საზოგადოება
არა რუსულ კანონს - საქართველოს მარნები პარლამენტს მიმართავენ
„პარლამენტის თითოეული წევრი, განსაკუთრებით კი, აგრარულ საკითხთა კომიტეტის ხელმძღვანელები და წევრები, კარგად უნდა აცნობიერებდეთ ამ შესაძლო რისკებს და მკვეთრად, ქმედითად, წინ აღუდგეთ საქართველოს პარლამენტის წევრების მიერ კანონის მიღებას. წინააღმდეგ შემთხვევაში, კოლექტიურად და სათითაოდ იქნებით პასუხისმგებლები პროცესების შემდგომ, სავალალო განვითარებაზე,“ - ამის შესახებ საქართველოს მარნების წარმომადგენლების მიერ გავრცელებულ განცხადებაშია აღნიშნული.

საქართველოს მარნებმა პარლამენტს განცხადებით მიმართეს, რომელსაც 50-მდე ხელმომწერი ჰყავს და პროცესი კვლავაც გრძელდება.


როგორც განცხადებაშია აღნიშნული, უმრავლესობის დეპუტატების მიერ ინიცირებული კანონპროექტი უკიდურესად დააზიანებს საქართველოში ღვინის სექტორს. ხელმომწერები მოუწოდებენ საკანონმდებლო ორგანოს, არ დაუჭიროთ მხარი აღნიშნულ დოკუმენტს.

გთავაზობთ განცხადებას უცვლელად

„საქართველოს პარლამენტის თავმჯდომარეს,
ბ-ნ შალვა პაპუაშვილს,

საქართველოს პარლამენტის
აგრარულ საკითხთა კომიტეტის თავმჯდომარეს,
ქ-ნ ნინო წილოსანს,

საქართველოს პარლამენტის

აგრარულ საკითხთა კომიტეტის თავმჯდომარის
პირველ მოადგილეს, ბ-ნ გელა სამხარაულს

საქართველოს პარლამენტის
აგრარულ საკითხთა კომიტეტის თავმჯდომარის
მოადგილეს, ბ-ნ სამველ მანუკიანს

საქართველოს მარნების
წარმომადგენელთა მიმართვა

ჩვენ, საქართველოს მარნების წარმომადგენლები მივიჩნევთ, რომ საქართველოს პარლამენტში უმრავლესობის დეპუტატების მიერ ინიციირებული კანონპროექტი უკიდურესად დააზიანებს საქართველოში ღვინის სექტორს - მევენახეებს, ღვინის მწარმოებლებს, არასამეწარმეო ორგანიზაციებს, მათ შორის, ასოციაციებს, მეღვინეთა ასოციაციებსა და გილდიებს, რომლებიც ადვოკატირებენ დარგში მოქმედი სუბიექტების, განსაკუთრებით, მიკრო, მცირე და საშუალო მეწარმეების ინტერესებს, და/ან უზრუნველყოფენ მათი შესაძლებლობების გაძლიერებას.

მოგახსენებთ, რომ აშშ-ს საერთაშორისო განვითარების სააგენტო (USAID), გაეროს სურსათისა და სოფლის მეურნეობის ორგანიზაცია (FAO), გაეროს განვითარების პროგრამა (UNDP), გერმანიის საერთაშორისო თანამშრომლობის საზოგადოება (GIZ) და სხვა საერთაშორისო მისიები და პროგრამები საქართველოში, ათწლეულების მანძილზე უძღვებოდნენ მევენახეობა-მეღვინეობის დარგის განვითარების არაერთ მასშტაბურ, გარდამტეხ პროექტს და ერთგულად ემსახურებოდნენ ჩვენი სახელმწიფოს ინტერესებს.

სწორედ უცხოური ორგანიზაციების მხარდაჭერით დაარსდა საქართველოში ღვინის საერთაშორისო სტანდარტების ლაბორატორია, შეიქმნა საქართველოს ვენახების კადასტრი, განხორციელდა მსოფლიოს მასშტაბით აკრედიტებული საგანმანათლებლო პროგრამები (WSET), ჩატარდა ქართული თიხის სრულყოფილი, მეცნიერული კვლევა და დადგინდა ქვევრის შესაბამისობა სურსათის უვნებლობის საერთაშორისო სტანდარტებთან მიმართებით. რუსეთის მიერ ქართული ღვინის ემბარგოს პერიოდში მათი უდიდესი ძალისხმევით, საერთაშორისო მედიასთან და იმპორტიორ კომპანიებთან მჭიდრო თანამშრომლობით, გახდა შესაძლებელი დიდი მეღვინეობების ახალ ბაზრებზე წვდომა, მათ შორის, ისეთ დიდ და მიმზიდველ ბაზარზე, როგორიც ამერიკის შეერთებული შტატებია.

საერთაშორისო პროგრამების ფარგლებში, დონორი ორგანიზაციების მხარდაჭერით, არაკომერციულ ორგანიზაციებთან თანამშრომლობით, გაძლიერდა, ან დაარსდა არაერთი მიკრო, მცირე და საშუალო მეღვინეობა. სხვადასხვა პროექტების ფარგლებში შესაძლებელი გახდა მათი ინფრასტრუქტურული მხარდაჭერა, ტექნიკური აღჭურვა, მევენახეებისა და მეღვინეების ახალი, სამეურნეო ცოდნით უზრუნველყოფა, მათი პოპულარიზაცია, მათი ღვინის ექსპორტის მხარდაჭერა, წვდომა ღვინის მოხმარების თვალსაზრისით ისეთ მნიშვნელოვან ბაზრებზე, როგორებიცაა გაერთიანებული სამეფო, იაპონია, აშშ, საფრანგეთი, გერმანია, დანია და სხვ.

ამ უდიდესი ძალისხმევის შედეგად დღეს ქართული ღვინოები ღვინის სამშობლოს წარადგენს საერთაშორისო გამოფენებზე და წარმოდგენილია მსოფლიოს უმაღლესი რეიტინგის რესტორნების ღვინის ბარათებში. ამ უდიდესი ძალისხმევის შედეგად გაიცნო მსოფლიომ ქართული ვაზის იშვიათი, ენდემური ჯიშები, ღვინის ადგილობრივი ტრადიციები, საქართველოს მევენახეობის საუკეთესო ზონები და ტერუარები. ბოლო წლებში, ამგვარი წარმატებული მაგალითებით შთაგონებული არაერთი მეურნე დაუბრუნდა სოფელს და მამა-პაპათა ტრადიციულ საქმეს სამეწარმეო ღირებულება შესძინა.

საქართველო ღვინის სამშობლოდ მსოფლიომ აღიარა, სწორედ, ჩვენი უცხოელი მეგობრების - ერთი მხრივ, მსოფლიოს წამყვანი უნივერსიტეტების მიერ ადგილობრივ მეცნიერებთან თანამშრომლობით წარმართული საერთაშორისო კვლევების, მეორე მხრივ კი - გავლენიანი მედიების (BBC, NY Times, CNN, Forbes და მრავალი სხვა) მხარდაჭერით. შესაბამისად, საქართველოში და მის ფარგლებს გარეთ მოქმედი უცხოური ორგანიზაციების დახმარებით, სახელმწიფო და არასამეწარმეო სუბიექტების ძალისხმევით გახდა შესაძლებელი ქართული ღვინის ახალი, ავთენტური, საბჭოთა კლიშეებისგან თავისუფალი ხატის დაბადება. მათივე მხარდაჭერით გახდა შესაძლებელი რუსეთის არასტაბილური, პოლიტიზებული ბაზრის მიღმა, დამოუკიდებელი გზების გაკვალვა ჩვენი ბუნებრივი, ისტორიული და ცივილიზაციური გარემოსკენ, რომელთანაც ღვინის დიდი ტრადიციები გვაკავშირებს.

მოგიწოდებთ, არ დაუჭიროთ მხარი აღნიშნულ კანონპროექტს, წინააღმდეგ შემთხვევაში:

1) ყურძნისა და ღვინის, აგრეთვე, ვაზის ნერგების მიკრო, მცირე და საშუალო მწარმოებლები დაკარგავენ საერთაშორისო დონორებისა და არასამეწარმეო ორგანიზაციებისგან ფინანსურ, ინფრასტრუქტურულ, ტექნიკურ, საგანმანათლებლო დახმარებაზე წვდომის შესაძლებლობას;

2) ღვინის სექტორში მოქმედი, დამოუკიდებელი პროფესიული ასოციაციები, კომუნები, გილდიები დაკარგავენ შესაძლებლობას, მიიღონ საერთაშორისო დაფინანსება და განკარგონ ეს ფინანსები დარგისა და დარგში მოქმედი მეწარმეების საჭიროებების შესაბამისად - კვლევითი თუ საგანმანათლებლო მიზნებით, მეწარმეების ინტერესების ადვოკატირებისთვის, ღვინის ფესტივალებისა თუ გამოფენებისთვის;

ევროკავშირის სადამფუძნებლო პრინციპების საწინააღმდეგო კანონის მიღება შექმნის რისკებს, რომ ევროპულ ბაზარზე რეპუტაციული ზიანი მიადგეს ქართულ ღვინოს და, ზოგადად, ქართულ პროდუქციას. ეჭვქვეშ დადგეს ქართული ღვინის პოპულარიზაციის მიზნით განხორციელებული ხანგრძლივი და თანმიმდევრული სახელმწიფო პოლიტიკა; ღვინის სექტორში დასუსტდეს და გაქრეს სამოქალაქო ორგანიზაციები, რომლებიც დღემდე, უმეტესად, საერთაშორისო ფინანსური მხარდაჭერით სულდგმულობენ; შეწყდეს ღვინის მცირე და საშუალო ბიზნესის შეუქცევადი, წარმატებული განვითარება საქართველოში და უამრავი მარანი ეგზისტენციური საფრთხის წინაშე დადგეს.

პარლამენტის თითოეული წევრი, განსაკუთრებით კი, აგრარულ საკითხთა კომიტეტის ხელმძღვანელები და წევრები, კარგად უნდა აცნობიერებდეთ ამ შესაძლო რისკებს და მკვეთრად, ქმედითად, წინ აღუდგეთ საქართველოს პარლამენტის წევრების მიერ კანონის მიღებას. წინააღმდეგ შემთხვევაში, კოლექტიურად და სათითაოდ იქნებით პასუხისმგებლები პროცესების შემდგომ, სავალალო განვითარებაზე.“

ხელმომწერები

საოჯახო მარანი ოდა - ქეთო ნინიძე

მშვენიერაძეების მარანი - გიორგი მშვენიერაძე

მარტვილის მარანი - ზაზა გაგუა

მენაბდის მარანი - ვახუშტი მენაბდე

ვაჟა გეთიაშვილის მარანი - რეზო გეთიაშვილი

იაგოს ღვინო - იაგო ბიტარიშვილი

ღვინის ოსტატები - ანდრო ბარნოვი

ფაფრის ველი - ნუკრი ქურდაძე

Latibashvili's Wine - ნოდარ ლატიბაშვილი

ციხელიშვილის მარანი - ალექსი ციხელიშვილი

ართანული ღვინო - კახა ბერიშვილი

ოქროღვინო - ჯონი ოქრუაშვილი

ნიკოლაძეების მარანი - რამაზ ნიკოლაძე

Aleko Sardanashvili's Marani - ალეკო სარდანაშვილი

არჩილ გუნიავას მარანი - არჩილ გუნიავა

ანემო - ანა გოდაბრელიძე

მარანი „კალამი“ - მალხაზ ხარბედია

გოგიტა მაკარიძის მარანი - გოგიტა მაკარიძე

საოჯახო მეღვინეობა გებრალე - ვაჟა კასრელიშვილი

ფანცულაიების საოჯახო მარანი - მურმან ფანცულაია

მარანი ენკენი - ლაშა გურული

ვაჩეიშვილის მარანი - ნიკა ვაჩეიშვილი

ღვინტესტი - ვანო შიუკაშვილი

მადამვაინი - მანანა ახვლედიანი

ფრეიას მარანი - ენეკ პეტერსონი

TDWinery - თენგიზ დვალიშვილი

ჭორტაულის ვენახები - ალეკო ცქიტიშვილი

კორტავების მარანი, თამუნას ღვინო - თამარ ბიძინაშვილი

GOGO Wine, ქეთევან ბერიშვილი

სამთავისის მარანი - მამუკა კიკვაძე

ნები - ბექა ასლანიშვილი;

ჭონას მარანი - მიხეილ ჭონიშვილი

მარანი ველინო - ბექა ჯიმშელაძე

ჩიტოს ღვინო - ნინო ჩიტოშვილი, ვანო მოსემღვდლიშვილი

ნიკალას მარანი - ზურაბ მღვდლიაშვილი

მეღვინეობა თილისმა - ქეთი ჰუბერტი

ვარიანის მარანი - ივანე სტეფანაშვილი

ღვინო ხვთისია - ზურაბ ხვთისიაშვილი

ჩიტოს ღვინო - ნინო ჩიტოშვილი

რობის მარანი - რობი ზირაქაშვილი

მეღვინეობა მალატი - თამარ გერლიანი

მარანი ჩუბინი - თორნიკე ჩუბინიძე

პატარიძის რაჭული - შორენა პატარიძე

მარანი კლაკნი - ვლადიმერ ნაჭყებია

თეთრი თუთა - ნათია ჩეკურიშვილი

© ღვინის კლუბი/vinoge.com

ხელმოწერები კვლავაც გრძელდება და მარნების წარმომადგენლებს შეუძლიათ დარეგისტრირდნენ ბმულზე.

| Print |  E-mail
FaceBook Twitter Google
ამავე კატეგორიაში
პარლამენტის წინ სტუდენტები, საზოგადოების, არასამთავრობო
ორგანიზაციების, სამოქალაქო სექტორის წარმომადგენლები და აქტივისტები
აქციას მართავენ. ისინი ე.წ. აგენტების შესახებ კანონპროექტს
აპროტესტებენ, რომელიც რუსული კანონის ანალოგია.
პარლამენტის წინ სტუდენტები, საზოგადოების, არასამთავრობო ორგანიზაციების, სამოქალაქო სექტორის წარმომადგენლები და აქტივისტები აქციას მართავენ. ისინი ე.წ. აგენტების შესახებ კანონპროექტს აპროტესტებენ, რომელიც რუსული კანონის ანალოგია.
13:14 / 07.03.2023
არ მიიღოთ რუსული კანონი - საქართველოში აკრედიტებული 26
უნივერსიტეტის 200-ზე მეტმა პროფესორ-მასწავლებელმა და
მეცნიერ-თანამშრომელმა საქართველოს პარლამენტის წევრებს მიმართა და
მოუწოდა არ დაუჭიროს მხარი ე.წ. უცხოური გავლენის აგენტის შესახებ
კანონპრპროექტს.
არ მიიღოთ რუსული კანონი - საქართველოში აკრედიტებული 26 უნივერსიტეტის 200-ზე მეტმა პროფესორ-მასწავლებელმა და მეცნიერ-თანამშრომელმა საქართველოს პარლამენტის წევრებს მიმართა და მოუწოდა არ დაუჭიროს მხარი ე.წ. უცხოური გავლენის აგენტის შესახებ კანონპრპროექტს.
11:10 / 06.03.2023
თელავის მუნიციპალიტეტის საკრებულოს უმრავლესობის წევრების
მხარდაჭერით მიღებული დადგენილებით, თელავში მუნიციპალური ტრანსპორტით
მგზავრობის ღირებულება 70 თეთრი იქნება.
თელავის მუნიციპალიტეტის საკრებულოს უმრავლესობის წევრების მხარდაჭერით მიღებული დადგენილებით, თელავში მუნიციპალური ტრანსპორტით მგზავრობის ღირებულება 70 თეთრი იქნება.
17:47 / 01.03.2023
შინაგან საქმეთა სამინისტროს მომსახურების სააგენტოს განცხადებით,
შენახვის უფლებით რეგისტრირებული იარაღის, მისი შენახვის ადგილიდან
ტირში ან სასროლეთში გადატანისა და შენახვის ადგილზე დაბრუნების
მიზნით, იარაღის დროებითი მოწმობის მიღება მესაკუთრეს ელექტრონული
ფორმით - მომსახურების სააგენტოს ვებგვერდსა sa.gov.ge და აპლიკაციაში
(service agency) რეგისტრაციის გავლის შემდეგ შეეძლებათ.
შინაგან საქმეთა სამინისტროს მომსახურების სააგენტოს განცხადებით, შენახვის უფლებით რეგისტრირებული იარაღის, მისი შენახვის ადგილიდან ტირში ან სასროლეთში გადატანისა და შენახვის ადგილზე დაბრუნების მიზნით, იარაღის დროებითი მოწმობის მიღება მესაკუთრეს ელექტრონული ფორმით - მომსახურების სააგენტოს ვებგვერდსა sa.gov.ge და აპლიკაციაში (service agency) რეგისტრაციის გავლის შემდეგ შეეძლებათ.
15:25 / 01.03.2023
სამართალი
სპეციალური საგამოძიებო სამსახურის გაძლიერებისა და ინსტიტუციური გაფართოების ფარგლებში, თელავში, ერეკლე II-ის გამზირი, №16-ში, სპეციალური საგამოძიებო სამსახურის კახეთის რეგიონალური სამმართველო გაიხსნა, რომელიც ადაპტირებულია შეზღუდული შესაძლებლობის მქონე პირებისთვის და აღჭურვილია საგამოძიებო ორგანოსთვის აუცილებელი ყველა საჭირო ინფრასტრუქტურით
11:19 / 13-02-2023
მსხვერპლით დასრულდა ავტოსაგზაო შემთხვევა სოფელ კაჭრეთში. კოლეჯ "აისის" მიმდებარე ტერიტორიაზე, მსუბუქი ავტომანქანა 60 წლამდე ასაკის ფეხითმოსიარულე ქალს დაეჯახა.
14:01 / 31-01-2023
როგორც შინაგან საქმეთა მინისტრმა, ვახტანგ გომელაურმა განაცხადა, საგარეჯოში თავდამსხმელი ყოფილი სამხედროა, რომელიც ავღანეთის მისიაშიც მონაწილეობდა.
09:50 / 20-01-2023
ეკონომიკა
საქართველოს მთავრობის გადაწყვეტილებით მუნიციპალიტეტებს მიეცათ უფლება, განახორციელონ მათ ადმინისტრაციულ საზღვრებში არსებული იმ შენობა-ნაგებობების შეკეთების, რეკონსტრუქციისა თუ დემონტაჟის აუცილებელი სამუშაოები, რომლებიც ამახინჯებენ მუნიციპალიტეტის იერსახეს ან პრობლემას ქმნიან უსაფრთხოების კუთხით. გურჯაანში ასეთი 21 შენობა გამოვლინდა.
17:09 / 27-02-2023
გურჯაანის მუნიციპალიტეტის მერიის ინფომრაციით, ქალაქ გურჯაანში სამუსიკო სკოლის შენობის რეაბილიტაციის სამუშაოები მალე დაიწყება.
16:00 / 22-02-2023
სხვა ამბები
საქართველოს მოქმედი პრეზიდენტი სალომე ზურაბიშვილი ვიდეომიმართვას ამერიკის შეერთებული შტატებიდან ამ წუთებში ავრცელებს.
00:01 / 08-03-2023
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა.
20:38 / 07-03-2023
2023-2024 სასწავლო წლისთვის პირველკლასელთა რეგისტრაციის ვადები და პირობები განისაზღვრა, - ინფორმაციას ამის შესახებ საქართველოს განათლებისა და მეცნიერების სამინისტრო ავრცელებს.
10:47 / 01-03-2023
გურჯაანის მუნიციპალიტეტის სოფელ ძირკოკისა და ვეჯინის მოსახლეობა 2023 წლის 29 აპრილის შუალედურ არჩევნებზე მაჟორიტარ დეპუტატს აირჩევს. დღეიდან საარჩევნო კამპანიაც დაიწყო. სააგიტაციო მასალის გასაკრავი ადგილები დღევანდელ საკრებულოს სხდომაზე განისაზღვრა.
16:09 / 28-02-2023
შუალედურ არჩევნებამდე, რომელიც მიმდინარე წლის 29 აპრილს ჩატარდება, 60 დღე დარჩა. საქართველოს ცენტრალური საარჩევნო კომისიის ინფორმაციით, დღეიდან წინასაარჩევნო კამპანია დაიწყო.
15:11 / 28-02-2023
ახმეტის მუნიციპალიტეტის მერიის ინფორმაციით, 8 თებერვალს ახმეტაში, ფარნაოზ ჩიკვილაძის სახელობის დარბაზში, 2008-2010 წლებში დაბადებულ ახალგაზრდებს შორის ქართულ ჭიდაობაში მუნიციპალიტეტის პირველობა ჩატარდა.
12:22 / 10-02-2023
ვალუტა
EUR
EUR
1
3.5859
USD
USD
1
3.2054
GBP
GBP
1
4.2911
TRY
TRY
1
0.2316
RUB
RUB
100
3.2024
ამინდი
გურჯაანი 7 / 16 °C
img
საგარეჯო 8 / 14 °C
img
დ.წყარო 6 / 13 °C
img
სიღნაღი 7 / 17 °C
img
ლაგოდეხი 6 / 14 °C
img
ყვარელი 7 / 16 °C
img
თელავი 9 / 14 °C
img
ახმეტა 8 / 15 °C
img
კალენდარი
«« მარტი 2023 »»
2728 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.