საზოგადოება
დააგებენ თუ არა ხელახლა გურჯაანის სკოლებთან სიჩქარის შემაფერხებლებს
გურჯაანის მუნიციპალიტეტის სოფელ ჭანდარში საჯარო სკოლასთან არსებული სიჩქარის შემაფერხებელი ბარიერები თითქმის მთლიანად აყრილია.


ანალოგიური მდგომარეობაა ასევე ცენტრალურ მაგისტრალზე მდებარე სოფელ გურჯაანისა და ვაზისუბნის საჯარო სკოლებთანაც.
როგორც მოსახლეობა ამბობს, ე.წ. „ბუგაროკები“ ადგილობრივებმა დააზიანეს, რადგან მათ საცხოვრებელ სახლებს საფრთხეს უქმნიდა. „მანქანები სიჩქარეს არ ანელებენ და ისეთი სისწრაფით გადადიან, სახლები ზანზარებს. განსაკუთრებით ცუდ მდგომარეობაში ვართ ისინი, ვინც გზის პირას ვცხოვრობთ. ღამე ისეთი ხმაურია, ბავშვები ვერ დაგვიძინებია,“-აღნიშნა ერთ-ერთმა მცხოვრებმა, რომელმაც ვინაობის გამხელისგან თავი შეიკავა.

როგორც ჩვენთან საუბარში სოფელ გურჯაანში მცხოვრებმა გივი მჭედლიშვილმა განაცხადა, სიჩქარის შემაფერხებლები აუცილებელია, განსაკუთრებით კი სკოლებთან.
„ხალხმა თვითონ დააზიანა იმ მიზეზით, რომ სახლები იბზარებაო. იმას არ ფიქრობენ, რომ ბავშვებს საფრთხეს უქმნიან, განსაკუთრებით მცირეწლოვნებს. მოსწავლეები ქუჩაზე რომ გადადიან, მძღოლები არ აჩერებენ. აქ კიდევ მოსახვევია და ზოგჯერ მანქანა ისეთი სიჩქარით მოდის, გადასვლა შეიძლება ვერც მოასწრონ. “

აღნიშნულ საფრთხეზე საუბრობს სოფელ ჭანდრის საჯარო სკოლის დირექტორი მანანა მჭედლიშვილიც. როგორც მან ჩვენთან საუბარში განაცხადა, რამდენიმე წლის წინ მათ მოსწავლეს მანქანა დაეჯახა, თუმცა საბედნიეროდ, ყველაფერი კარგად დამთავრდა.
„შემაფერხებლები ადგილობრივმა მოსახლეობამ აყარა. რამდენჯერმე მათთან შელაპარაკებაც კი მომივიდა. იმას არ ფიქრობენ, რომ აქ საქმე ბავშვების სიცოცხლეს ეხება. ამის შემდეგ გამგეობას ერთი წლის განმავლობაში რამდენჯერმე მივმართე, მაგრამ ჯერჯერობით სიახლე არაფერია. სიმართლე გითხრათ, რაც ახალი მერი დაინიშნა, აღარ მივსულვარ. ამჯერად ჩვენთან ვეჯინის სკოლის მოსწავლეებიც დადიან, რადგან იქ სარემონტო სამუშაოები მიმდინარეობს. ამის გამო სკოლაში უფრო მეტი ბავშვია და საფრთხეც დიდია. მართალია, ვმორიგეობთ და პატარებს ვაცილებთ, მაგრამ ბავშვია და დასვენებაზე შეიძლება უცებ გავიდეს ეზოს გარეთ, ამას ხომ ვერ განსაზღვრავ. ტრასის პირას ვართ და ყოველ წუთას დიდი საფრთხის წინაშე ვდგავართ.“

მოხდება თუ არა მომავალში სიჩქარის შემაფერხებელი ხელოვნური ბორცვების ხელახლა დაგება, ამასთან დაკავშირებით შპს თელავის საგზაო სამმართველოს მივმართეთ. როგორც ჩვენთან საუბარში დირექტორის მოადგილემ თამაზ აბდულაშვილმა განმარტა, გზის ამ მონაკვეთზე შემაფერხებლები რამდენჯერმე აღადგინეს, მაგრამ უშედეგოდ.
„თავის დროზე შემაფერხებლების გაკეთება გურჯაანის გამგეობამ მოითხოვა. დავაგეთ, მაგრამ მოსახლეობამ აყარა. მივმართეთ გურჯაანის პოლიციასაც და გამგეობასაც, მაგრამ იმათაც ვერაფერი მოუხერხეს. თუ აღდგენა უნდათ,რაიონმა ისევ საავტომობილო გზების დეპარტამენტს უნდა მიმართოს. მაშინ შეიძლება, ხელახლა მოვაწყოთ, მაგრამ ვფიქრობ, აზრი არ აქვს. გურჯაანიდან ბაკურციხემდე ოცი ზოლი იყო გაკეთებული. გრძივი მეტრი დაახლოებით ასი ლარი ჯდება, ე.ი. ერთი ბორცვი რვაასი ლარი. ამით, რა თქმა უნდა, სახელმწიფომ იზარალა.“

მისივე თქმით, ანალოგიური სიტუაციაა სხვა რაიონებშიც. თამაზ აბდულაშვილი მძღოლების უპასუხისმგებლობაზეც საუბრობს და ამბობს, რომ ისინი მოძრაობის წესებს არ იცავენ.
„ამ მხრივ ყველგან ერთი და იგივე მდგომარეობაა. მაგალითად, თელავიდან ახმეტამდე ხუთ ადგილას იყო შემაფერხებლები და ყველგან მოშალეს. ვერსად ვერ იმუშავა კარგად. იმის გამო, რომ შემაფერხებლებზე მანქანები დიდი სიჩქარით გადადიან, ეს ნამდვილად იწვევს ხმაურს. ყველგან დგა სიჩქარის შემზღუდველი ნიშანი, მაგრამ ყურადღებას არავინ აქცევს. საპატრულომ უნდა დააყენოს სათვალთვალო კამერები, რომელიც აღრიცხავს მოძრაობის სიჩქარეს და მერე მძღოლს ავტომატურად დაერიცხება ჯარიმა. თუმცა, ჯერჯერობით ეს საკთხი არ გადაჭრილა.“

როგორც გურჯაანის მერიის ინფრასტრუქტურის სამსახურში განაცხადეს, საჯარო სკოლებთან არსებულ სიჩქარის შემაფერხებელ ბარიერებთან დაკავშირებით ინფრასტრუქტურის სამინისტროს, რომლის დაქვემდებარებაშიცაა საქართველოს გზების დეპარტამენტი, მათ მიერ მოთხოვნილი ყველა ინფორმაცია თებერვალში გაუგზავნეს.

| Print |  E-mail
FaceBook Twitter Google
ამავე კატეგორიაში
გურჯაანში დიდების მემორიალზე მდებარე მუზეუმში წვიმის დროს
კედლებიდან წყალი ჩადის. როგორც ჩვენთან საუბარში გურჯაანის
საბიბლიოთეკო და სამუზეუმო გაერთიანების დირექტორმა სალომე ბოგვერაძემ
განმარტა, პრობლემა წლებია უკვე არსებობს.
გურჯაანში დიდების მემორიალზე მდებარე მუზეუმში წვიმის დროს კედლებიდან წყალი ჩადის. როგორც ჩვენთან საუბარში გურჯაანის საბიბლიოთეკო და სამუზეუმო გაერთიანების დირექტორმა სალომე ბოგვერაძემ განმარტა, პრობლემა წლებია უკვე არსებობს.
18:23 / 18.04.2019
სკოლებში ქართული საგალობლების შესწავლა სავალდებულო ხდება, ამის
შესახებ საქართველოს პრემიერ მინისტრმა მამუკა ბახტაძემ ეროვნულ
მუზეუმში პრეზენტაციაზე, ისაუბრა.
სკოლებში ქართული საგალობლების შესწავლა სავალდებულო ხდება, ამის შესახებ საქართველოს პრემიერ მინისტრმა მამუკა ბახტაძემ ეროვნულ მუზეუმში პრეზენტაციაზე, ისაუბრა.
15:20 / 17.04.2019
საგზაო უსაფრთხოების ეროვნული სტრატეგიის 2019 წლის სამოქმედო გეგმის
მიხედვით, მოპედის სამართავად მოქალაქეებს მართვის მოწმობის გამოცდის
ჩაბარება მოუწევთ.
საგზაო უსაფრთხოების ეროვნული სტრატეგიის 2019 წლის სამოქმედო გეგმის მიხედვით, მოპედის სამართავად მოქალაქეებს მართვის მოწმობის გამოცდის ჩაბარება მოუწევთ.
14:34 / 17.04.2019
შინაგან საქმეთა სამინსიტროს მონაცემებით, 2018 წელს, ავტოსაგზაო
შემთხვევებს 459 ადამიანის სიცოცხლე შეეწირა, ხოლო ბოლო 10 წელიწადში
მომხდარი ავტოსატრანსპორტო შემთხვევების შედეგად, 6 608 ადამიანი
გარდაიცვალა, 85 946 ადამიანმა კი ჯანმრთელობის დაზიანება მიიღო.
შინაგან საქმეთა სამინსიტროს მონაცემებით, 2018 წელს, ავტოსაგზაო შემთხვევებს 459 ადამიანის სიცოცხლე შეეწირა, ხოლო ბოლო 10 წელიწადში მომხდარი ავტოსატრანსპორტო შემთხვევების შედეგად, 6 608 ადამიანი გარდაიცვალა, 85 946 ადამიანმა კი ჯანმრთელობის დაზიანება მიიღო.
13:59 / 17.04.2019
გურჯაანის საჯარო ბიბლიოთეკაში ახალგაზრდული საბჭოს ინიციატივით
ინტელექტუალური თამაში „მოაზროვნე“ ჩატარდა. შეჯიბრში მუნიციპალიტეტის
მასშტაბით სულ 12 გუნდი იღებდა მონაწილეობას.
გურჯაანის საჯარო ბიბლიოთეკაში ახალგაზრდული საბჭოს ინიციატივით ინტელექტუალური თამაში „მოაზროვნე“ ჩატარდა. შეჯიბრში მუნიციპალიტეტის მასშტაბით სულ 12 გუნდი იღებდა მონაწილეობას.
12:39 / 17.04.2019
სხვა ამბები
თელავის კიკბოქსინგის კლუბ "ჯორჯიას" დარბაზში ღია რინგი ჩატარდა, სადაც სხვადასხვა მუნიციპალიტეტის სპორტსმენებმა მიიღეს მონაწილეობა.
12:06 / 18-04-2019
2018-2019 სასწავლო წელს, მე-12 კლასის მოსწავლეებისთვის თავისუფალი დასწრების რეჟიმი აღარ იმოქმედებს. ამის შესახებ ინფორმაციას განათლების, მეცნიერების, კულტურისა და სპორტის სამინისტრო ავრცელებს.
14:48 / 17-04-2019
სამხრეთ კავკასია სამ ერთმანეთის მოსაზღვრე სახელმწიფოს აერთიანებს - საქართველოს, სომხეთსა და აზერბაიჯანს. სწორედ საქართველოს საზღვრისპირა რეგიონებში, როგორც სოფლებში, ისე ქალაქებში, მაღალია აზერბაიჯანელი და სომეხი ეროვნების მაცხოვრებელთა წარმომადგენლობა. საქართველოს მოსახლეობის 2014 წლის აღწერის შედეგების მიხედვით, საქართველოს მოსახლეობის ყველა დიდ ნაწილს - 86,8 პროცენტს ქართველები შეადგენენ (3.22 მილიონი ადამიანი), შემდგომ აზერბაიჯანელები - 6,3 პროცენტს (233 000 ადამიანი), ხოლო სომხები - 4,5 პროცენტს (168 100 ადამიანი).
16:58 / 12-04-2019
სექტემბრიდან საქართველოში დაწყებითი კლასის მოსწავლეები, 25 ქვეყანაში აღიარებული და წარმატებული წიგნით „გამარჯობა რუბი“ პროგრამირების და კომპიუტერული მეცნიერებების საფუძვლებს ისწავლიან.
17:18 / 03-04-2019
დღეს გურჯაანის მუნიციპალიტეტის მერი არჩილ ხანდამაშვილი სხვადასხვა სახეობაში თექვსმეტ წარმატებულ სპორტსმენს შეხვდა და ბოლო პერიოდის მიღწევები კიდევ ერთხელ მიულოცა.
16:36 / 02-04-2019
გურჯაანის სპორტკომპლექსში მხიარული სტარტების სასკოლო სპორტული ოლიმპიადის რეგიონული ტურნირი დასრულდა.
12:55 / 01-04-2019
ვალუტა
EUR
EUR
1
3.0536
USD
USD
1
2.5751
GBP
GBP
1
3.4411
TRY
TRY
1
0.6764
RUB
RUB
100
4.4602
ამინდი
გურჯაანი 1 / 11 °C
img
საგარეჯო 1 / 8 °C
img
დ.წყარო 2 / 7 °C
img
სიღნაღი 1 / 11 °C
img
ლაგოდეხი 3 / 11 °C
img
ყვარელი 1 / 11 °C
img
თელავი 3 / 10 °C
img
ახმეტა 2 / 10 °C
img
კალენდარი
«« აპრილი 2019 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 12345

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.