სოფლის მეურნეობა
როგორ მიმდინარეობს „რთველი 2023“ კახეთში - ინტერვიუ ლევან მეხუზლასთან
მთავრობის გადაწყვეტილებით, მიმდინარე წელს, რთველის მხარდასაჭერად, სუბსიდირების სახელმწიფო პროგრამა განხორციელდება. სახელმწიფო სუბსიდიას მიიღებს ის კომპანია, რომელიც 2023 წლის რთველის განმავლობაში შეიძენს და გადაამუშავებს კახეთის რეგიონში მოწეულ არანაკლებ 100 ტონა რქაწითელის და/ან კახური მწვანის ჯიშის ყურძენს. ამასთან, შესყიდული 1 კგ ყურძნის სანაცვლოდ, ყურძნის ჩამბარებელს გადაუხდის არანაკლებ 0,90 ლარისა. კახეთის რეგიონში მევენახის მიერ მოწეული ყურძნის შესყიდვის სანაცვლოდ, კომპანიებზე გასაცემი სუბსიდია შეადგენს 1კგ რქაწითელისა და 1 კგ კახური მწვანისათვის 0,20 ლარს.



აღსანიშნავია, რომ სახელმწიფოს მხრიდან უკანასკნელ წლებში მევენახეობა-მეღვინეობის დარგში განხორციელებულმა სწორმა პოლიტიკამ დარგი მნიშვნელოვნად გააძლიერა: გაშენდა ახალი ვენახები, შეიქმნა ახალი საწარმოები, გაუმჯობესებულია ღვინის ხარისხი, გაფართოვდა საექსპორტო ბაზრების არეალი, რეკორდულ რაოდენობამდე გაზრდილია ღვინის ექსპორტი და ყურძნის მოსავალი.

ამჟამად, კახეთში რთველი აქტიურ ფაზაშია. მოსავალი 10 ათასზე მეტმა მევენახემ უკვე ჩააბარა. დღევანდელი მონაცმებით, 100 ათას ტონაზე მეტი ყურძენია გადამუშავებული. აქედან 50 ათას ტონამდე რქაწითელი, 45 ათასი ტონა საფერავი, ხოლო დანარჩენი სხვა ჯიშის ყურძენია.

რთველის მიმდინარეობასთან დაკავშირებით გთავაზობთ ინტერვიუს „რთველი 2023“-ს შტაბისა და ღვინის ეროვნული სააგენტოს ხელმძღვანელ, ლევან მეხუზლასთან.

- ბატონო ლევან, რა ეტაპზეა ამ დროისთვის რთველი კახეთში?
- რთველის პროცესი უკვე აქტიურად მიმდინარეობს. დაახლოებით 100 ათას ტონაზე მეტი ყურძენია გადამუშავებული მთელი კახეთის მასშტაბით. ძალიან აქტიურობს კერძო სექტორი, ბევრი კერძო ქარხანა იბარებს ყურძენს. მათ შორის დასეტყვილ ყურძენს იბარებს სახელმწიფო საწარმოები, რომელიც 10-მდე ლოკაციაზეა გახსნილი. კერძო ქარხნებს რაც შეეხება, 200-მდე საწარმოა გახსნილი მთელი კახეთის მაშტაბით და აქტიურად მიმდინარეობს ხარისხიანი ყურძნის გადამუშავება.



- გასულ წელთან შედარებით, წელს ყურძენს უფრო მაღალი ფასი აქვს, რა ღირს რქაწითელისა და საფერავის ჯიშის ყურძენი?

- კი, განსაკუთრებით ეს შეეხება რქაწითელის ჯიშის ყურძენს, ვინაიდან წელს როგორც მოგეხსენებათ, ვენახებისთვის საკმაოდ არასახარბიელო პირობები იყო. ჯერ ჭრაქის პრობლემა იყო ზაფხულში გაუთავებელი წვიმების გამო და შემდგომ ნაწილობრივ ზოგიერთ სოფელში დაისეტყვა კიდეც. აქედან გამომდინარე, თეთრ ყურძნეზე მოთხოვნა მზარდია და ხარისხიანი ყურძენი 1.05- 1.10 - დაახლოებით ამ ფასებში ბარდება მასიურად და ლარზე ქვემოთ, პრინციპში, ხარისხიანი ყურძენი არ ჩამოსულა წელს. რა თქმა უნდა, არ ვგულისხმობ ნასეტყვს, რომელსაც 90 თეთრად იბარებს სახელმწიფო.
საფერავის ღირებულება დაახლოებით შარშანდელის ფასებში მერყეობს 1.40 ლ. – 1.50 ლ. უფრო დაფასებულია ყვარლის, ანუ ქინძმარაულისთვის განკუთვნილი საფერავი, რომლის ფასი 1.60-1.70 ლარია.

- ბატონო ლევან, რამდენიმე დღის წინ სეტყვამ ყვარლის მუნიციპალიტეტი მნიშვნელოვნად დააზარალა. ცნობილია ისიც, რომ სახელმწიფო ზარალს აუნაზღაურებთ. ამის გარდა, კვლავ თუ შეუძლიათ მათ დაზიანებული ყურძნის ჩაბარება?
- რა თქმა უნდა, სახელმწიფომ ჯერ კიდევ პირველი დასეტყვის დროს გამოაცხადა, რომ სრულად გადავამუშავებთ ამ დასეტყვილ ყურძენს. რა თქმა უნდა, მათ შორის, ის ყურძენიც, ვისაც შერჩა რამე ყვარელში მოსული სეტყვის შემდეგ, შეუძლიათ მოიტანონ და სახელმწიფო ჩაიბარებს 90 თეთრად.



- ბატონო ლევან, რთველის პროცესი რომ შეაჯამოთ: ამ ეტაპზე რა მდგომარეობაა მუნიციპალიტეტებში და როდის დასრულდება ყურძნის ჩაბარება?

- ჯერჯერობით, რა თქმა უნდა, რთულია პროგნოზირება, თუმცა, ტრადიციულად რთველი კახეთში ოქტომბრის შუა რიცხვებში სრულდება ხოლმე.
ვიტყოდი, რომ წლევანდელი რთველი საკმაოდ კარგად დაიწყო დედოფლისწყაროსა და სიღნაღის მუნიციპალიტეტებში. თუმცა, შემდგომ მოხდა ორი სამწუხარო სეტყვა, რომელმაც არასასიამოვნო დაღი დაასვა ამ ყველაფერს. იმედს ვიტოვებთ, რომ მსგავსი მოვლენა აღარ განმეორდება და წარმატებით დასრულდება რთველი. ბოლოს მოგეხსენებათ, რთველში ერთვება ხოლმე საგარეჯოს მუნიციპალიტეტი და როგორც აღვნიშნე, დაახლოებით 15-20 ოქტომბრისკენ კახეთში რთველი სრულდება.

- და ბოლოს: ღვინის ეროვნული სააგენტო აქტიურად ეწევა ქართული ღვინის პოპულარიზაციას. ამ მიმართულებით რა სიახლე გაქვთ?
- ღვინის სააგენტოს საქმიანობის ერთ-ერთი უმნიშვნელოვანესი მიმართულებაა ქართული ღვინის პოპულარიზაციის პროგრამა, რომლის ფარგლებშიც ჩვენ სტრატეგიულ ბაზრებზე ვმონაწილეობთ სხვადასხვა გამოფენებში, ღვინის წარდგენებსა და დეგუსტაციებში. ასევე ერთ-ერთი მნიშვნელოვანი კომპონენტი ამ პროგრამის არის სტუმრების ჩამოყვანა, მასპინძლობა. სტუმრებში ვგულისხმობ ღვინის სპეციალისტებს, პოტენციურ შემსყიდველებს, იმპიორტიორებს. მაგალითად, ამ რთველის განმავლობაში უკვე სამი ქვეყნიდან გვყავდა სტუმრები. ეს არის, გერმანია, დიდი ბიტანეთი, აშშ. ასევე, უახლოეს პერიოდში ველოდებით სტუმრებს ჩინეთიდან. აქტიურად ვმუშაობთ ამ კუთხით და დარწმუნებული ვართ, ეს ყველაფერი გამოიღებს შედეგს: ქართული ღვინო კიდევ უფრო ცნობადი გახდება მსოფლიო ბაზარზე და კიდევ უფრო მოიმატებს ქართული ღვინის რეალიზაცია.

[[R]]

| Print |  E-mail
FaceBook Twitter Google
ამავე კატეგორიაში
23-დან 25 თებერვლამდე, პორტუგალიის ქალაქი პორტო უმასპინძლებს
ბუნებრივი ღვინოების საერთაშორისო გამოფენას Simplesmente Vinho.
აღსანიშნავია, რომ საქართველო ამ ღონისძიებაზე ამაყად გამოირჩევა
ღვინის სამშობლოს სტატუსით.
23-დან 25 თებერვლამდე, პორტუგალიის ქალაქი პორტო უმასპინძლებს ბუნებრივი ღვინოების საერთაშორისო გამოფენას Simplesmente Vinho. აღსანიშნავია, რომ საქართველო ამ ღონისძიებაზე ამაყად გამოირჩევა ღვინის სამშობლოს სტატუსით.
16:20 / 23.02.2024
ღვინის ეროვნული სააგენტოს ინფორმაციით, ქართული ღვინის
პოპულარიზაციის ღონისძიებები საერთაშორისო ბაზრებზე 2024 წელს კიდევ
უფრო გააქტიურდება.
ღვინის ეროვნული სააგენტოს ინფორმაციით, ქართული ღვინის პოპულარიზაციის ღონისძიებები საერთაშორისო ბაზრებზე 2024 წელს კიდევ უფრო გააქტიურდება.
16:47 / 08.02.2024
საქართველოში წელს IWSC (International Wine and Spirits Competition)
კონკურსი მეორედ ჩატარდა, სადაც 170-ზე მეტი კომპანიის 520 ღვინო
მონაწილეობდა. წელს კონკურსზე ქართულ ღვინოებთან ერთად სომხეთსა და
აზერბაიჯანში წარმოებული ღვინოებიც იყო წარმოდგენილი.
საქართველოში წელს IWSC (International Wine and Spirits Competition) კონკურსი მეორედ ჩატარდა, სადაც 170-ზე მეტი კომპანიის 520 ღვინო მონაწილეობდა. წელს კონკურსზე ქართულ ღვინოებთან ერთად სომხეთსა და აზერბაიჯანში წარმოებული ღვინოებიც იყო წარმოდგენილი.
21:26 / 04.12.2023
საქართველოში რთველი 2023 დასასრულს უახლოვდება - მევენახეობის
ერთ-ერთ მთავარ რეგიონში, კახეთში ყურძენი უკვე დაბინავებულია.
საქართველოში რთველი 2023 დასასრულს უახლოვდება - მევენახეობის ერთ-ერთ მთავარ რეგიონში, კახეთში ყურძენი უკვე დაბინავებულია.
15:22 / 19.10.2023
სამართალი
სპეციალური საგამოძიებო სამსახურის მიერ, არასრულწლოვნის თანდასწრებით ოჯახში ძალადობის და მუქარის ფაქტებზე, მხილებულია შინაგან საქმეთა სამინისტროს განსაკუთრებულ დავალებათა დეპარტამენტის თანამშრომელი ა.ბ.
11:35 / 21-02-2024
საქართველოს შინაგან საქმეთა სამინისტრო იმერეთის რეგიონში სტიქიის შედეგებთან დაკავშირებით, განცხადებას ავრცელებს.
16:25 / 07-02-2024
საქართველოს პარლამენტმა იუსტიციის სამინისტროს მიერ შემუშავებული ახალი პენიტენციური კოდექსი მიიღო.
13:45 / 19-12-2023
ეკონომიკა
საავტომობილო გზების დეპარტამენტის ინფორმაციით, თბილისი-საგარეჯოს მაგისტრალური გზის 31 კმ-იანი და ბაკურციხე-წნორის 16.6 კმ-იანი მონაკვეთების მშენებლობა გრძელდება.
16:04 / 23-02-2024
ქალაქ გურჯაანში 2023 წლის 15 ივნისს მომხდარი სტიქიის შემდეგ თითქმის რვა თვეა გასული. სტიქიის შედეგად დაზიანდა როგორც ქალაქის ცენტრალური ნაწილი და მისი გარეუბნები, ასევე შიდასახელმწიფოებრივი მნიშვნელობის მქონე გურჯაანი-ჭაბუკიანი-აფენი-კაბალის გზაც. დროში გაწელილი სტიქიის სალიკვიდაციო სამუშაოების გამო გურჯაანის მოსახლეობა წუხს.
18:17 / 09-02-2024
სხვა ამბები
იანვრის წმინდა სავალუტო შემოდინებები წინა თვესთან შედარებით გაუარესდა, თუმცა მაინც მაღალია. აღსანიშნავია, რომ გასულ თვეებში კლების შემდეგ, სეზონური ფაქტორების გათვალისწინებით, მცირედით გაუმჯობესდა მიგრაციის მაჩვენებელი, ისევე როგორც დაფიქსირდა ფეროშენადნობების ექსპორტის გარკვეული აღდგენა.
17:02 / 27-02-2024
თიბისი კაპიტალმა, 2024 წლის მაკროეკონომიკური მოლოდინები და 5 მთავარი თემა, ქართულენოვანი აუდიტორიის შემდეგ, საერთაშორისო პარტნიორებს წარუდგინა.
18:03 / 26-02-2024
ანტიკორუფციული კანონმდებლობით გათვალისწინებული არსებული ვალდებულება, რომელიც ავალდებულებს ნარკოტესტირებას ისეთი თანამდებობის პირებისთვის, როგორიცაა საქართველოს პრეზიდენტი, პარლამენტის წევრები, მინისტრები, მათი მოადგილეები, ასევე ავტონომიური რესპუბლიკების წარმომადგენლები, ოფიციალურად გაუქმდა.
13:17 / 26-02-2024
საქართველოს პრემიერ-მინისტრის ირაკლი კობახიძის განცხადებით, მმართველი გუნდი მოქმედებს თავიდან ბოლომდე ინსტიტუტების სიძლიერის ინტერესიდან გამომდინარე.
17:12 / 23-02-2024
თიბისი, მთელი საქართველოს მასშტაბით, ყველა მოსწავლეს მე-9-დან მე-12 კლასის ჩათლით, აძლევს შესაძლებლობას გაეცნოს და შეისწავლოს ტექნოლოგიური პროფესიები სრული დაფინანსებით.
12:21 / 21-02-2024
როგორც ცნობილია, შეჯიბრში სულ 11 გუნდი იღებდა მონაწილეობას: 7 გუნდი - ბიჭების, 4 გუნდი - გოგონების.
16:05 / 19-02-2024
ვალუტა
EUR
EUR
1
3.5859
USD
USD
1
3.2054
GBP
GBP
1
4.2911
TRY
TRY
1
0.2316
RUB
RUB
100
3.2024
ამინდი
გურჯაანი 0 / 8 °C
img
საგარეჯო 1 / 6 °C
img
დ.წყარო -1 / 7 °C
img
სიღნაღი 1 / 8 °C
img
ლაგოდეხი 0 / 9 °C
img
ყვარელი 0 / 8 °C
img
თელავი 0 / 7 °C
img
ახმეტა -1 / 7 °C
img
კალენდარი
«« მარტი 2024 »»
26272829 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.