საზოგადოება
ვეჯინის ბაღის მენეჯერი - სამსახურიდან პოლიტიკური ნიშნით გამათავისუფლეს
გუშინ გურჯაანის მუნიციპალიტეტის სოფელ ვეჯინის ბაგა-ბაღის მენეჯერი თამარ სიბაშვილი თანამდებობიდან გაათავისუფლეს.


როგორც მან ჩვენთან საუბარში აღნიშნა, გათავისუფლების ერთ-ერთი მიზეზი გადაცემა „აქცენტებში“ გავრცელებული ჩანაწერია, რომელიც საჯარო მოხელეების მიერ ამომრჩევლებზე ზეწოლას ასახავს.
„ჩემი განთავისუფლების მიზეზიც არსებობს და საბაბიც. საბაბია ის, რაც ბრძანებაში მიწერია - სამსახურებრივი მოვალეობის არაჯეროვნად შესრულება, რაშიც იგულისხმება ოთხი წუთით დაგვიანება, სანიტარულ-ჰიგიენური ნორმების დარღვევა და უსაფრთხოება. მე ვადასტურებ, რომ ბაღში ჰიგიენური და უსაფრთხოების ნორმები დარღვეულია. 41 ბავშვს აქვს სამი კარადა, მათგან არც ერთს არ აქვს კარები, ტანსაცმელი კი, ერთმანეთზე, ლურსმებზე ჰკიდია და ბავშვებმა შეიძლება ხელი ან თვალი ჩამოაგონ. შეშა ალაგია კარადის უკან და ა.შ. საბავშვო ბაღში ინფარასტრუქტურაა ნული, სწორედ ამიტომ არის დარღვევები. ის ვერ გამიგია, ეს მე ჩემს თავზე რატომ უნდა ავიღო. ყველამ იცის, რომ მათი მოგვარება მერიისა და საკრებულოს პრეროგატივაა.“

თამარ სიბაშვილი იმ ფაქტორებზე გვესაუბრა, რომელიც მისი განმარტებით, გათავისუფლების რეალური მიზეზი გახდა.
„სინამდვილეში, ვარ პოლიტიკური ნიშნით გათავისუფლებული. არადა, არც რომელიმე პარტიის წარმომადგენელი ვარ, არც აგიტატორი და მხარდამჭერი. მიუხედავად ამისა, 2012 წლიდან ვცხოვრობ თავის მართლების რეჟიმში. მე ვარ სიბაშვილი გოგიტას ნათესავი. სიბაშვილების კლანი წავიდა და თურმე დიდი შეცდომაა, ამ დრომდე რომ თანამდებობაზე ვმუშაობ. მუნიციპალიტეტის მერმა დედაჩემთან პირად საუბარში განაცხადა, რომ შენი შვილი იმიტომ გათავისუფლდება, რომ არის სიბაშვილი და ელმირა ბეციაშვილის მეგობარი, რომელიც „ნაციონალური მოძრაობის“ წევრია. კიდევ ის, რომ ვეჯინში ვერ დაიდო არჩევნებზე ის შედეგი, რაც ბატონ მერს სჭირდებოდა.
არჩევნების წინა საღამოს გადაცემა „აქცენტებში“ გავრცელდა ფარული ჩანაწერი, სადაც სოფლის გამგებელი ამბობდა, რომ გაშლილი ბიულეტენები უნდა გამოეტანათ გარეთ. ეს ბრძანება ზევიდან არისო. ამ კადრების გავრცელებაში მე დამადანაშაულეს. კიდევ ერთი მიზეზი, როგორც გავიგე, იყო ის, რომ თურმე არჩევნების მეორე დღეს უარყოფითი შედეგების გაგების შემდეგ, ტორტი მივიტანე ბაღში და საზეიმო ვითარებაში გავჭერი. ჩემი გათავისუფლების ბრძანება გუშინ დაიწერა, რომელიც გაერთიანების ხელმძღვანელმა გადმომცა..“

სკოლამდელი სააღმზდელო გაერთიანების დირექტორის ლელა თევდორაშვილის განმარტებით, მენეჯერის გათავისუფლებას პოლიტიკური საფუძველი არ აქვს.
„გუშინ გავათავისუფლე ვეჯინის ბაღის მენეჯერი, რა კადრები გავრცელდა და რას აბრალებენ ნამდვილად არ ვიცი, საფუძველია სამსახურებრივი მოვალეობის არაჯეროვანი და გულგრილი შესრულება. მინდა აღვნიშნო, რომ აპრილში იყო შესული მონიტორინგის ჯგუფი, მაშინ უარესი პირობები დაფიქსირდა. მივეცი დისციპლინური გაფრთხილება. განმეორებითი მონიტორინგის დროს, რომელიც აუდიტთან ერთად განვახორციელეთ, აბსოლუტურად არაფერი არ იყო გამოსწორებული. ბაღი ცხრას რომ თხუთმეტი აკლია მზად უნდა იყოს აღსაზრდელების მისაღებად, იქ კი ათის თხუთმეტ წუთზე არაფერი იყო გაკეთებული. სამსახურში დაიგვიანა ყველა თანამშრომელმა. მე გავათავისუფლე მენეჯერი და რვა თანამშრომელს გამოვუცხადე სასტიკი საყვედური. ამ დღესვე განვახორციელე მონიტორინგი ჭანდრის ბაღში, სადაც მზარეულს ჰიგიენური პირობების დარღვევისთვის გამოვუცხადე სასტიკი საყვედური და მენეჯერმაც მიიღო შენიშვნა. ცუდია, როცა ბავშვების უსაფრთხოება და ჯანმრთელობა პოლიტიკური სპეკულაციების მიზეზი ხდება. გეგმიური შემოწმება გაგრძელდება და დარღვევის შემთხვევაში ყველაზე იქნება მყისიერი რეაგირება.“

ბრალდებებს უარყოფს გურჯაანის მუნიციპალიტეტის მერი არჩილ ხანდამაშვილიც.
„ვერ დავეთანხმები პოლიტიკურ მიზანს. მინდა აღვნიშნო, რომ არავის არ უნდა ეშინოდეს ბაღში ბავშვების გაშვების. მერიის აუდიტის სამსახური უკვე დიდი ხანია გეგმა გრაფიკის მიხედვცით ახორციელებს ააიპებ-ის შემოწმებას და რეაგირებაც მოჰყვა. ბრალდებას არ ვადასტურებ, ადამიანს შეუძლია ვისაც უნდა იმას ემეგობროს. კიდევ ერთხელ ვიმეორებ, რომ ჰიგიენა და სისუფთავე ბაღებში ჩვენთვის არის უპირველესი ამოცანა. ეს ერთადერთი ბაღი არ არის, რომელსაც გაფრთხილება მიეცა და რეაგირებაც შესაბამისი მოჰყვა. “

თამარ სიბაშვილი ვეჯინის საბავშვო ბაგა-ბაღს წლებია ხელმძღვანელობს, როგორც მან განაცხადა, გაჩერებას არ აპირებს და გასაჩივრების შემთხვევაში სამსახურში აღდგენას მოითხოვს.


Print E-mail
FaceBook Twitter Google
ამავე კატეგორიაში
„სოფლის მხარდაჭერის პროგრამის“ ფარგლებში განსაზღვრული
სამუშაოებისთვის თანხა გაორმაგდა.
„სოფლის მხარდაჭერის პროგრამის“ ფარგლებში განსაზღვრული სამუშაოებისთვის თანხა გაორმაგდა.
17:00 / 22.01.2019
ამ წუთებში გურჯაანის რაიონული სასამართლო, ველისციხის ეპიზოდთან
დაკავშირებით,
ამ წუთებში გურჯაანის რაიონული სასამართლო, ველისციხის ეპიზოდთან დაკავშირებით, "ნაციონალური მოძრაობის" ლიდერების ნიკა მელიასა და გიორგი ვაშაძის საქმეს იხილავს.
15:49 / 22.01.2019
დღეიდან გურჯაანში გარევაჭრობა იკრძალება, ამის შესახებ მერიის
ზედამხედველობის სამსახურში განაცხადეს. იურიდიული სამსახურის
ზედამხედველობის განყოფილების უფროსი სპეციალისტის ბადრი ბადრიაშვილის
განმარტებით, მოვაჭრეებს მითითებები უკვე მისცეს.
დღეიდან გურჯაანში გარევაჭრობა იკრძალება, ამის შესახებ მერიის ზედამხედველობის სამსახურში განაცხადეს. იურიდიული სამსახურის ზედამხედველობის განყოფილების უფროსი სპეციალისტის ბადრი ბადრიაშვილის განმარტებით, მოვაჭრეებს მითითებები უკვე მისცეს.
10:51 / 22.01.2019
დღეიდან გურჯაანის ყველა სკოლამდელ სააღმზრდელო დაწესებულებაში
სასწავლო პროცესი განახლდა. როგორც ჩვენთან საუბარში გაერთიანების
ხელმძღვანელმა ლელა თევდორაშვილმა განაცხადა, აღსაზრდელთა კონტინგენტი
ძალიან მცირეა.
დღეიდან გურჯაანის ყველა სკოლამდელ სააღმზრდელო დაწესებულებაში სასწავლო პროცესი განახლდა. როგორც ჩვენთან საუბარში გაერთიანების ხელმძღვანელმა ლელა თევდორაშვილმა განაცხადა, აღსაზრდელთა კონტინგენტი ძალიან მცირეა.
12:58 / 21.01.2019
პროექტ „დავასუფთაოთ საქართველოს“ ფარგლებში გამოცხადებული კონკურსის
„სუფთა რეგიონის“ წოდება კახეთმა მოიპოვა. ჯილდო კახეთის გუბერნატორს
შვედეთის სამეფოს საგანგებო და სრულუფლებიანმა ელჩმა ულრიკ
ტიდესტრომმა გადასცა.
პროექტ „დავასუფთაოთ საქართველოს“ ფარგლებში გამოცხადებული კონკურსის „სუფთა რეგიონის“ წოდება კახეთმა მოიპოვა. ჯილდო კახეთის გუბერნატორს შვედეთის სამეფოს საგანგებო და სრულუფლებიანმა ელჩმა ულრიკ ტიდესტრომმა გადასცა.
14:21 / 19.01.2019
სხვა ამბები
განათლების მინისტრის განცხადებით, წითელას ეპიდაფეთქების გამო სასწავლო პროცესი არ გადაიდება. თუმცა მისივე თქმით, რაიმე გართულების შემთხვევაში, არაა გამორიცხული გადაწყვეტილება შეიცვალოს.
14:39 / 19-01-2019
მასწავლებელთა პროფესიული განვითარების ეროვნული ცენტრის ინფორმაციით, მასწავლებელთა პროფესიული განვითარების სქემაში კრედიტქულების დაგროვების სისტემა უქმდება.
14:03 / 19-01-2019
პედაგოგების სახელფასო ანაზღაურება შემოდგომიდან გაიზრდება. დეტალები კი აპრილის ბოლოს გახდება ცნობილი. ამის შესახებ განათლების, მეცნიერების, კულტურისა და სპორტის მინისტრმა, მიხეილ ბატიაშვილმა განაცხადა.
16:30 / 18-01-2019
განათლების, მეცნიერების, კულტურისა და სპორტის სამინისტრო საჯარო სკოლებისთვის განცხადებას ავრცელებს. უწყების ინფორმაციით, სკოლებმა სასწავლო პროცესის განახლების შემდეგ კონკრეტული რეკომენდაციები უნდა გაითვალისწინონ.
12:53 / 18-01-2019
ფრანგულ სამედიცინო ცენტრ კახეთი-იონს როგორც წარმატებული პროექტის შემსრულებელს სტუმრად ეწვივნენ იაპონიის საერთაშორისო თანამშრომლობის სააგენტოს (JICA) და საქართველოში მდებარე საფრანგეთის საელჩოს წამომადგენელები.
17:52 / 11-01-2019
ვალუტა
EUR
EUR
1
3.0536
USD
USD
1
2.5751
GBP
GBP
1
3.4411
TRY
TRY
1
0.6764
RUB
RUB
100
4.4602
ამინდი
გურჯაანი 1 / 11 °C
img
საგარეჯო 1 / 8 °C
img
დ.წყარო 2 / 7 °C
img
სიღნაღი 1 / 11 °C
img
ლაგოდეხი 3 / 11 °C
img
ყვარელი 1 / 11 °C
img
თელავი 3 / 10 °C
img
ახმეტა 2 / 10 °C
img
კალენდარი
«« იანვარი 2019 »»
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 123

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.