არჩევნები

17 საათის მონაცემებით თელავის N17 ოლქში საკუთარი არჩევანი
ამომრჩეველთა 41,9%-მა დააფიქსირა, რაც, საოლქო საარჩევნო კომისიის
თავმჯდომარის, რევაზ გაიპარაშვილის განმარტებით, წინა ტურის
იდენტურია.
17:30 / 30.10.2021

დარღვევები დაფიქსირდა თელავის N17 საოლქო საარჩევნო კომისიის
ვარდისუბნის N17 უბანზე. საჩივრის ავტორის, „ერთიანი ნაციონალური
მოძრაობის“ წარმომადგენლის, ეკატერინე ჯავახიშვილის განმარტებით,
„კავშირ „მწვანე დედამიწის “ წარმომადგენელი, ქეთევან მელაძე, მთელი
დღის განმავლობაში ტელეფონის საშუალებით აღრიცხავს მოსულ
ამომრჩეველს.“
17:26 / 30.10.2021

N17 თელავის საარჩევნო ოლქის ბევრ უბანზე ნაკადის მომწესრიგებელი
მოსული ამომრჩევლის ვინაობას ხმამაღლა აცხადებდა, რასაც უბანზე მყოფი
სხვადასხვა უფლებამოსილი პირი ინიშნავდა და აგზავნიდა, - ამის შესახებ
აღნიშნულია ორგანიზაცია „საერთაშორისო გამჭვირვალობა საქართველოს“
განცხადებაში.
16:18 / 30.10.2021

ცენტრალურ საარჩევნო კომისიაში მორიგი ბრიფინგი გაიმართა, სადაც
სპიკერმა ახმეტის ოლქის დუისის #26 უბაზე მომხდარ ფაქტთან
დაკავშირებითაც გააკეთა განმარტება.
15:51 / 30.10.2021