პოლიტიკა
პანიკა და სისუსტე - დასავლეთი რუსეთის სამხედრო მობილიზაციაზე
21 სექტემბერს, ოთხშაბათს, რუსეთის პრეზიდენტმა, ვლადიმირ პუტინმა სატელევიზიო მიმართვით ქვეყანაში ნაწილობრივი მობილიზაცია გამოაცხადა. თავის მიმართვაში პუტინმა განაცხადა, რომ მოსკოვი საკუთარ ინტერესებს თავისი სრული სამხედრო არსენალით, მათ შორის, ბირთვული იარაღითაც, დაიცავს.

აქვე უნდა აღინიშნოს, რომ რუსეთმა ნაწილობრივი მობილიზაცია მეორე მსოფლიო ომის შემდეგ პირველად გამოაცხადა.

ინფორმაციას იმასთან დაკავშირებით, თუ როგორ რეაგირებენ პუტინის გადაწყვეტილებაზე დასავლეთში, BBC- ი ავრცელებს.

ამერიკის შეერთებული შტატების პრეზიდენტი, ჯო ბაიდენი, აღნიშნულ ფაქტს უმალ გამოეხმაურა ნიუ-იორკში გამართულ გაეროს გენერალურ ასამბლეაზე სიტყვით გამოსვლისას.

„ბირთვულ ომში გამარჯვებული ვერ იარსებებს, ამიტომაც ის არასდროს უნდა გადაიქცეს რეალობად. ეს ჯერ კიდევ იანვარში კვლავ დაადასტურა უშიშროების საბჭოს ყველა მუდმივმა წევრმა,“ - განაცხადა ჯო ბაიდენმა და აქვე დასძინა - „თუმცა, დღეს ვხედავთ შემაშფოთებელ ტენდენციას... [რუსეთი] უპასუხისმგებლოდ ემუქრება მთელ მსოფლიოს ბირთვული იარაღის გამოყენებით“.

თავის გამოსვლაში პუტინმა ასევე ისაუბრა „რეფერენდუმების“ შესახებ, რომლებიც, მისი თქმით, უახლოესი კვირის განმავლობაში ჩატარდება უკრაინაში, რუსეთის მიერ ოკუპირებულ ტერიტორიებზე. ამის შესახებ დონეცკისა და ლუგანსკის ე.წ „სახალხო რესპუბლიკების“ წარმომადგენლებმა სამშაბათს, 20 სექტემბერს გამოაცხადეს.

გაერთიანებული სამეფოს პრემიერ-მინისტრის რეზიდენციაში რუსეთში გამოცხადებული ნაწილობრივი მობილიზაციის შეფასებისას აცხადებენ, რომ რუსეთის შეჭრა უკრაინაში წარუმატებელი გამოდგა.
„გაერთიანებული სამეფო და ჩვენი საერთაშორისო პარტნიორები ერთიანად ვგმობთ რუსეთის მთავრობის ქმედებებს,“ - განაცხადა ლიზ ტრასმა და აღნიშნა, რომ ბრიტანეთი განაგრძობს კიევის მხარდაჭერას, რაც აუცილებელია უკრაინის სუვერენიტეტისა და ტერიტორიული მთლიანობის დასაცავად.

ლიზ ტრასის პოზიციას იზიარებს აგრეთვე გაერთიანებული სამეფოს შეიარაღებული ძალების მინისტრი ბენ უოლესიც.

„პუტინმა და მისმა თავდაცვის მინისტრმა ათეულობით ათასი ცუდად აღჭურვილი და გაუწვრთნელი მოქალაქე სასიკვდილოდ გაიმეტა. ვერანაირი მუქარა და პროპაგანდა ვერ დაფარავს ფაქტს, რომ უკრაინა ომს იგებს, საერთაშორისო საზოგადოება გაერთიანდა და რუსეთი საყოველთაოდ მარცხდება,“ - განაცხადა უოლესმა.

ნიდერლანდების პრემიერ-მინისტრი მარკ რიუტე აცხადებს, რომ პუტინის მობილიზაციის ბრძანება კრემლში პანიკის ნიშანია და ის არ უნდა ჩაითვალოს დასავლეთთან სრულმასშტაბიანი ომის პირდაპირ მუქარად.

„მობილიზაცია, მოწოდება რეფერენდუმისკენ დონეცკში - ეს ყველაფერი პანიკის ნიშნებია. მისი [პუტინის] რიტორიკა ბირთვულ იარაღზე - ეს არის ის, რაც აქამდეც ბევრჯერ მოგვისმენია. ეს ყველაფერი ჩვენთვის ნაცნობი რიტორიკაა. ვურჩევდი ყველას, შევინარჩუნოთ სიმშვიდე,“ - განაცხადა ნიდერლანდების პრემიერ-მინისტრმა.

უკრაინის პრეზიდენტის მრჩევლის, მიხაილო პოდოლიაკის აზრით, რუსეთის პრეზიდენტის ქმედებები მცდელობაა, გაამართლოს საკუთარი მარცხი.

„ომი ნამდვილად არ მიმდინარეობს რუსეთის სცენარით, რამაც პუტინი აიძულა მისულიყო არც თუ ისე პოპულარულ გადაწყვეტილებამდე, მობილიზაციამდე და მოქალაქეების უფლებების მკაცრ შეზღუდვამდე,“ - მიიჩნევს პოდოლიაკი.

აშშ-ის ელჩი უკრაინაში, ბრიჯეტ ბრინკმა ასევე განაცხადა, რომ ყალბი რეფერენდუმები და მობილიზაცია [რუსეთის] სისუსტის ნიშნებია.

„ეს რუსეთის მარცხია. ამერიკის შეერთებული შტატები არასდროს აღიარებს რუსეთის პრეტენზიას ე.წ ანექსირებულ უკრაინის ტერიტორიაზე და ჩვენ დავუჭერთ მხარს უკრაინას მანამ, სანამ ეს საჭიროა,“ - წერს ბრინკი ტვიტერზე.

ევროკავშირის საგარეო პოლიტიკის წარმომადგენელი პიტერ სტანო მიიჩნევს, რომ პუტინი სასოწარკვეთილია და მხოლოდ კრიზისის ესკალაციას ცდილობს.

„ეს კიდევ ერთი მტკიცებულებაა იმისა, რომ პუტინს არ ადარდებს მსოფლიო, რომ იგი დაინტერესებულია ესკალაციით, მას აინტერესებს მხოლოდ თავისი გამანადგურებელი ომის გაგრძელება, რომელმაც უკვე გამოიღო გამანადგურებელი შედეგები მთელ მსოფლიოში,“ - განაცხადა სტანომ.

ამასთან, უნდა აღინიშნოს, რომ ზოგიერთი პოლიტიკოსები მიმდინარე მოვლენებს კონფლიქტის ესკალაციად მიიჩნევენ და გამოდიან მოწოდებით, განიხილონ შემდეგი ნაბიჯები. ზოგიერთი სახელმწიფო კი უკვე აცხადებს მზადყოფნას, მიიღოს დამცავი ზომები.

მაგალითად, ლიტვამ აამაღლა არმიის სწრაფი რეაგირების ძალების მზადყოფნის დონე, რუსეთის მხრიდან ნებისმიერი სახის პროვოკაციის აღსაკვეთად.

„იქიდან გამომდინარე, რომ სამხედრო მობილიზაცია რუსეთში, მათ შორის კალინინგრადის რეგიონშიც, გამოცხადდა, ლიტვა ამას მშვიდად ვერ შეხვდება,“ - წერს ლიტვის თავდაცვის მინისტრი არვიდას ანუშაუშკასი Facebook-ზე.

მსგავსი განცხადებით გამოვიდა ფინეთის თავდაცვის მინისტრი ანტი კაიკონენი. მისი თქმით, ქვეყნის თავდაცვის ძალები კარგადაა მომზადებული და ისინი ყურადღებით აკვირდებიან მდგომარეობას.

პუტინის გადაწყვეტილების შესახებ ასევე ისაუბრა ჩინეთის ოფიციალურმა წარმომადგენელმა ვან ვენბინმაც.

„რაც შეეხება უკრაინის კრიზისს, ჩინეთის პოზიცია ყოველთვის მკაფიო იყო. მოვუწოდებთ მხარეებს ცეცხლისა და ომის შეწყვეტისკენ მოლაპარაკების გზით, აგრეთვე იმისკენ, რომ მოიძებნოს გამოსავალი, რომელიც ითვალისწინებს ყველა მხარის გონივრულ ინტერესებს, რაც შეიძლება მალე. ასევე ვიმედოვნებთ, რომ საერთაშორისო საზოგადოება შექმნის პირობებსა და სივრცეს ამის განსახორციელებლად,“ - აცხადებს ჩინეთის სახალხო რესპუბლიკის ოფიციალური წარმომადგენელი ვან ვენბინი.

ჩეხეთის პრემიერ-მინისტრი, პეტრ ფიალა პუტინის გადაწყვეტილებას ნაწილობრივი მობილიზაციის შესახებ აფასებს, როგორც უკრაინაში მიმდინარე ომის უფრო მეტად ესკალაციის მცდელობას. მისი თქმით, ეს მორიგი მტკიცებულებაა იმისა, რომ რუსეთი ამ ომში ერთადერთი აგრესორია.

გერმანიის ვიცე-კანცლერი რობერტ ხაბეკი მობილიზაციას „რუსეთის მიერ მცდარი მიმართულებით გადადგმულ კიდევ ერთ ნაბიჯს“ უწოდებს.

„რა თქმა უნდა განვიხილავთ, როგორ ვიმოქმედებთ ამ არასწორი ნაბიჯის შესაბამისად“, - განაცხადა ხაბეკმა.

პოლონეთის პრემიერ-მინისტრმა, მატეუშ მორავეცკიმ განაცხადა, რომ მისი ქვეყანა განაგრძობს უკრაინის მხარდაჭერას.

„ჩვენ გავაკეთებს ყველაფერს, ჩვენს მოკავშირეებთან ერთად, რათა NATO-მ კიდევ უფრო მეტად დაუჭიროს მხარი უკრაინას, რათა მან შეძლოს საკუთარი თავის დაცვა. ცნობები ნაწილობრივი მობილიზაციის შესახებ გამართლდა. რუსეთი შეეცდება გაანადგუროს უკრაინა და მიიტაცოს მისი ტერიტორიის ნაწილი. ამას ვერ დავუშვებთ,“ - განაცხადა მან.


| Print |  E-mail
FaceBook Twitter Google
ამავე კატეგორიაში
ადამიანის უფლებათა ევროპულმა სასამართლომ მიიღო გადაწყვეტილება
საქმეზე „მატკავა და სხვები რუსეთის წინააღმდეგ“ (Matkava and Others
v. Russia (no. 3963/18)). ევროპულმა სასამართლომ ადამიანის უფლებათა
ევროპული კონვენციის მე-2 მუხლის (სიცოცხლის უფლება) დარღვევა
დაადგინა და გიგა ოთხოზორიას ოჯახს არამატერიალური ზიანის სახით 130
000 ევროს კომპენსაცია მიანიჭა.
ადამიანის უფლებათა ევროპულმა სასამართლომ მიიღო გადაწყვეტილება საქმეზე „მატკავა და სხვები რუსეთის წინააღმდეგ“ (Matkava and Others v. Russia (no. 3963/18)). ევროპულმა სასამართლომ ადამიანის უფლებათა ევროპული კონვენციის მე-2 მუხლის (სიცოცხლის უფლება) დარღვევა დაადგინა და გიგა ოთხოზორიას ოჯახს არამატერიალური ზიანის სახით 130 000 ევროს კომპენსაცია მიანიჭა.
15:54 / 19.12.2023
2023 წლის 14 დეკემბერი საქართველოს ისტორიაში საზეიმო დღედ იქცა.
საქართველოს ევროკავშირის წევრობის კანდიდატის სტატუსი მიენიჭა.
ქართველი ხალხისთვის დიდი ხნის ოცნება რეალობად იქცა და ჩვენმა
სახელმწიფომ ევროპული მომავლისკენ კიდევ ერთი დიდი ნაბიჯი გადადგა.
2023 წლის 14 დეკემბერი საქართველოს ისტორიაში საზეიმო დღედ იქცა. საქართველოს ევროკავშირის წევრობის კანდიდატის სტატუსი მიენიჭა. ქართველი ხალხისთვის დიდი ხნის ოცნება რეალობად იქცა და ჩვენმა სახელმწიფომ ევროპული მომავლისკენ კიდევ ერთი დიდი ნაბიჯი გადადგა.
17:48 / 15.12.2023
ევროპულმა საბჭომ მიიღო გადაწყვეტილება საქართველოს მიენიჭოს
ევროკავშირის წევრობის კანდიდატის სტატუსი. ამის შესახებ ევროპული
საბჭოს პრეზიდენტმა, შარლ მიშელმა „ტვიტერზე“ დაწერა.
ევროპულმა საბჭომ მიიღო გადაწყვეტილება საქართველოს მიენიჭოს ევროკავშირის წევრობის კანდიდატის სტატუსი. ამის შესახებ ევროპული საბჭოს პრეზიდენტმა, შარლ მიშელმა „ტვიტერზე“ დაწერა.
22:58 / 14.12.2023
ოკუპირებული აფხაზეთის დე ფაქტო საგარეო საქმეთა მინისტრის, ინალ
არძინბას მიერ მიღებულ გადაწყვეტილებას- USAID-ის მიერ დაფინანსებული
და საქართველო-აფხაზეთის მოქალაქეებს შორის კონტაქტების დამყარების
ხელშემწყობი პროექტების აკრძალვას- აფხაზეთში არსებული სამოქალაქო
ორგანიზაცია ეხმაურება.
ოკუპირებული აფხაზეთის დე ფაქტო საგარეო საქმეთა მინისტრის, ინალ არძინბას მიერ მიღებულ გადაწყვეტილებას- USAID-ის მიერ დაფინანსებული და საქართველო-აფხაზეთის მოქალაქეებს შორის კონტაქტების დამყარების ხელშემწყობი პროექტების აკრძალვას- აფხაზეთში არსებული სამოქალაქო ორგანიზაცია ეხმაურება.
13:35 / 08.12.2023
სამართალი
საქართველოს პარლამენტმა იუსტიციის სამინისტროს მიერ შემუშავებული ახალი პენიტენციური კოდექსი მიიღო.
13:45 / 19-12-2023
გურჯაანის რაიონულმა სასამართლომ არასრულწლოვანი შვილის მიმართ განხორციელებული გარყვნილი ქმედებების და გაუპატიურების ფაქტებზე ბრალდებული დამნაშავედ ცნო.
11:27 / 07-12-2023
საქართველოს ფინანსთა სამინისტროს საგამოძიებო სამსახურის ინფორმაციით, უწყების თანამშრომლებმა დააკავეს პირი, რომელმაც კახეთის რეგიონში, გაასაღა 16 ცალი ყალბი 100 აშშ დოლარიანი კუპიურა. დანაშაული 4-დან 7 წლამდე თავისუფლების აღკვეთით ისჯება.
11:20 / 07-12-2023
ეკონომიკა
საავტომობილო გზების დეპარტამენტის ინფორმაციით, თბილისი-საგარეჯოს 35 კმ-იან ჩაქროსნულ მაგისტრალზე, პირველი 4 კმ-იანი, 4 ზოლიანი მონაკვეთის (ვაზიანის შემოვლითი გზის) მშენებლობა დასრულდა და გზის ამ მონაკვეთზე ავტოტრანსპორტი უკვე მოძრაობს.
12:43 / 08-12-2023
გურჯაანის მუნიციპალიტეტის მერიის ინფორმაციით, წელს, მუციპალიტეტის მასშტაბით, 26 527 400 ლარის ღირებულების ინფრასტრუქტურული პროექტები ხორციელდება, რომელთა რაოდენობა, ჯამში 119-ია.
10:16 / 20-11-2023
სხვა ამბები
ჯანდაცვის მინისტრის მოადგილის, ილია ღუდუშაურის განცხადებით, ყველა იმ ადამიანს, ვისაც სახელმწიფო, ქრონიკული დაავადებების სამკურნალო მედიკამენტებს გარკვეული ლიმიტების ფარგლებში უფინანსებდა, 2024 წლიდან, სრულად, მთელი წლის კურსს დაუფინანსებს.
16:14 / 21-12-2023
ოკუპირებულ ტერიტორიებიდან დევნილთა, შრომის, ჯანმრთელობისა და სოციალური დაცვვის სამინისტროს განცხადებით, ზოგიერთი მედიკამენტი აფთიაქებში იმპორტის ფასთან შედარებით, 32-ჯერ ძვირად, ზოგ შემთხვევაში კი 1000, 2000 და 3000-პროცენტიანი ფასნამატით იყიდება. კერძოდ, საუბარია მედიკამენტებზე, რომლებზეც რეფერენტული ფასი ჯერ არ მოქმედებს.
13:27 / 20-12-2023
ადამიანის უფლებათა ევროპულმა სასამართლომ მიიღო გადაწყვეტილება საქმეზე „მატკავა და სხვები რუსეთის წინააღმდეგ“ (Matkava and Others v. Russia (no. 3963/18)). ევროპულმა სასამართლომ ადამიანის უფლებათა ევროპული კონვენციის მე-2 მუხლის (სიცოცხლის უფლება) დარღვევა დაადგინა და გიგა ოთხოზორიას ოჯახს არამატერიალური ზიანის სახით 130 000 ევროს კომპენსაცია მიანიჭა.
15:54 / 19-12-2023
საქართველოს ადგილობრივ თვითმმართველობათა ეროვნულმა ასოციაციამ (ათეა), რიგით მეექვსე ეროვნული კონფერენცია გამართა და 2022-2023 წლის საუკეთესო პრაქტიკის პროგრამის (BPP) კონკურსში გამარჯვებული მუნიციპალიტეტები დააჯილდოვა. კახეთის რეგიონიდან ჯილდო ორმა მუნიციპალიტეტმა მიიღო.
15:53 / 18-12-2023
2023 წლის 14 დეკემბერი საქართველოს ისტორიაში საზეიმო დღედ იქცა. საქართველოს ევროკავშირის წევრობის კანდიდატის სტატუსი მიენიჭა. ქართველი ხალხისთვის დიდი ხნის ოცნება რეალობად იქცა და ჩვენმა სახელმწიფომ ევროპული მომავლისკენ კიდევ ერთი დიდი ნაბიჯი გადადგა.
17:48 / 15-12-2023
გურჯაანის მუნიციპალიტეტის სოფელ კაჭრეთში მცხოვრებმა ნიკა კუპრავიშვილმა ბაჰრეინში გამრთულ ჩემპიონატზე წარმატებით იასპარეზა. ბრძოლა წესების გარეშე ის 75 კილოგრამ წონით კატეგორიაში იბრძოდა და ე.წ. დაუმარცხებელ მებრძოლს, ხამზატ მააევს, ტექნიკური ნოკაუტით სძლია.
17:28 / 11-12-2023
ვალუტა
EUR
EUR
1
3.5859
USD
USD
1
3.2054
GBP
GBP
1
4.2911
TRY
TRY
1
0.2316
RUB
RUB
100
3.2024
ამინდი
გურჯაანი -2 / 3 °C
img
საგარეჯო -3 / 3 °C
img
დ.წყარო -6 / 1 °C
img
სიღნაღი -2 / 3 °C
img
ლაგოდეხი -6 / 3 °C
img
ყვარელი -2 / 3 °C
img
თელავი -2 / 4 °C
img
ახმეტა -2 / 4 °C
img
კალენდარი
«« თებერვალი 2024 »»
293031 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 123

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.