ირინე ფხოველიშვილი: თუ სიტუაცია არ გამოსწორდა, მეხორბლე ფერმერები გაკოტრებისთვის ვართ განწირული
საქართველოში ამ დროსითვის ხორბლის ფასი მნიშვნელოვნად შემცირდა, რასაც კახელი ფერმერების მხრიდან უკმაყოფილება მოჰყვა. როგორც ადგილობრივები ამბობენ, მათ ხორბლის თვითღირებულება იმაზე ძვირი დაუჯდათ, ვიდრე გასაყიდი ფასია. რა გახდა ამის მიზეზი, რა პრობლემების წინაშე დგანან ფერმერები და რა არის გამოსავალი? ამ საკითხზე speqtri.ge საქართველოს ფერმერთა და სოფლის მეურნეობის მუშაკთა პროფესიული კავშირის პრეზიდენტს ირინე ფხოველიშვილს ესაუბრა.

როგორც ირინე ფხოველიშვილმა აღნიშნა, პირველ რიგში, თავიდანვე უნდა გაიმიჯნოს ერთმანეთისგან ფერმერები, რომლებიც ხორბალს აწარმოებენ და ის კატეგორია, რომლებმაც შეიძინეს ხორბალი და დაასაწყობეს, რადგან ეს საკმაოდ განსხვავებული კატეგორიაა.

„თქვენ ალბათ გახსოვთ, რომ მოსავლის აღების დროს გასულ წელს ხორბალზე საკმაოდ მაღალი ფასი იყო. ვისაც ჰქონდა შესაძლებლობა, იყიდა, ზოგმა ბანკიდან გამოიტანა კრედიტი და ისე შეიძეინა ხორბალი ლარი და ხუთ თეთრად და დაასაწყობა იმ იმედით, რომ ფასი გაიზრდებოდა, მაგრამ მოხდა ისე, რომ ხორბლის ფასი ჩამოვიდა ქვევით.

ამ დასაწყობების გამო, მეორე პრობლემა შეიქმნა. ფაქტობრივად, ვერ ამოიწურა ის ხორბალი, რაც ქვეყანაში იყო წარმოებული. სამაგიეროდ, ვერ მოხდა მიწოდება წისქვილკომბინატებისთვის და შესაბამისად, შემოტანა დაიწყეს იმპორტირებული ხორბილის და უფრო უარესი, ფქვილის. ფქვილის შემოტანა მე მიმაჩნია სერიოზულ პრობლემად, რადგან ამ შემთხვევაში, არამარტო ხორბლის მწარმოებელი ფერმერები ვზარალდებით, არამედ, მეცხოველე ფერმერებიც. რადგან ხორბალი მარტო პური არ არის, ეს არის მესაქონელბისთვის კომბინირებული საკვების საუკეთესო საშუალება.

ადგილობრივების დაუფიქრებლად გადადგმულმა ნაბიჯმა, იმპორტირებული ფქვილისა და ხორბლის შემოტანის საუკეთესო პლაცდარმი წარმოქმნა. დღეის მდგომარეობით ქვეყანაში შემოტანილი ხორბლის ფასი არის საკმაოდ დაბალი, რაც ავტომატურად იწვევს ადგილობრივი ფერმერების წარმოებულ ხორბალთან მიმართებაში კონკურენციას. 40-დან 45 თეთრამდე მერყეობს ე.წ. საფურაჟედ შემოტანილი ხორბლის ფასი, სინამდვილეში სასურსათო ხორბალია. რის გამოც უკვე მეხორბლე ფერმერები ცუდ მდგომარეობაში ვვარდებით, რადგან ჩვენ ხორბლის თვითრღირებულება გვიჯდება ძალიან მაღალი. გამოდის, რომ ის ფასი, რაც ამ ეტაპზე იმპორტირებულ ხორბალს აქვს დაჭერილი, ჩვენთვის არის ძალიან წამგებიანი. თუ ეს სიტუაცია არ გამოსწორდა, ფაქტობრივად, უნდა ვთქვათ, რომ მეხორბლე ფერმერები განწირული ვართ გაკოტრებისთვის და მომავალი წლიდან უკვე სერიოზულად შემცირდება ხორბლის თესვა.“

როგორც ირინე ფხოველიშვილი ამბობს, ამ პრობლემის წარმოქმნაში თავად ფერმერებსაც მიუძღვით ბრალი. თუმცა, საჭიროა გამოსავლის მოძებნა იმისათვის, რომ ქვეყანაში ხორბლის წარმოება არ შეფერხდეს. მისივე განმარტებით, სასურსათო ხორბლის მწარმოებელი ფერმერებისთვის უნდა განხორციელდეს შესაბამისი სახელმწიფო პროგრამები.

„აქ მე მხოლოდ ერთ მხარეს ვერ გავამტყუნებ, აქ ჩვენი ბრალიც არის, იმის გამო, რომ 15-20 თეთრით მეტი მიგვეღო შემოსავალი, გავაჩერეთ ხორბალი და აღმოჩნდა ისე, რომ ჩვენ ხელი შევუწყეთ პურის ფასის ზრდასაც და ხელი შევუწყეთ იმპორტირებული ხორბლისა და ფქვილის შემოტანას ქვეყანაში.

მე უკვე მქონდა საუბარი ამ თემაზე აგრარულ კომიტეტთან და ახლა უკვე დროა სხვა ჭრილში დავიწყოთ ამ თემაზე საუბარი. ჩვენ, ფერმერთა პროფკავშირმა უკვე მეხუთერდ გავაგზავნეთ წერილი და კატეგორიულად ვითხოვთ, რომ ხორბალი, როგორც სტრატეგიულად მნიშვნელოვანი პროდუქტი, სახელმწიფოს მიერ იყოს აღიარებული და დაცული. სასურსათო ხორბლის მწარმოებელი ფერმერებისთვის უნდა განხორციელდეს შესაბამისი სახელმწიფო პროგრამები.

ჩვენ ხელუხლებელი ფერმერები კი არ ვართ, არამედ ვართ ის ადამიანები, რომლებიც ქვეყანაში ვქმნით სასურსათო უსაფრთხოებას და ჩვენ თუ არ გავზარდეთ ჩვენი წარმოება, მოთხოვნილების 50 %-მდე, ჩვენ ყოველთვის ვიქნებით რისკის ქვეშ, იმიტომ, რომ ჩვენი პირველი და ძირითადი მომწოდებელი ხორბლის, ეს არის რუსეთი, რომელიც არის ჩვენდამი მტრულად განწყობილი ქვეყანა. საკმარისია რუსეთმა არ მოგვცეს ხორბალი, რომ ქვეყანაში შეიქმნას, პურის წარმოების პრობლემა. საქართველო არის ის ქვეყანა, რომელიც ყველაზე დიდი რაოდენობით მოიხმარს პურს. არ მინდა მუქ ფერებში დავხატო ყველაფერი, მაგრამ ეს შექმნის ძალიან კარგ პირობას ქვეყანაში არეულობის დასაწყებად.

აი, სწორედ აქედან გამომდინარე, მეხორბლე ფერმერები, ვინც ხორბალს ვაწარმოებთ, ვართ ორივე მხრიდან პრესის ქვეშ მოქცეულები: ეს არის ის კატეგორია, რომლებმაც იყიდეს ხორბალი და დაასაწყობეს, რომელიც საკმაოდ დიდი რაოდენობაა - 100 ტონა, 500 ტონა და იმათ მხრიდანაც, რომელთაც შემოაქვთ იმპორტირებული ხორბალი.“

ირინა ფხოველიშვილის ინფორმაციით, მისთვის ცნობილია, რომ საფურაჟე ხორბლის სტატუსით, ქვეყანაში შემოდის სასურსათე ხორბალი, რის გამოც უფრო იაფი ჯდება მისი შემოტანა და მეხორბლე ფერმერებს არაჯანსაღ კონკურენციას უწევს.

„როგორც ბოლო დროს მომაწოდეს ინფორმაცია, შემოდის ვითომ საფურაჟე ნამტვრევი ხორბალი, რომლის ქვეშაც არის ჩვეულებრივ, სასურსათო ხორბალი. ამ შემთხვევაში ის თავს არიდებს გადასახადებსაც, მას შედარებით იაფი უჯდება ხორბლის შემოტანა, თან დაბალი ხარისხის ხორბალი შემოაქვს და ჩვენ, ხორბლის მწარმოებელმა ფერმერებმა რა ვქნათ? ეს კითხვა დგას მეხორბლე ფერმერებში, რომელიც საკმაოდ ლეგიტიმურია და სერიოზულ მხარდაჭერას საჭიროებს, როგორც თვითონ ფერმერებისგან, ისე სახელმწიფო სტრუქტურებისგან.

ჩვენ მივმართეთ შესაბამის ორგანოებს და ეხლა მიდის ამ საკითხის შესწავლა. ამ პროცესს ისევ ჩვენ შევუწყეთ ხელი, საქართველოს მოქალაქეებმა, რომლებმაც ქვეყანაში წარმოებული ხორბალი დაასაწყობეს იმ იმედით, რომ მოგებას ნახავდნენ. ისინი მოიქცნენ წინდაუხედავად. თვითონ ხომ იზარალეს და ჩვენც გვაზარალეს.

ის ფერმერები, რომელთა ძირითადი საქმიანობაცაა ხორბლის მოყვანა, ვსაუბრობ მცირე ფერმერებზე, მათ გასაყიდი უკვე აღარაფერი დარჩათ. საქართველოში არ მეგულება ადამიანი, ვისაც ბანკის ვალი არ ჰქონდეს. ბანკისთვის გადასახდელი თანხის გამო, ფაქტობრივად, ასეთ მწარმოებელ ფერმერებში ხორბალი ამოიყიდა იანვრამდე. შეიძლება ზოგიერთს ჰქონდეს, მაგრამ ეს იქნება ძალიან მცირე რაოდენობა, რაც ხელს არ შეუშლის ახალი ხორბლის დასაწყობებაში, მაგრამ თუ ახალ მოსავლამდე ფასები არ დარეგულირდა, იქნება ძალიან სერიოზული პრობლემა.

ერთი ჰექტრის მოყვანა თუ უკვე დაჯდა 2000 ლარამდე კომბაინების, საწყობებისა და მანქანების გარეშე, წარმოიდგინეთ, მათი ხარჯი რა თანხამდე ასწავს ღირებულებას. ჩვენთან საშუალო მოსავლიანობა არის 3-3,5 ტონა, თუ ტონის ღირებულება იქნება 400-450 ლარი, ჰექტარზე რომ გადავიანგარიშოთ, გამოდის 1200-1500 ლარიც კი, რა გამოდის, თვითღირებულებასაც ვერ ფარავს, კვლავწარმოებაზე აღარ ვლაპარაკობ.“

როგორც ირინე ფხოველიშვილი ამბობს, საქართველოში არის იმის რესურსი, რომ საჭირო ხორბლის რაოდენობის 50% აწარმოონ, მაგრამ ამისათვის საჭიროა სწორი პოლიტიკა როგორც სახელმწიფოს, ისე მათი მხრიდან.


„ვიბრძვით, არ მინდა ისე მოხდეს, რომ ხორბლის წარმოებაზე ვთქვათ უარი, როდესაც ქვეყანა არის ხორბლის სამშობლო. ჩვენ შეიძლება ამ პერიოდში ვერ ვაწარმოებთ ქვეყნისათვის საჭირო ხორბალს, მაგრამ იმდენი შესაძლებლობა მაინც გვაქვს, რომ თუ გვჭირდება 600 ათასი, 300 ათასზე მეტი მაინც ვაწარმოოთ, ოღონდ ამას სჭირდება სწორი პოლიტიკა როგორც სახელმწიფოს მხრიდან, ისე ჩვენი მხრიდან. არ შეიძლება ცალმხრივი იყოს რამე. ორივე მხარემ ერთობლივად უნდა სწორი პოლიტიკა გავატაროთ. ამ შემთხვევაში, დამერწმუნეთ, რომ არც ფერმერი და არც ქვეყანა ზარალში არ იქნება.“ -ამბობს ირინა ფხოველიშვილი SPEQTRI.GE-სთან.



| Print |  E-mail
FaceBook Twitter Google
ამავე კატეგორიაში
23-დან 25 თებერვლამდე, პორტუგალიის ქალაქი პორტო უმასპინძლებს
ბუნებრივი ღვინოების საერთაშორისო გამოფენას Simplesmente Vinho.
აღსანიშნავია, რომ საქართველო ამ ღონისძიებაზე ამაყად გამოირჩევა
ღვინის სამშობლოს სტატუსით.
23-დან 25 თებერვლამდე, პორტუგალიის ქალაქი პორტო უმასპინძლებს ბუნებრივი ღვინოების საერთაშორისო გამოფენას Simplesmente Vinho. აღსანიშნავია, რომ საქართველო ამ ღონისძიებაზე ამაყად გამოირჩევა ღვინის სამშობლოს სტატუსით.
16:20 / 23.02.2024
ღვინის ეროვნული სააგენტოს ინფორმაციით, ქართული ღვინის
პოპულარიზაციის ღონისძიებები საერთაშორისო ბაზრებზე 2024 წელს კიდევ
უფრო გააქტიურდება.
ღვინის ეროვნული სააგენტოს ინფორმაციით, ქართული ღვინის პოპულარიზაციის ღონისძიებები საერთაშორისო ბაზრებზე 2024 წელს კიდევ უფრო გააქტიურდება.
16:47 / 08.02.2024
საქართველოში წელს IWSC (International Wine and Spirits Competition)
კონკურსი მეორედ ჩატარდა, სადაც 170-ზე მეტი კომპანიის 520 ღვინო
მონაწილეობდა. წელს კონკურსზე ქართულ ღვინოებთან ერთად სომხეთსა და
აზერბაიჯანში წარმოებული ღვინოებიც იყო წარმოდგენილი.
საქართველოში წელს IWSC (International Wine and Spirits Competition) კონკურსი მეორედ ჩატარდა, სადაც 170-ზე მეტი კომპანიის 520 ღვინო მონაწილეობდა. წელს კონკურსზე ქართულ ღვინოებთან ერთად სომხეთსა და აზერბაიჯანში წარმოებული ღვინოებიც იყო წარმოდგენილი.
21:26 / 04.12.2023
საქართველოში რთველი 2023 დასასრულს უახლოვდება - მევენახეობის
ერთ-ერთ მთავარ რეგიონში, კახეთში ყურძენი უკვე დაბინავებულია.
საქართველოში რთველი 2023 დასასრულს უახლოვდება - მევენახეობის ერთ-ერთ მთავარ რეგიონში, კახეთში ყურძენი უკვე დაბინავებულია.
15:22 / 19.10.2023
სამართალი
კაცი, რომელიც გუშინდელ საპროტესტო აქციაზე სპეცრაზმელებმა წააქციეს და ფიზიკურად გაუსწორდნენ, დიმიტრი ბერიძეა.
13:29 / 17-04-2024
შინაგან საქმეთა სამინისტროს ინფორმაციით, ამ დროისთვის, საპროტესტო აქციის, „კი ევროპას, არა რუსულ კანონს“ 14 მონაწილეა დაკავებული.
00:24 / 16-04-2024
თელავში მომხდარი ქურდობის 4 ფაქტზე 1982 წელს დაბადებული შ.ჯ. დააკავეს. შინაგან საქმეთა სამინისტროს ინფორმაციით, დანაშაული 4-დან 7 წლამდე ვადით თავისუფლების აღკვეთას ითვალისწინებს.
11:48 / 27-03-2024
ეკონომიკა
საქართველოს 63 მუნიციპალიტეტში, მათ შორის კახეთის რეგიონში, ქალაქებში შესასვლელების აღმნიშვნელი სტენდები მოეწყობა, რომელზეც დამონტაჟდება მუნიციპალიტეტის გერბი, განათებები და ქალაქის დასახელებები.
12:16 / 12-04-2024
USAID-ის ეკონომიკური მმართველობის პროგრამისა და წყლის რესურსების მართვის რეფორმის ფარგლებში, სააგენტოს წარმომადგენლები თელავში მედიის წარმომადგენლებს შეხვდნენ.
12:03 / 10-04-2024
სხვა ამბები
დღეს, 14 მაისს, ფართომასშტაბიანი საპროტესტო აქციებს, სტუდენტების მასშტაბური გაფიცვისა თუ საქართველოს დასავლელი პარტნიორების მოწოდებებისა და გაფრთხილებების მიუხედავად, პარლამენტის პლენარულ სხდომაზე რუსული კანონი მესამე, საბოლოო მოსმენით დაამტკიცეს. 84 მომხრე, 30 წინააღმდეგი - ასეთია კენჭისყრის შედეგები.
20:21 / 14-05-2024
რუსული კანონის წინააღმდეგ პროტესტს თელავის სახელმწიფო უნივერსიტეტის სტუდენტებიც უერთდებიან და სოლიდარობას უცხადებენ გაფიცულ სტუდენტებს თბილისში. მათი მოთხოვნაა დაკავებული მშვიდობიანი მომიტინგეების გათავისუფლებაც.
13:39 / 14-05-2024
მმართველი პარტია „ქართული ოცნების“ საპატიო თავმჯდომარემ, ოლიგარქმა ბიძინა ივანიშვილმა უარი განაცხადა ევროპისა და ევრაზიის საკითხებში ამერიკის შეერთებული შტატების სახელმწიფო მდივნის თანაშემწე ჯიმ ო’ბრაიენთან შეხვედრაზე. ო’ბრაიენის ვიზიტი თბილისში ხვალ, 14 მაისსაა დაგეგმილი.
21:43 / 13-05-2024
დღეს, 13 მაისს, იურიდიულ საკითხთა კომიტეტმა, ფართომასშტაბიანი საპროტესტო აქციის ფონზე, რუსულ კანონს მესამე მოსმენით მხარი დაუჭირა. დღევანდელი საკომიტეტო სხდომა რეკორდულად მოკლე დროში დასრულდა, ის დაახლოებით, 1 წუთსა და 7 წამს გაგრძელდა.
13:04 / 13-05-2024
თბილისში რუსული კანონის საწინააღმდეგო ევროპული მარში ამ წუთებშიც მიმდინარეობს.
22:27 / 11-05-2024
ლაგოდეხის მუნიციპალიტეტის, სოფელ ვარდისუბნის საჯარო სკოლის მოსწავლემ, მარიამ ძამანაშვილმა, „საქართველოს 2024 წლის ჩემპიონატი კრივში მოსწავლეთა შორის“ პირველი ადგილი დაიკავა. ის ასევე „საქართველოს 2023 წლის მოსწავლე მოკრივეთა ჩემპიონატის“ პირველი ადგილის მფლობელია.
13:43 / 25-03-2024
ვალუტა
EUR
EUR
1
3.5859
USD
USD
1
3.2054
GBP
GBP
1
4.2911
TRY
TRY
1
0.2316
RUB
RUB
100
3.2024
ამინდი
გურჯაანი 12 / 22 °C
img
საგარეჯო 13 / 22 °C
img
დ.წყარო 12 / 19 °C
img
სიღნაღი 14 / 26 °C
img
ლაგოდეხი 13 / 21 °C
img
ყვარელი 14 / 24 °C
img
თელავი 13 / 23 °C
img
ახმეტა 12 / 23 °C
img
კალენდარი
«« მაისი 2024 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.