციალური დაცვის სამინისტრო ავრცელებს,
„იაფი მედიკამენტები „ფარმადეპო“-ს, „ავერსი“-სა და „PSP“-ს ქსელშია
ხელმისაწვდომი.
გარდა ამისა, ხვალიდან მედიკამენტ „ქსარელტოს“ შეძენა შესაძლებელი
იქნება „GPC”-ს მთელ ქსელში. იგივე მედიკამენტი ხელმისაწვდომია
„ფარმსახლი“-ს სააფთიაქო ქსელშიც.
საქართველოს მთავრობის გადაწყვეტილებით, თურქული ფარმაცევტული ბაზრის
გახსნის შედეგად, პრეპარატების ფასი, საშუალოდ, 60-80%-ით
შემცირდა.
მოსახლეობისთვის მედიკამენტებზე ხელმისაწვდომობის გაზრდა სახელმწიფოს
პრიორიტეტია. ჯანდაცვის სამინისტროში, ამ მიმართულებით, მუშაობა
აქტიურად მიმდინარეობს.
თურქეთიდან იმპორტირებული პრეპარატების ჩამონათვალი მოწოდებულია
ფარმაცევტული სექტორის მიერ და განახლდება კომპანიებისგან მიღებული
ინფორმაციის შესაბამისად,“,- ვკითხულობთ სამინისტროს ოფიციალურ
ფეისბუქ გვერდზე.
აფთიაქების მისამართები, სადაც შესაძლებელია ამ მედიკამენტების შეძენა
იხილიეთ
ბმულზე.
მასალის გამოყენების პირობები