საზოგადოება
დედები ემიგრაციიდან...
დღეს სამი მარტია, დედის დღე. აი, ის დღე, შვილები დედებს ყვავილებს, სამახსოვრო ბარათებს ან სხვა სიმბოლურ საჩუქრებს რომ ჩუქნიან.
ემიგრანტ დედებზე მოგიყვებით, იმ დედებზე, რომლებიც უთვალავი კილომეტრის მოშორებით შვილებს მონატრებულები,შვილების ჩახუტების გარეშე ხვდებიან დღევანდელ დღეს, თუმცა ისევ შვილების კეთილდღეობისთვის.




თამარ უსტიაშვილი
უკვე მეოთხე წელია იტალიაშია. როგორც გვიყვება, საკუთარ თავში იპოვა ძალა და საგარეჯოს მუნიციპალიტეტის სოფელ პატარძეულიდან ემიგრაციაში წავიდა. სამი შვილი ჰყავს, თათია, მარიამი და დათო. ახლა თათიაც ემიგრანტია და თამარს ეს ცოტათი თუ უმსუბუქებს ემიგრანტობით გამოწვეულ სევდას.

„მეუღლე რომ დამეღუპა 4, 5 და 6 წლის შვილები დამრჩა. გავიდა წლები, ჩემს თავში ძალა ვიპოვე, გავბედე და უცხო ქვეყანაში წავედი. მიუხედავად იმისა, რომ ძალიან კარგ ოჯახში ვარ, აქ ყველაფერი მაინც უცხოა ჩემთვის. ჩემი ხალხი, ჩემი სამშობლო და ჩემი ტრადიციები მენატრება. თათიას აქ ჩამოსვლა არ მინდოდა, არ მინდოდა ისიც ემიგრანტი ყოფილიყო და ჩემს გზას დასდგომოდა, მაგრამ ძალიან დიდი შვებაა ჩემს გვერდით რომ არის.

ჩემი დათო ორი თვის მოსული იყო ჯარიდან, მე რომ იტალიაში წამოვედი. არ მიშვებდა, მეუბნებოდა მე ვიმუშავებ, ოღონდ ნუ წახვალო, მაგრამ მხოლოდ მისი შრომა არ იქნებოდა საკმარისი. მე მეამაყება ჩემი შვილები. მადლობა უფალს, რომ ისინი ნამდვილი ადამიანები არიან. ყველა დედას მინდა მივულოცო დღევანდელი დღე, იყვნენ ბედნიერი და ამაყი თავისი შვილებით. ყველა ემიგრანტ ქალს ვუსურვებ მონატრებული ოჯახის, შვილების და მშობლების გვერდით , გვეუბნება თამარი.



ციური ხუცურაული
ქალაქ ახმეტიდანაა. უკვე 3 წელია ემიგრაციაშია, კერძოდ კი - იტალიის ქალაქ ბარიში. ახლა თავის სალომესთან ერთად, ერთ სახლში მუშაობს, რაც ემიგრანტობის მძიმე ყოფას უმსუბუქებს. თუმცა საქართველოში დატოვებული ორი შვილისა და შვილიშვილების მონატრება მაინც სხვაგვარია,იმ შვილიშვილების, რომლებიც ჯერ არც კი უნახავს და მხოლოდ ონლაინ კომუნიკაციით იცნობს.

-„ ჩემი წამოსვლის ერთ-ერთი მიზეზი იყო შვილის მონატრება, რომელიც ემიგრაციაში იყო და ხუთი წელი არ მყავდა ნანახი, იმ რთულ და გაჭირვებულ ცხოვრებაზე აღარაფერს ვამბობ. მადლობა უფალს გამიმართლა. დღეს ჩემს შვილთან, სალომესთან ერთად ვმუშაობ ერთ სახლში და ყოველდღე ვხედავ მას, მაგრამ საქართველოში ორი შვილი და შვილიშვილები მელოდებია, მხოლოდ ტელეფონით ვიცნობ მათ. ჩემი დიდი სურვილია, ყველა ერთად ვნახო საქართველოში. მინდა ვისარგებლო და პირველ რიგში დედაჩემს მივულოცო დედის დღე, რომელიც ყოველდღე ელოდება ჩემ დაბრუნებას. ემიგრანტ დედებს გამძლეობას ვუსურვებ და თავიანთი შვილები მალე ჩახუტებას“.



38 წლის ანა მაისურაძეც
ემიგრაციაშია. გურჯაანის მუნიციპალიტეტის სოფელ ახაშნიდან საბერძნეთის დედაქალაქ ათენში 2018 წელს წავიდა. წავიდა იმიტომ, რომ გიორგისა და ელენესთვის ცხოვრების უკეთესი პირობები შექმნას და მათ განათლებაზე იზრუნოს.

„ძვლების ტკივილამდე მენატრეობა შვილები“- გვეუბნება ანა. მისი ელენე ახლა 15 წლისაა, გიორგი კი - 18-ის.
თავიდან, როგრც ემიგრანტთა უმეტესობა, ანაც ოჯახში, დამხმარედ მუშაობდა. შემდეგ პროფესია შეიძინა, ახლა საკუთარი ბიზნესი აქვს და ქალბატონების ფრჩხილების სილამაზეზე ზრუნავს.
-„საშინელებაა, შვილებისგან და ოჯახისგან მოშორებით ყოფნა.

რა რთული დღეებიც გამოვიარე,მტერსაც არ ვუსურვებ. ძალიან გამიჭირდა უცხო ქვეყანაში თავის დამკვიდრება, თუ ენა არ იცი, ძალიან რთულია. ჩვეულებრივ, როგორც ყველა ემიგრანტი, მეც ოჯახში ვმუშაობდი. გადავწყვიტე, რამე ისეთი მესწავლა, დამატებითი შემოსავალი რომ მოეტყანა ჩემთვის, რთულია სხვის ოჯახში მუშაობა. შევისწავლე ფრჩხილის სპეციალობა და დღეს ჩემი საკუთარი ბიზნესი მაქვს. უამრავი მომხმარებელი მყავს და ახლა სხვებს ვასწავლი ამ ყველაფერს. თქვენი საშუალებით მინდა ყველა ემიგრანტ დედას მივულოცო დღევანდელი დღე და ყველაფერი საუკეთესო ვუსურვო. დიდი იმედი მაქვს, მალე დავბრუნდები საქართველოში და ჩემს მონატრებულ ოჯახს ჩავეხუტები“.




გურჯაანელი მაია აფციაური
მალე 60 წლის გახდება, ემიგრაციაში 2019 წლის მაისში წავიდა. როგორც თვითონ გვიყვება, ეს ნაბიჯი იმიტომ გადადგა, რომ ბანკის ვალი დაეფარა.

„მე და ჩემმა მეუღლემ გადავწყვიტეთ, ბიზნესი წამოგვეწყო და გავხსენით „მონადირის მაღაზია“ იმ იმედით, რომ მომავალში ბანკი მოგვცემდა კრედიტს. ბანკი სესხს დაგვპირდა, თუმცა შემდეგ მათი პოლიტიკა შეიცვალა და იარაღის მაღაზიის დაფინანსებაზე უარი გვითხრეს. ასე აღმოვჩნდით კერძო მევახშის მარწუხებში. მერე რა მოგებაც გვქონდა, პროცენტში მიდიოდა და ძირი არ იფარებოდა. შემდეგ იყო სახლიდან გამოსახლება, სირცხვილი, ტირილი, მაგრამ არდანებება. ამიტომ წამოვედი ემიგრაციაში, რომ სახლი ორმაგად უკან გამომესყიდა და ჩემი შვილი სახლის გარეშე არ დარჩენილიყო. მევახშემ ესეც არ მაკმარა და ჩემი ქმარი ციხეში გაუშვა, სხვისი ქონების ხელყოფის ბრალდებით, რადგან სიცივის გამო იანვარში, ჩვენს სახლში ერთი საწოლი შეიტანა და იქ იძინებდა.“

ამბობს, რომ განსაკუთრებით უჭირს ემიგრაციაში ყოფნის პირველი დღეების გახსენება. ეს იყო მუდმივი ტირილი, ენის ბარიერი, მონატრება და უსუსურობის განცდა.

„რთულია, როდესაც ოჯახისგან შორს ხარ, ვერ ესწრები შვილის ბედნიერებას, ვერც მის ტკივილს იზიარებ და ანუგეშებ, ყოველთვის არ გაქვს ტელეფონით სარგებლობის უფლება და რავიცი, რამდენი რამე შეიძლება ჩამოვთვალო. ტირილი ჩემი განუყოფელი ნაწილი გახდა და შედეგიც დადგა. ამდენ ნერვიულობაზე თვალის ბადურა ჩამომეშალა და მომიწია, რომ ოპერაცია გამეკეთებინა. შვილებისგან შორს ყოფნა უძნელესია, შვილიშვილებისგან - კიდევ უფრო ძნელი. ერთი სული მაქვს ბანკის ვალი, ანუ იპოთეკა დავფარო, რომ მაშინვე მანდ გავჩნდე. იქნებ მომავალი წლის 3 მარტისთვის შვებულება ავიღო და ცოტა ხნით ჩამოვიდე. ახალგაზრდებს კი ვურჩევ, რომ თავი შეიკავონ ემიგრაციაში წასვლაზე.“

თამარის, ციურის, ანას და მაიას მსგავსად, ყველა ემიგრანტი დედის სურვილი ერთნაირია და შვილების კარგად ყოფნას უკავშირდება.
მათ კი, ალბათ, გაღებული უანგარო მსხვერპლის სანაცვლოდ, შვილებთან ჩახუტება და თბილი ღიმილიც ეყოფათ.

| Print |  E-mail
FaceBook Twitter Google
ამავე კატეგორიაში
აღმოსავლეთ პარტნიორობის საქართველოს ეროვნული პლატფორმა ე.წ. ე.წ
აგენტების, იგივე „უცხოური გავლენის გამჭვირვალობის შესახებ”
კანონპროექტის პარლამენტში ხელახლა ინიცირებას ეწინააღმდეგება და
აცხადებს, რომ პლატფორმის 200-მდე ორგანიზაცია შეურაცხყოფილია
მმართველი პარტიის მიერ საზოგადოების წინაშე დადებული პირობის
გატეხვით - აღარ დაბრუნებოდა ე.წ. ,,აგენტების შესახებ” კანონს.
აღმოსავლეთ პარტნიორობის საქართველოს ეროვნული პლატფორმა ე.წ. ე.წ აგენტების, იგივე „უცხოური გავლენის გამჭვირვალობის შესახებ” კანონპროექტის პარლამენტში ხელახლა ინიცირებას ეწინააღმდეგება და აცხადებს, რომ პლატფორმის 200-მდე ორგანიზაცია შეურაცხყოფილია მმართველი პარტიის მიერ საზოგადოების წინაშე დადებული პირობის გატეხვით - აღარ დაბრუნებოდა ე.წ. ,,აგენტების შესახებ” კანონს.
10:35 / 04.04.2024
კახეთის „მიუსაფარ ცხოველთა მართვის სააგენტოს“ გურჯაანის
ინტერმუნიციპალური ცენტრის გარშემო მორიგი სკანდალი ატყდა.
დაწესებულებაში ცხოველების მიმართ არასათანადო, სასტიკ მოპყრობაზე
საუბარი ამჯერად მას შემდეგ დაიწყო, რაც ცხოველთა უფლებადამცველმა
შორენა ლობჟანიძემ კოლეგებთან ერთად ჩატარებული წინასწარდაგეგმილი
მონიტორინგის ფოტო-ვიდეომასალა და კომენტარები სოციალურ ქსელში
გაავრცელა.
კახეთის „მიუსაფარ ცხოველთა მართვის სააგენტოს“ გურჯაანის ინტერმუნიციპალური ცენტრის გარშემო მორიგი სკანდალი ატყდა. დაწესებულებაში ცხოველების მიმართ არასათანადო, სასტიკ მოპყრობაზე საუბარი ამჯერად მას შემდეგ დაიწყო, რაც ცხოველთა უფლებადამცველმა შორენა ლობჟანიძემ კოლეგებთან ერთად ჩატარებული წინასწარდაგეგმილი მონიტორინგის ფოტო-ვიდეომასალა და კომენტარები სოციალურ ქსელში გაავრცელა.
23:32 / 28.03.2024
რამდენიმე დღის წინ გურჯაანში არც თუ ისე ძლიერი წვიმის დროს ქალაქის
ცენტრალური მაგისტრალი კვლავ დაიტბორა ისე, რომ ფეხით მოსიარულეებს
გადაადგილებაზე პრობლემა შეექმნათ. ადგილობრივები შიშობენ, რომ ძლიერი
ნალექის დროს, შესაძლოა, გასული წლის მსგავსი სტიქია განმეორდეს.
speqtri.ge-მ გურჯაანის მუნიციპალიტეტის მერიას მიმართა, იმის
გასარკვევად, თუ რას გეგმავს ამ პრობლემის მოსაგვარებლად.
რამდენიმე დღის წინ გურჯაანში არც თუ ისე ძლიერი წვიმის დროს ქალაქის ცენტრალური მაგისტრალი კვლავ დაიტბორა ისე, რომ ფეხით მოსიარულეებს გადაადგილებაზე პრობლემა შეექმნათ. ადგილობრივები შიშობენ, რომ ძლიერი ნალექის დროს, შესაძლოა, გასული წლის მსგავსი სტიქია განმეორდეს. speqtri.ge-მ გურჯაანის მუნიციპალიტეტის მერიას მიმართა, იმის გასარკვევად, თუ რას გეგმავს ამ პრობლემის მოსაგვარებლად.
15:21 / 27.03.2024
2023 წლის ბოლოს პარლამენტმა მნიშვნელოვანი ცვლილება შეიტანა არსებულ
კანონში „საგზაო ტრანსპორტის შესახებ“, რომელიც ითვალისწინებს
გამკაცრებულ რეგულაციას ავტოსადგურებისთვის.
2023 წლის ბოლოს პარლამენტმა მნიშვნელოვანი ცვლილება შეიტანა არსებულ კანონში „საგზაო ტრანსპორტის შესახებ“, რომელიც ითვალისწინებს გამკაცრებულ რეგულაციას ავტოსადგურებისთვის.
14:26 / 25.03.2024
სამართალი
თელავში მომხდარი ქურდობის 4 ფაქტზე 1982 წელს დაბადებული შ.ჯ. დააკავეს. შინაგან საქმეთა სამინისტროს ინფორმაციით, დანაშაული 4-დან 7 წლამდე ვადით თავისუფლების აღკვეთას ითვალისწინებს.
11:48 / 27-03-2024
სპეციალური საგამოძიებო სამსახურის მიერ, არასრულწლოვნის თანდასწრებით ოჯახში ძალადობის და მუქარის ფაქტებზე, მხილებულია შინაგან საქმეთა სამინისტროს განსაკუთრებულ დავალებათა დეპარტამენტის თანამშრომელი ა.ბ.
11:35 / 21-02-2024
საქართველოს შინაგან საქმეთა სამინისტრო იმერეთის რეგიონში სტიქიის შედეგებთან დაკავშირებით, განცხადებას ავრცელებს.
16:25 / 07-02-2024
ეკონომიკა
საქართველოს 63 მუნიციპალიტეტში, მათ შორის კახეთის რეგიონში, ქალაქებში შესასვლელების აღმნიშვნელი სტენდები მოეწყობა, რომელზეც დამონტაჟდება მუნიციპალიტეტის გერბი, განათებები და ქალაქის დასახელებები.
12:16 / 12-04-2024
USAID-ის ეკონომიკური მმართველობის პროგრამისა და წყლის რესურსების მართვის რეფორმის ფარგლებში, სააგენტოს წარმომადგენლები თელავში მედიის წარმომადგენლებს შეხვდნენ.
12:03 / 10-04-2024
სხვა ამბები
ვრცელდება ოპოზიციონერი დეპუტატის, ალეკო ელისაშვილის დაკავების კადრები. რამდენიმე წუთით ადრე, ელისაშვილი მომიტინგეებთან ერთად ირაკლი კობახიძესთან შეხვედრას ითხოვდა.
00:46 / 18-04-2024
ამერიკის შეერთებული შტატების სახელმწიფო დეპარტამენტის პრეს-სპიკერი მოადგილე, ვედანტ პატელი კვლავ ეხმიანება ე.წ „აგენტები კანონს“ და საქართველოს ხელისუფლებას გაფრთხილებების გათვალისწინებისკენ მოუწოდებს, რადგან აღნიშნული კანონი არ შეესაბამება ევროკავშირის ნორმებს.
23:54 / 17-04-2024
საპროტესტო აქციის მონაწილეები მსვლელობით გადავიდნენ მთავრობის კანცელარიისკენ და პრემიერ-მინისტრ ირაკლი კობახიძესთან შეხვედრას ითხოვენ.
23:17 / 17-04-2024
ამერიკული ანალიტიკური ცენტრის, საგარეო პოლიტიკის კვლევის ინსტიტუტის (FPRI) ევრაზიის პროგრამის ხელმძღვანელი ბობ ჰამილტონი საქართველოში ბოლო დღეების მანძილზე განვითარებულ მოვლენებთან დაკავშირებით საკუთარ მოსაზრებას ავრცელებს და სოციალურ ქსელში წერს, რომ საქართველოში რუსეთის ინტერვენციაა შესაძლებელი.
22:29 / 17-04-2024
საქართველოს პრეზიდენტი სალომე ზურაბიშვილი საპროტესტო აქციას ეხმაურება.
22:08 / 17-04-2024
ლაგოდეხის მუნიციპალიტეტის, სოფელ ვარდისუბნის საჯარო სკოლის მოსწავლემ, მარიამ ძამანაშვილმა, „საქართველოს 2024 წლის ჩემპიონატი კრივში მოსწავლეთა შორის“ პირველი ადგილი დაიკავა. ის ასევე „საქართველოს 2023 წლის მოსწავლე მოკრივეთა ჩემპიონატის“ პირველი ადგილის მფლობელია.
13:43 / 25-03-2024
ვალუტა
EUR
EUR
1
3.5859
USD
USD
1
3.2054
GBP
GBP
1
4.2911
TRY
TRY
1
0.2316
RUB
RUB
100
3.2024
ამინდი
გურჯაანი 13 / 26 °C
img
საგარეჯო 12 / 26 °C
img
დ.წყარო 12 / 25 °C
img
სიღნაღი 14 / 27 °C
img
ლაგოდეხი 14 / 23 °C
img
ყვარელი 13 / 26 °C
img
თელავი 13 / 27 °C
img
ახმეტა 12 / 27 °C
img
კალენდარი
«« აპრილი 2024 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 12345

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.