საზოგადოება
“ამ ადგილმა აგვირჩია” — გაიცანით გოგო, რომელიც წალკაში საოჯახო ბიზნესს მართავს
ერნა პეპანიანი 21 წლისაა და წალკაში, სოფელ დაშბაშში საოჯახო ბიზნესს მართავს. კოტეჯი “დაშბაშის პანორამა” მდინარე ხრამის ხეობაში, პატარა გორაკზე, მისივე სახლის ეზოში დგას. იქიდან ყველაფერი ჩანს, რაც ასე იზიდავს ტურისტებს. მათი რიცხვი კი იზრდება, განსაკუთრებით, ბოლო დროს, დაშბაშის კანიონზე 240-მეტრიანი შუშის ხიდის გახსნის შემდეგ.



კოტეჯი დაშბაშის კანიონის შუშის ხიდსაც ზემოდან დაჰყურებს. გარდა კანიონის ხედისა, ირგვლივ ბევრი რამ იქცევს ყურადღებას — თითქმის ეზოს მიჯნაზევეა X საუკუნეში აშენებული მცირე ზომის ეკლესია. ეზოდან ერთ-ერთი ბილიკი ჩანჩქერთან ჩადის და ეს ყველაფერი ქმნის განცდას, რომ ეზო სახლითა და კოტეჯით, სრულ ჰარმონიაშია დაშბაშის ღირსშესანიშნაობებთან.

“ადგილმა აგვირჩია”

“ჩვენ არ აგვირჩევია ეს ადგილი, ამ ადგილმა აგვირჩია. ბოლო წლებში, თვითონ მოგვთხოვა, რაღაც განსაკუთრებული გაგვეკეთებინა აქ”, — ამბობს ერნა და განმარტავს, რომ კანიონის მიმართ ტურისტების გაზრდილ ინტერესთან ერთად, “ეს ყველაფერი თავისთავად მოხდა”.

სახლის წინ ბილიკი გადის, რომელიც ახალ ინფრასტრუქტურამდე, ხეობაში ჩასასვლელი ძირითადი გზა იყო. ამიტომ, ტურისტებთან ურთიერთობა მუდმივად უწევდათ. მათთან ყოველი კომუნიკაცია კი ოჯახს პირდაპირ მიანიშნებდა, რა სჭირდებოდათ ხეობის სტუმრებს.



“გვეკითხებოდნენ, ხომ არ იცით, სად შეიძლება, ვჭამოთ ან გავჩერდეთო. სწორედ აქედან გაჩნდა იდეა, გადაგვედგა პირველი ნაბიჯები.
2018 წელს პატარა მაღაზიით დავიწყეთ. ეს განსაკუთრებულად რთული პერიოდი იყო ჩემთვის, რადგან მაღაზიაშიც ვმუშაობდი და, პარალელურად, ეროვნული გამოცდებისთვის ვემზადებოდი.

წამოწყებამ გაამართლა. შემდეგ კაფე გავხსენით და ვხვდებოდით, რომ სასტუმროც უნდა გაგვეკეთებინა, თუმცა არა ტიპური სასტუმრო, არამედ, განსხვავებული, ისეთი, ავთენტური რომ იქნებოდა ბუნებასთან და ამ ადგილთან. მივხვდით, ეს უნდა ყოფილიყო ხის კოტეჯი პანორამული ხედით“, - ამბობს ერნა.

პატარ-პატარა ნაბიჯებით დიდ მიზნამდე

ოჯახი ერნას იდეებს ყოველთვის მხარს უჭერდა, ჩანაფიქრიდან — რეალიზებამდე. ასეა დღესაც — სასტუმროს ყოველდღიურ საქმიანობაში, ერნასთან ერთად, ოჯახის ყველა წევრია ჩართული.

„ჩემს ყველა იდეაზე ამბობდნენ — კარგი, მოდი, ვცადოთ, ეს კი მოტივაციას მიასმაგებდა. განსაკუთრებით, დედის მხარდაჭერა იყო მნიშვნელოვანი, არა მხოლოდ ემოციური თვალსაზრისით, არამედ იმიტომაც, რომ ძალიან სწორ და გამოსადეგ რჩევებს მაძლევდა“, - აღნიშნავს ერნა.

იდეების რეალიზებამდე, როგორც თვითონ ამბობს, „პატარ-პატარა ნაბიჯებმა“ მიიყვანა. ერთ-ერთი ასეთი ნაბიჯი იყო მეტი ინფორმაციის მოძიება საგრანტო პროექტზე „ეს წალკაა“, რომელსაც ევროკავშირი ახორციელებს. პროექტის ერთ-ერთი მიზანი სწორედ ქალთა ეკონომიკური გაძლიერებაა.
თავდაპირველად ამ პროექტის შესახებ წალკის ადგილობრივი განვითარების ჯგუფისგან (LAG) შეიტყო, რომელიც წალკის მუნიციპალიტეტში მცხოვრები ადამიანების ცხოვრების დონის ამაღლებასა და სოციალურ-ეკონომიკური მდგომარეობის გაუმჯობესებაზე ზრუნავს.

„მახსოვს, LAG-ის წარმომადგენლები სოფელ-სოფელ დადიოდნენ და ავრცელებდნენ ინფორმაციას. ჩემი იდეით სწორედ მათ მივმართე და ძალიან დიდი მხარდაჭერაც მივიღე — დამაკვალიანეს, რა იყო მნიშვნელოვანი პროექტის წერისას, რაზე უნდა გამეკეთებინა აქცენტი.
დიდი გამოწვევა იყო. არც ცოდნა მქონდა, არც — გამოცდილება. LAG-ის დახმარების პარალელურად, პროექტის წერისას უამრავ ინფორმაციას ვიძიებდი ინტერნეტიდანაც. ზოგჯერ ინტუიციას მივყვებოდი. სირთულეების გადალახვაში ჩემი ოპტიმისტური ხასიათიც მეხმარებოდა. ამის მიუხედავად, იყო მომენტები, როდესაც შემშინებია, რომ არ გამომივიდოდა, მაგრამ - არა! ასეთ პერიოდებს თვითრწმენა და ბევრი შრომა უნდა დაუპირისპირო“, - ამბობს ერნა.
გამოწვევების მიუხედავად, მიზნის მიღწევა მაინც შეძლო. მან საკუთარი იდეა ევროკავშირის მიერ მხარდაჭერილი პროექტის „ადგილობრივი ლიდერები მდგრადი განვითარებისათვის წალკის მრავალეთნიკურ მუნიციპალიტეტში — ეს წალკაა“ საგრანტო კონკურსში წარადგინა და 30 000 ლარის ოდენობის დაფინანსება მოიპოვა.

ევროკავშირის ეს პროექტი სოფლის და სოფლის მეურნეობის განვითარების ევროპის სამეზობლო პროგრამის (ENPARD) ნაწილია. მისი მიზანია, წალკის მუნიციპალიტეტში ადგილობრივებისთვის შემოსავლის მრავალფეროვანი წყაროები შექმნას და მხარი დაუჭიროს საზოგადოებრივ და ბიზნეს ინიციატივებს. ამ პროექტის ფარგლებში არაერთი გრანტი გაიცა და პეპანიანების ოჯახიც მათ შორისაა.

„დაშბაშის პანორამა“

კოტეჯის მართვისას ოჯახის წევრებს როლები გადანაწილებული აქვთ. ერნა, მეტწილად, სტუმრებთან კომუნიკაციასა და სასტუმროს პოპულარიზებაზე ზრუნავს.



„ვმართავ გვერდებს Booking-ზე, Airbnb-სა და Facebook-ზე. ეს პლატფორმები მნიშვნელოვანია არა მხოლოდ სტუმრების მოსაზიდად, არამედ უკუკავშირის მისაღებადაც. უკუკავშირი პოზიტიურია. განსაკუთრებულად კი ის გვახარებს, როდესაც წერენ, ხედის გამო მოვედით, მაგრამ მასპინძლობის კულტურამ მოლოდინს გადააჭარბაო.
ვიზიტორებისთვის მხოლოდ კომფორტული პირობების შექმნა არაა საკმარისი. მასპინძლობაა მნიშვნელოვანი — დახვედრა, გულწრფელი ემოციური კავშირი მათთან და გულღიაობა. მთავარია, მიიღო ისინი ისე, როგორც საკუთარ სახლში“, - ამბობს ერნა.
ხისგან აშენებული კოტეჯი მაქსიმუმ, ოთხ ადამიანზეა გათვლილი. კოტეჯი თანამედროვე და მყუდროა. ავეჯის განლაგებასა და დიზაინზეც თავად ერნამ იზრუნა. „დაშბაშის პანორამას“ სტუმრებს შორის ბევრი უცხოელია, მათ შორის, ევროპის ქვეყნებიდანაც. ხელმისაწვდომი ფასისა და ხედის გამო, კოტეჯი ადგილობრივებშიც პოპულარულია.

სამომავლო მიზნები

მართალია, საქმიანობის ამ ეტაპზე ბევრი თანამშრომელი არ სჭირდებათ, მაგრამ კოტეჯსა და სამზარეულოში ორი ადამიანის დასაქმება მაინც შეძლეს. მომავალში კი მეტსაც დაასაქმებენ, რადგან ოჯახს ბიზნესგანვითარების გეგმა აქვს.

„მომავალს დიდი იმედებით ვუყურებთ. გვინდა, გავაძლიეროთ სარესტორნო საქმიანობა და რამდენიმე კოტეჯიც შევმატოთ ამ ადგილს“, - აღნიშნავს ერნა.
ერნა პეპანიანი პროფესიით იურისტია. უნივერსიტეტი თბილისში უკვე დაასრულა. პროფესიულ განვითარებას გეგმავს, მაგრამ მთავარ მიზნად ჯერ მაინც სასტუმროს ბიზნესის განვითარება აქვს დასახული.
„მინდა, მივეხმარო ოჯახს და შევქმნა რაღაც მნიშვნელოვანი, რომელსაც დავუტოვებ მათ და შეძლებენ, მართონ“, — გვეუბნება ერნა.

სწავლის გაგრძელება გერმანიაში უნდა და ახალი კოტეჯების აშენების შემდეგ, ეს მისი მომდევნო მიზანი იქნება.
იმ ახალგაზრდა ქალებს კი, რომლებიც ახლა ფიქრობენ საკუთარ საქმიანობაზე და არ იციან, როგორ დაიწყონ, ამ რჩევებს უტოვებს:
„შეცდომებიც დავუშვი და ამის გამო ბევრჯერ მისაყვედურია კიდეც საკუთარი თავისთვის, მაგრამ მერე მივხვდი, რომ ამან გამოცდილება მომცა, ეს უნდა გამევლო.





ასეთი გამოთქმაც არსებობს: იმისთვის, რომ რაღაც კარგად გამოგივიდეს, ჯერ ცუდად უნდა გააკეთოო. რამეს ცუდად რომ აკეთებ, ესეც გაკეთებაა, საერთოდ არაფრის კეთებას სჯობს. ასე რომ, არ შეგაშინოთ შეცდომებმა. გჯეროდეთ თქვენი შესაძლებლობების. უნდა დაისახოთ რეალისტური მიზნები, გადადგათ პატარ-პატარა ნაბიჯები და დიდი შრომით ყველაფერი აუცილებლად გამოგივათ.

ისიც გახსოვდეთ: როგორც არ უნდა გეხმარებოდნენ, თუ გინდა რამეს მიაღწიო, პირველ რიგში, შენ თავად უნდა იშრომო ძალიან ბევრი“.
ევროკავშირის ENPARD-ის პროექტის "ეს წალკაა" ფარგლებში, წალკის ადგილობრივი განვითარების ჯგუფი (LAG) ორგანიზაცია CENN-თან ერთად, უკვე მესამე წელია წალკის მუნიციპალიტეტში სოფლის განვითარებაზე, ტურისტული და ეკონომიკური პოტენციალის გაძლიერებაზე და მოწყვლადი ჯგუფების ინტეგრაციაზე მუშაობს სხვადასხვა პროექტის განხორციელებით. ეს პროექტები ხელს უწყობს ადგილობრივთა დასაქმებას, ქალთა გაძლიერებას და შედეგად, რეგიონში ეკონომიკის განვითარებას.

ავტორი: გიორგი გიორგაშვილი

სტატია მომზადებულია პროექტ EU NEIGHBOURS east-თან თანამშრომლობით. სტატიაში გამოხატული მოსაზრებები ეკუთვნის სტატიის ავტორს.



| Print |  E-mail
FaceBook Twitter Google
ამავე კატეგორიაში
თელავიდან 6 კილომეტრში ეთნიკური აზერბაიჯანელებით დასახლებული სოფელი
ყარაჯალაა. სოფლის ცენტრში, საჯარო სკოლასა და მეჩეთს შორის,
ყარაჯალის სათემო ცენტრის შენობაში, ლეილა ბალაშვილი ეთნიკურად
აზერბაიჯანელ ქალებსა და ბავშვებს ქართულ ენას ასწავლის.
თელავიდან 6 კილომეტრში ეთნიკური აზერბაიჯანელებით დასახლებული სოფელი ყარაჯალაა. სოფლის ცენტრში, საჯარო სკოლასა და მეჩეთს შორის, ყარაჯალის სათემო ცენტრის შენობაში, ლეილა ბალაშვილი ეთნიკურად აზერბაიჯანელ ქალებსა და ბავშვებს ქართულ ენას ასწავლის.
10:43 / 03.02.2023
ბიზნესისა და ტექნოლოგიების უნივერსიტეტის ქალთა გადამზადების
უპრეცედენტოდ მასშტაბური პროექტის ფარგლებში ქვეყნის მასშტაბით
საინფორმაციო შეხვედრები და პროფესიული ორიენტაციის შეხვედრები
იწყება.
ბიზნესისა და ტექნოლოგიების უნივერსიტეტის ქალთა გადამზადების უპრეცედენტოდ მასშტაბური პროექტის ფარგლებში ქვეყნის მასშტაბით საინფორმაციო შეხვედრები და პროფესიული ორიენტაციის შეხვედრები იწყება.
20:12 / 18.01.2023
Speqtri.ge-ს მიერ გამოქვეყნებულ მასალას, რომელშიც საუბარი იყო
გურჯაანის მუნიციპალიტეტის სოფელ ჭანდრისა და სოფელ გურჯაანის
მიმდებარე ტერიტორიაზე სასმელი წყლის ჭაბურღილთან დაყრილ სამედიცინო
ნარჩენებზე, ადგილობრივი ხელისუფლების მხრიდან რეაგირება მოჰყვა.
ტერიტორია ამ დროისთვის უკვე გასუფთავებულია.
Speqtri.ge-ს მიერ გამოქვეყნებულ მასალას, რომელშიც საუბარი იყო გურჯაანის მუნიციპალიტეტის სოფელ ჭანდრისა და სოფელ გურჯაანის მიმდებარე ტერიტორიაზე სასმელი წყლის ჭაბურღილთან დაყრილ სამედიცინო ნარჩენებზე, ადგილობრივი ხელისუფლების მხრიდან რეაგირება მოჰყვა. ტერიტორია ამ დროისთვის უკვე გასუფთავებულია.
20:58 / 11.01.2023
გურჯაანის მუნიციპალიტეტის სოფელ ჭანდრისა და სოფელ გურჯაანის
საზღვარზე მდებარე ჭაბურღილთან, რომლითაც ორივე სოფლის მოსახლეობა
სარგებლობს და საქონელსაც ამ ტერიტორიაზე აძოვებს, დაყრილია დიდი
ოდენობით სისხლიანი სინჯარები და სხვა სამედიცინო ნარჩენები.
გურჯაანის მუნიციპალიტეტის სოფელ ჭანდრისა და სოფელ გურჯაანის საზღვარზე მდებარე ჭაბურღილთან, რომლითაც ორივე სოფლის მოსახლეობა სარგებლობს და საქონელსაც ამ ტერიტორიაზე აძოვებს, დაყრილია დიდი ოდენობით სისხლიანი სინჯარები და სხვა სამედიცინო ნარჩენები.
14:33 / 10.01.2023
სამართალი
როგორც შინაგან საქმეთა მინისტრმა, ვახტანგ გომელაურმა განაცხადა, საგარეჯოში თავდამსხმელი ყოფილი სამხედროა, რომელიც ავღანეთის მისიაშიც მონაწილეობდა.
09:50 / 20-01-2023
საგარეჯოში კორპუსის ერთ-ერთი ბინის აივნიდან მოქალაქის მხრიდან განხორციელებული სროლის შედეგად 5 ადამიანი გარდაიცვალა და 5 დაიჭრა. მათ შორისაა შინაგანსაქმეთა სამინისტროს ერთი თანამშრომელი.
09:33 / 20-01-2023
თბილისში,გაზის გაჟონვის შედეგად გარდაცვლილი ახალგაზრდა 18 წლის მათე ბეჟიაშვილია.
21:23 / 19-12-2022
ეკონომიკა
კახეთის  სახელმწიფო რწმუნებულის ადმინისტრაციის ინფორმაციით, ყვარელში წყალმომარაგებისა და წყალარინების ქსელის რეაბილიტაცია-მშენებლობის სამუშაოები აქტიურად მიმდინარეობს.
11:21 / 20-12-2022
თელავის მუნიციპალიტეტის სოფლებში 22 ენერგოეფექტური სკამი განთავსდება, - ამის შესახებ ინფორმაციას მუნიციპალიტეტის მერია ავრცელებს.
17:11 / 19-12-2022
სხვა ამბები
27 დეკემბერს, გურჯაანის მუნიციპალიტეტის სოფელ ჩალაუბნის საჯარო სკოლის მეოთხე კლასის მოსწავლეებმა განახორციელეს პროექტი "ბედნიერი 2023 წელი ყველას“.
11:38 / 28-12-2022
მიმდინარეობს ნინო სალუქვაძის ტირში თბილისის ღია ჩემპიონატი პნევმატური პისტოლეტიდან სროლაში. მასში მონაწილეობენ თბილისის ორივე კლუბი, თელავისა და ქუთაისის გუნდები.
11:14 / 22-12-2022
16, 17 და 18 დეკემბერს თბილისში კიკბოქსინგის საქართველოს ჩემპიონატი გაიმართა. ჩემპიონატში მონაწილეობას თბილისის კლუბ „მგლების“ გურჯაანელი მებრძოლებიც იღებდნენ.
15:35 / 19-12-2022
გურჯაანში, მხიარულთა და საზრიანთა სასკოლო ჩემპიონატის გამარჯვებული გურჯაანის ნაკრები გახდა.
14:09 / 19-12-2022
სამართლიანი არჩევნებისა და დემოკრატიის საერთაშორისო საზოგადოების (ISFED) ინიციატივით ჩატარებულ ვიქტორინაში, გამარჯვებული გურჯაანის #1 სკოლის გუნდი „დემოკრატები“ გახდა.
17:52 / 14-12-2022
მიმდინარეობს ნინო სალუქვაძის ტირში თბილისის ღია ჩემპიონატი პნევმატური პისტოლეტიდან სროლაში. მასში მონაწილეობენ თბილისის ორივე კლუბი, თელავისა და ქუთაისის გუნდები.
11:14 / 22-12-2022
ვალუტა
EUR
EUR
1
3.5859
USD
USD
1
3.2054
GBP
GBP
1
4.2911
TRY
TRY
1
0.2316
RUB
RUB
100
3.2024
ამინდი
გურჯაანი 7 / 16 °C
img
საგარეჯო 8 / 14 °C
img
დ.წყარო 6 / 13 °C
img
სიღნაღი 7 / 17 °C
img
ლაგოდეხი 6 / 14 °C
img
ყვარელი 7 / 16 °C
img
თელავი 9 / 14 °C
img
ახმეტა 8 / 15 °C
img
კალენდარი
«« თებერვალი 2023 »»
3031 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 12345

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.