განათლება
გურჯაანში მასწავლებელთა კონფერენცია გაიმართა
დღეს, 21 ივნისს, განათლებისა და მეცნიერების სამინისტროსა და მასწავლებელთა პროფესიული განვითარების ეროვნული ცენტრის ინიციატივით, სოფელ გურჯაანის საჯარო სკოლაში მასწავლებლების კონფერენცია გაიმართა. პედაგოგებმა კონფერენციაზე მესამე თაობის ეროვნული სასწავლო გეგმის საფუძველზე შექმნილი კომპლექსური დავალებები და წარმატებული პრაქტიკის მაგალითები წარმოადგინეს.

გურჯაანის საგანმანათლებლო რესურსცენტრის ხელმძღვანელის, დალი მინდიაშვილის თქმით, კონფერენცია ზოგადი განათლების რეფორმის ფარგლებში განხორციელებულ სასწავლო პროცესს, კერძოდ, წარმატებული პრაქტიკის გაზიარებას ემსახურება,.

„ჩვენი მუნიციპალიტეტიდან ათი სკოლა იყო ჩართული „ახალი სკოლის“ მოდელში, ჯერ კიდევ, საპილოტე რეჟიმიდან, თუმცა დღეისათვის რეფორმაში ჩართულია ფაქტობრივად ყველა სკოლა.

კონფერენციაზე პედაგოგებმა გამოიტანეს თავიანთი ნამუშევრები, კოლეგებს გაუზიარეს წარმატებული პრაქტიკის მაგალითები და შედეგები.

წარმოდგენილი იყო სხვადასხვა საგნობრივი სექცია - ქართული ენა და ლიტერატურა, უცხოური ენა, საზოგადოებრივი მეცნიერებები, ესთეტიკური მიმართულება, საბუნებისმეტყველო დარგები, მათემატიკა და განათლების განვითარების მდგრადობის მიმართულება.

ღონისძიებას ესწრებოდნენ ექსპერტები, განათლებისა და მეცნიერების სამინისტროს პროფესიული განვითარების ცენტრის წარმომადგენლები, ასევე ქოუჩები,“ - ამბობს SPEQTRI.GE-სთან საუბარში დალი მინდიაშვილი.

მისივე თქმით, საუკეთესო პრეზენტაციების ავტორი პედაგოგები თბილისში რეგიონულ კონფერენციას დაესწრებიან.

კახეთის რეგიონში საქართველოს განათლებისა და მეცნიერების სამინისტროს მათემატიკის კურიკულუმების დანერგვისა და განვითარების ექსპერტის, ნინო ჭანტურიძის შეფასებით, კონფერენცია მასწავლებლებისთვის მეტად მნიშვნელოვანი იყო.

„მეტად მნიშვნელოვანი იყო, რომ მასწავლებლებმა ერთმანეთს გამოცდილება გაუზიარეს.
იქიდან გამომდინარე, რომ ვარ განათლების მიმართულებით კურიკულუმების დანერგვისა და განვითარების კახეთის ექსპერტი მათემატიკის მიმართულებით, ამ სამი წლის განმავლობაში, აქტიურად ვხვდებოდი მასწავლებლებს და მათთან ერთად ვქმნიდი რესურსებს. მესამე თაობის ეროვნული სასწავლო გეგმა ძირითადად ორიენტირებულია იმაზე, რომ მოსწავლეებმა სკოლაში შეძენილი თეორიული ცოდნა გამოიყენონ ცხოვრებაში, რისთვისაც მათ ვამზადებთ.

ჩემი აზრით, ეს ნამდვილად შეუწყობს ხელს მოსწავლეებს იმიტომ, რომ, რაც მოვიხილე პირადად, პრეზენტაციისა თუ სხვადასხვა ეტაპებზე, ნამდვილად იყო ის, რომ ვხედავდით, ბავშვები, როგორი მოტივირებულები იყვნენ, სიახლეს ნამდვილად კარგად შეხვდნენ. დარწმუნებული ვარ, ეს იქნება წინ გადადგმული ნაბიჯი „სწავლა სწავლებით“ განვითარებაში,“- გვეუბნება ნინო ჭანტურიძე.

გურჯაანის მეოთხე საჯარო სკოლის სახვითი და გამოყენებითი ხელოვნების უფროსი მასწავლებლის, მარინა ყალაბეგაშვილის შეფასებით, კონფერენციამ მასწავლებლებს კიდევ ერთხელ დაანახა, რა შესაძლებლობები და უნარები აქვთ მათ.

„კონფერენციამ კიდევ ერთხელ დაგვანახა საკუთარი თავი, ის, თუ რა შესაძლებლობები გაგვაჩნია, რა უნარი გვაქვს და რა შეიძლება, წარმოვადგინოთ ჩვენი ამდენი მუშაობის შემდეგ.
კონფერენცია იყო მეტად საინტერესო და ძალიან კარგად მიმდინარეობდა. წარმოდგენილი იყო ყველა საგნის პედაგოგების მიერ კომპლექსური დავალებების პრეზენტაციები.
პრეზენტაციის შემდეგ დაისვა კითხვები იმის შესახებ, თუ როგორი კომუნიკაცია გვქონდა ბავშვებთან საგაკვეთილო პროცესში და როგორ შევქმენით აღნიშნული პრეზენტაცია.

ჩემთვის ეს კონფერენცია იყო კიდევ ერთხელ დანახვა იმ ჭრილის, რომ პედაგოგი აუცილებლად უნდა მუშაობდეს თავის თავზე და ბავშვებთან კომუნიკაციაზე.

კომპლექსური დავალებები ბავშვებში ავითარებს, როგორც სწავლის მოტივაციას, ისე შემდგომი უნარების გამომუშავებას და მოსწავლეები მეტი ინტერესით ეკიდებიან საგანს,“ - გვეუბნება მარინა ყალაბეგაშვილი.

ღონისძიების ბოლოს გაიმართა დაჯილდოება. მასწავლებლებს შესაბამისი სერტიფიკატები გადაეცათ.

| Print |  E-mail
FaceBook Twitter Google
ამავე კატეგორიაში
საგანმანათლებლო რესურსცენტრის ხელმძღვანელის პოზიციებზე, საქართველოს
მასშტაბით, ვაკანსია გამოცხადდა. როგორც გურჯაანის
საგანმანათლებლო რესურსცენტრის ხელმძღვანელი, დალი მინდიაშვილი
speqtri.ge-სთან ამბობს, მათ გასული წლის დეკემბერში უკვე იცოდნენ,
რომ აღნიშნულ პოზიციებზე ღია კონკურსი გამოცხადდებოდა.
საგანმანათლებლო რესურსცენტრის ხელმძღვანელის პოზიციებზე, საქართველოს მასშტაბით, ვაკანსია გამოცხადდა. როგორც გურჯაანის საგანმანათლებლო რესურსცენტრის ხელმძღვანელი, დალი მინდიაშვილი speqtri.ge-სთან ამბობს, მათ გასული წლის დეკემბერში უკვე იცოდნენ, რომ აღნიშნულ პოზიციებზე ღია კონკურსი გამოცხადდებოდა.
15:22 / 05.04.2024
მუნიციპალიტეტის მერის, ავთანდილ გულიკაშვილის გადაწყვეტილებით,
საგარეჯოს მუნიციპალიტეტში რეგისტრირებული წარჩინებული
სტუდენტებისთვის ალექსანდრე ცხვედელაძის სახელობის სტიპენდია დაწესდა.
მუნიციპალიტეტის მერის, ავთანდილ გულიკაშვილის გადაწყვეტილებით, საგარეჯოს მუნიციპალიტეტში რეგისტრირებული წარჩინებული სტუდენტებისთვის ალექსანდრე ცხვედელაძის სახელობის სტიპენდია დაწესდა.
16:39 / 27.02.2024
საჯარო სკოლების დირექტორთა შესარჩევი კონკურსი იწყება.
კანდიდატების რეგისტრაცია 2024 წლის 19 თებერვალს დაიწყება და 29
თებერვალს დასრულდება. საქართველოს განათლების, მეცნიერებისა და
ახალგაზრდობის სამინისტროს ინფორმაციით, კონკურსში მონაწილეობის
უფლება აქვს საქართველოს მოქალაქეობის მქონე დირექტორობის კანდიდატს,
რომელსაც აქვს უმაღლესი განათლება და მუშაობის არანაკლებ 3 წლის
გამოცდილება, მათ შორის განათლების სფეროში სწავლების არანაკლებ
ერთწლიანი გამოცდილება.
საჯარო სკოლების დირექტორთა შესარჩევი კონკურსი იწყება. კანდიდატების რეგისტრაცია 2024 წლის 19 თებერვალს დაიწყება და 29 თებერვალს დასრულდება. საქართველოს განათლების, მეცნიერებისა და ახალგაზრდობის სამინისტროს ინფორმაციით, კონკურსში მონაწილეობის უფლება აქვს საქართველოს მოქალაქეობის მქონე დირექტორობის კანდიდატს, რომელსაც აქვს უმაღლესი განათლება და მუშაობის არანაკლებ 3 წლის გამოცდილება, მათ შორის განათლების სფეროში სწავლების არანაკლებ ერთწლიანი გამოცდილება.
10:28 / 16.02.2024
გურჯაანში 2021-2022 სასწავლო წლის წარჩინებული მოსწავლეების
დაჯილდოება გაიმართა.
გურჯაანში 2021-2022 სასწავლო წლის წარჩინებული მოსწავლეების დაჯილდოება გაიმართა.
16:24 / 27.12.2023
სამართალი
კაცი, რომელიც გუშინდელ საპროტესტო აქციაზე სპეცრაზმელებმა წააქციეს და ფიზიკურად გაუსწორდნენ, დიმიტრი ბერიძეა.
13:29 / 17-04-2024
შინაგან საქმეთა სამინისტროს ინფორმაციით, ამ დროისთვის, საპროტესტო აქციის, „კი ევროპას, არა რუსულ კანონს“ 14 მონაწილეა დაკავებული.
00:24 / 16-04-2024
თელავში მომხდარი ქურდობის 4 ფაქტზე 1982 წელს დაბადებული შ.ჯ. დააკავეს. შინაგან საქმეთა სამინისტროს ინფორმაციით, დანაშაული 4-დან 7 წლამდე ვადით თავისუფლების აღკვეთას ითვალისწინებს.
11:48 / 27-03-2024
ეკონომიკა
საქართველოს 63 მუნიციპალიტეტში, მათ შორის კახეთის რეგიონში, ქალაქებში შესასვლელების აღმნიშვნელი სტენდები მოეწყობა, რომელზეც დამონტაჟდება მუნიციპალიტეტის გერბი, განათებები და ქალაქის დასახელებები.
12:16 / 12-04-2024
USAID-ის ეკონომიკური მმართველობის პროგრამისა და წყლის რესურსების მართვის რეფორმის ფარგლებში, სააგენტოს წარმომადგენლები თელავში მედიის წარმომადგენლებს შეხვდნენ.
12:03 / 10-04-2024
სხვა ამბები
დღეს, 14 მაისს, ფართომასშტაბიანი საპროტესტო აქციებს, სტუდენტების მასშტაბური გაფიცვისა თუ საქართველოს დასავლელი პარტნიორების მოწოდებებისა და გაფრთხილებების მიუხედავად, პარლამენტის პლენარულ სხდომაზე რუსული კანონი მესამე, საბოლოო მოსმენით დაამტკიცეს. 84 მომხრე, 30 წინააღმდეგი - ასეთია კენჭისყრის შედეგები.
20:21 / 14-05-2024
რუსული კანონის წინააღმდეგ პროტესტს თელავის სახელმწიფო უნივერსიტეტის სტუდენტებიც უერთდებიან და სოლიდარობას უცხადებენ გაფიცულ სტუდენტებს თბილისში. მათი მოთხოვნაა დაკავებული მშვიდობიანი მომიტინგეების გათავისუფლებაც.
13:39 / 14-05-2024
მმართველი პარტია „ქართული ოცნების“ საპატიო თავმჯდომარემ, ოლიგარქმა ბიძინა ივანიშვილმა უარი განაცხადა ევროპისა და ევრაზიის საკითხებში ამერიკის შეერთებული შტატების სახელმწიფო მდივნის თანაშემწე ჯიმ ო’ბრაიენთან შეხვედრაზე. ო’ბრაიენის ვიზიტი თბილისში ხვალ, 14 მაისსაა დაგეგმილი.
21:43 / 13-05-2024
დღეს, 13 მაისს, იურიდიულ საკითხთა კომიტეტმა, ფართომასშტაბიანი საპროტესტო აქციის ფონზე, რუსულ კანონს მესამე მოსმენით მხარი დაუჭირა. დღევანდელი საკომიტეტო სხდომა რეკორდულად მოკლე დროში დასრულდა, ის დაახლოებით, 1 წუთსა და 7 წამს გაგრძელდა.
13:04 / 13-05-2024
თბილისში რუსული კანონის საწინააღმდეგო ევროპული მარში ამ წუთებშიც მიმდინარეობს.
22:27 / 11-05-2024
ლაგოდეხის მუნიციპალიტეტის, სოფელ ვარდისუბნის საჯარო სკოლის მოსწავლემ, მარიამ ძამანაშვილმა, „საქართველოს 2024 წლის ჩემპიონატი კრივში მოსწავლეთა შორის“ პირველი ადგილი დაიკავა. ის ასევე „საქართველოს 2023 წლის მოსწავლე მოკრივეთა ჩემპიონატის“ პირველი ადგილის მფლობელია.
13:43 / 25-03-2024
ვალუტა
EUR
EUR
1
3.5859
USD
USD
1
3.2054
GBP
GBP
1
4.2911
TRY
TRY
1
0.2316
RUB
RUB
100
3.2024
ამინდი
გურჯაანი 14 / 24 °C
img
საგარეჯო 13 / 22 °C
img
დ.წყარო 12 / 19 °C
img
სიღნაღი 14 / 26 °C
img
ლაგოდეხი 13 / 21 °C
img
ყვარელი 14 / 24 °C
img
თელავი 13 / 23 °C
img
ახმეტა 12 / 23 °C
img
კალენდარი
«« მაისი 2024 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.