დღეს ფაშიზმზე გამარჯვების 78-ე წლისთავთან დაკავშირებით, გურჯაანის
მუნიციპალიტეტის მერმა, ზურაბ უტიაშვილმა, მაჟორიტარმა დეპუტატმა
დავით სონღულაშვილმა და ადგილობრივი ხელისუფლების წარმომადგენლებმა
ყვავილებით შეამკეს დიდების მემორიალზე არსებული "მარადისობის კედელი"
და "უცნობი ჯარისკაცის საფლავი".
დიდების მემორიალზე სიმბოლურად აენთო ცეცხლი. ღონისძიებას ადგილობრივი
მოსახლეობა ესწრებოდა. დღესასწაულზე იმღერეს ანსამბლ „გურჯაანისა“ და
ანსამბლ „ხარებას“ მომღერლებმა.
პარლამენტის წევრის, მაჟორიტარი დეპუტატის, დავით სონღულაშვილის
თქმით, დღევანდელი დღე ორმაგად მნიშვნელოვანია საქართველოსთვის,
რადგან ის ასახავს ჩვენს ისტორიასა და მომავალს.
“დღევანდელი დღე განსაკუთრებულად მნიშვნელოვანია ჩვენი ქვეყნისთვის.
ამ დღეს, ფაქტობრივად, ერთიანდება ორი სიმბოლური, ძალიან
მნიშვნელოვანი თარიღი - ერთი, რომელიც ასახავს ჩვენს ისტორიას და
ერთი, რომელიც ასახავს ჩვენს მომავალს.
მოგეხსენებათ, რომ დღევანდელი დღე ერთის მხრივ, არის ფაშიზმზე
გამარჯვების დღე, რომელიც ასახავს ჩვენს ღირსეულ ისტორიას, როდესაც
ჩვენი თანამემამულეები იბრძოდნენ ფაშიზმის წინააღმდეგ, საკუთარი
ქვეყნის დასაცავად და ამიტომ ყოველთვის მნიშვნელოვანია, რომ ეს
ისტორია, რომელიც მათ შექმნეს და აქამდე მოიტანეს, განსაკუთრებული
ყურადღების ქვეშ იყოს და ყოველთვის განსაკუთრებულად აღვნიშნოთ. მეორე
მხრივ, რა თქმა უნდა, დღევანდელი დღე ეს არის ევროპის დღე და ეს არის
ჩვენი ქვეყნის მომავალი, რაც არის ჩვენი ქვეყნის მისწრაფება და ალბათ,
სიმბოლურია ამ ორი თარიღის ასე დამთხვევა, რაც აუცილებლად მინდა, რომ
ჩვენს თანამემამულეებს მივულოცო,“ - ამბობს დავით სონღულაშვილი.
გურჯაანის მუნიციპალიტეტის მერმა, ზურაბ უტიაშვილმა
ხაზი გაუსვა
დღევანდელი დღის სიმბოლურ მნიშვნელობასა და მისი განსაკუთრებით
აღნიშვნის ტრადიციას.
„რა თქმა უნდა [9 მაისი] აღინიშნება განსაკუთრებულად იმიტომ, რომ ასეთ
ადგილას ვართ ახლა ჩვენ და ასეთი სიმბოლოს [ჯარისკაცის მამის ძეგლის]
გვერდით ვდგავართ და აღვნიშნავთ ყოველთვის აქ.
ახალგაზრდები, ბავშვები უნდა მოვიდნენ, თუნდაც მათთვის არის ეს
საჭირო, რომ იცოდნენ, თუ რა ცუდი არის ფაშიზმი და რომ აუცილებელია,
ფაშიზმი დამარცხდეს ყოველთვის, ყველგან და ფაშიზმზე გამარჯვების დღე
უნდა იყოს მათთვის ის დღე, რომელიც სამართლიანობას ახსენებს,
გაახსენებს ხალხის სიყვარულს, გაახსენებს ჯარისკაცის მამას, შვილის
სიყვარულს, რომელმაც წაიყვანა ეს ადამიანი, ამხელა ფრონტი მოატარა და
საბოლოო ჯამში, მიაღწია იმას, რომ ნახა თავისი შვილი. ასე რომ,
ახალგაზრდებმაც უნდა იცოდნენ, რომ დღეს ეს თარიღია და სწორედ ამას
ემსახურება ობელისკზე ცხრა მაისის აღნიშვნა,“ - ამბობს ზურაბ
უტიაშვილი.
გარდა ამისა, საქართველოს მთავრობა მეორე მსოფლიო ომის მონაწილეებს
1000 ლარს, ხოლო გარდაცვლილთა ოჯახებს კი 500 ლარს წელსაც
გადასცემს.
„გლობალური ფულის კვირეულის“ ფარგლებში, თიბისის თანამშრომლები,
ზესტაფონისა და საჩხერის სკოლებს ესტუმრნენ.მათ სკოლის მოსწავლეებს
ფინანსური და ეკონომიკური განათლების, ასევე სამეწარმეო საქმიანობის
შესახებ გაუზიარეს ცოდნა. შეხვედრები ინტერაქციული ხასიათის იყო და
მოსწავლეებს ჰქონდათ შესაძლებლობა, მათთვის საინტერესო კითხვებზე
მიეღოთ პასუხები.
ველური ბუნების სააგენტოს მიერ გამოცხადებული 355 ათას
ლარიანი ტენდერი, საქართველოში ტურის (Canis aureus) და მგლის
(Canis Lupus) პოპულაციების არეალის და რიცხოვნობის შეფასებისა და
კლიმატის ცვლილების შესახებ ჩავარდა, რადგან მონაწილეობის სურვილი
არცერმა პრეტენდენტმა არ გამოთქვა.
რამდენიმე დღის წინ გურჯაანში არც თუ ისე ძლიერი წვიმის დროს ქალაქის
ცენტრალური მაგისტრალი კვლავ დაიტბორა ისე, რომ ფეხით მოსიარულეებს
გადაადგილებაზე პრობლემა შეექმნათ. ადგილობრივები შიშობენ, რომ ძლიერი
ნალექის დროს, შესაძლოა, გასული წლის მსგავსი სტიქია განმეორდეს.
speqtri.ge-მ გურჯაანის მუნიციპალიტეტის მერიას მიმართა, იმის
გასარკვევად, თუ რას გეგმავს ამ პრობლემის მოსაგვარებლად.
სპეციალური საგამოძიებო სამსახურის მიერ, არასრულწლოვნის თანდასწრებით
ოჯახში ძალადობის და მუქარის ფაქტებზე, მხილებულია შინაგან საქმეთა
სამინისტროს განსაკუთრებულ დავალებათა დეპარტამენტის თანამშრომელი
ა.ბ.
საავტომობილო გზების დეპარტამენტის ინფორმაციით, თბილისი-საგარეჯოს
მაგისტრალური გზის 31 კმ-იანი და ბაკურციხე-წნორის 16.6 კმ-იანი
მონაკვეთების მშენებლობა გრძელდება.
ქალაქ გურჯაანში 2023 წლის 15 ივნისს მომხდარი სტიქიის შემდეგ თითქმის
რვა თვეა გასული. სტიქიის შედეგად დაზიანდა როგორც ქალაქის ცენტრალური
ნაწილი და მისი გარეუბნები, ასევე შიდასახელმწიფოებრივი მნიშვნელობის
მქონე გურჯაანი-ჭაბუკიანი-აფენი-კაბალის გზაც. დროში გაწელილი სტიქიის
სალიკვიდაციო სამუშაოების გამო გურჯაანის მოსახლეობა წუხს.
"საქართველოში აკრძალულია ნებისმიერი სახის დისკრიმინაცია" მიუხედევად
იმისა, რომ ასე იწყება "დისკრიმინაციის ყველა ფორმის აღმოფხვრის
შესახებ" კანონის მეორე მუხლი, გენდერული დისკრიმინაცია და
უთანასწორობა ჩვენს ქვეყანაში სხვა გამოწვევებს შორის ერთ-ერთი
მთავარია.
თიბისიმ ახალი თაობისთვის ახალი პროექტი, „თიბისის განათლების სივრცე”
შექმნა. პროექტის ფარგლებში, საქართველოს ყველა რეგიონის სკოლებში
მრავალფუნქციური სივრცეების მოწყობა იგეგმება, სადაც მოსწავლეებს
შეეძლებათ დაკავდნენ მრავალფეროვანი, კლასგარეშე აქტივობებით და
გაიღრმავონ ცოდნა მათთვის საინტერესო მიმართულებით.
იანვრის წმინდა სავალუტო შემოდინებები წინა თვესთან შედარებით
გაუარესდა, თუმცა მაინც მაღალია. აღსანიშნავია, რომ გასულ თვეებში
კლების შემდეგ, სეზონური ფაქტორების გათვალისწინებით, მცირედით
გაუმჯობესდა მიგრაციის მაჩვენებელი, ისევე როგორც დაფიქსირდა
ფეროშენადნობების ექსპორტის გარკვეული აღდგენა.
ანტიკორუფციული კანონმდებლობით გათვალისწინებული არსებული
ვალდებულება, რომელიც ავალდებულებს ნარკოტესტირებას ისეთი
თანამდებობის პირებისთვის, როგორიცაა საქართველოს პრეზიდენტი,
პარლამენტის წევრები, მინისტრები, მათი მოადგილეები, ასევე
ავტონომიური რესპუბლიკების წარმომადგენლები, ოფიციალურად გაუქმდა.
უნგრეთის ქალაქ დიორში 10 მეტრზე პნევმატური იარაღის სროლაში ევროპის
ჩემპიონატი მიმდინარეობს, სადაც საქართველოს გოგონათა ნაკრები,
ისტორიაში პირველად ევროპის ჩემპიონი გახდა. თელაველმა მარიამ
ფროდიაშვილმა ასევე პირადი პირველობაც მოიპოვა.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები