21 ივნისს 11:00 საათზე თელავის დემოკრატიული ჩართულობის ცენტრში  ნარკომანიასთან ბრძოლის საერთაშორისო დღისადმი მიძღვნილი შეხვედრა გაიმართება.

შეხვედრის ფორმატის მიხედვით დამსწრე საზოგადოება, მათ შორის დარგის ექსპერტები, პოლიტიკური პარტიების წარმომადგენლებს რამოდენიმე აქტუალურ შეკითხვას დაუსვამენ, რომელთაც მიეცემათ 5-7 წუთი შეკითხვაზე პასუხის გასაცემად და იმის ჩამოსაყალიბებლად, თუ როგორი ნარკო-პოლიტიკის განხორციელებას გეგმავს მათი პარტია ხელისუფლებაში მოსვლის შემთხვევაში და რას შეცვლიან ისინი არსებულ მიდგომებში.

შეხვედრის მიზანი ნარკო პოლიტიკის შესახებ საზოგადოების ცნობიერების ამაღლება, საკითხის ახლებურად გაშუქება და პოლიტიკურ დისკურსში ცვლილების შეტანაა. შეხვედაზე მოწვეულნი არიან არასამთავრობო ორგანიზაციების, საზოგადოებრივი ჯანდაცვის ორგანიზაციების, მედიის, სამოქალაქო საზოგადოების წევრები, საგანმანათლებლო დაწესებულებების წარმომადგენლები, მედია და ყველა დაინტერესებული პირი.

შეგახსენებთ, რომ 1987 წელს გაერთიანებული ერების გენერალური ასამბლეის მიერ 26 ივნისი ნარკომანიასთან ბრძოლის საერთაშორისო დღედ გამოცხადდა და მას შემდეგ ის ყოველწლიურად აღინიშნება.