საზოგადოება
ჩვენი ჯანმრთელობა ჩვენს ხელთაა: ქალთა გაძლიერება საქართველოს შორეულ სოფლებში
საქართველოს ჩრდილო-დასავლეთ ნაწილში მდებარე პანკისის ხეობაში ტრადიციებს მკაცრად იცავენ. უკვე რამდენიმე ასეული წელია, რაც ეს რეგიონი სამშობლოდ იქცა ჩეჩნური ფესვების მქონე ქისტების თემისთვის, რომელიც აქაური მოსახლეობის 70%-ს შეადგენს. პანკისის პატარა მაღალმთიან სოფლებს უხუცესთა საბჭო ადათ-წესებისა და ისლამის შესაბამისად მართავს. ქალების ხმა აქ ხშირად არ ისმის. მიუხედავად ამისა, პანკისის სოფლებში, ქორეთში, ბირკიანში, დუმასტურში, ჯოყოლოსა და ყვარელწყალში ქალებმა ევროკავშირის მხარდაჭერით ტრადიციულად ტაბუდადებულ თემაზე — რეპროდუქციულ ჯანმრთელობაზე დაიწყეს ლაპარაკი.

„თექვსმეტი წლისას პირველი შვილი უკვე მყავდა. მომიტაცეს და ძალით წამიყვანეს. ქორწინებაზე თანხმობის საკითხი არც კი განხილულა. სახლში ვერ დავბრუნდებოდი, რადგან მეგონა, რომ ხელახლა გათხოვებას ვეღარასოდეს შევძლებდი. ჩვენს გადაწყვეტილებებს საზოგადოება განსაზღვრავს“. სოფელ ქორეთში მცხოვრები 41 წლის ფიქრია სულაკაური რვა შვილის დედაა. მეზობელი სოფლის, დუმასტურის მკვიდრი, 24 წლის სოფია წუწაშვილიც მსგავს ამბავს გვიყვება: „ორჯერ მომიტაცეს და რადგან მაინც სახლში დავბრუნდი, ჩემზე იმდენი ილაპარაკეს, რომ იძულებული გავხდი, ქორწინებას დავთანხმებოდი“. 





პანკისის ხეობაში ძალიან ხშირია ადრეული ქორწინებები — რაც ხშირად გოგოების მოტაცების შედეგია — და ასევე მრავლადაა წვრილშვილიანი ოჯახებიც. დაუგეგმავი ორსულობა, ინფექციური დაავადებები და ზოგადად ქალთა ჯანმრთელობის შესახებ ინფორმაციის ნაკლებობა ის პრობლემებია, რომლებსაც ადგილობრივი არასამთავრობო ორგანიზაციის, „უხუცეს ქალთა საბჭოს“ თავმჯდომარე, სვეტლანა ბორჩაშვილი რეგიონის უამრავ სხვა გამოწვევას შორის ასახელებს. „ზოგი ქალი შვილს ისე აჩენს, რომ ექიმთან ერთხელაც არ არის ნამყოფი“, — ამბობს სვეტლანა, — „მაგრამ ჯანმრთელობის პრობლემების გარდა, ინფორმაციის ნაკლებობაცაა. ბევრმა ქალმა არაფერი იცის სკრინინგის პროგრამებისა თუ რეგულარული კვლევების შესახებ და სამედიცინო დახმარებას დაავადების ბოლო ეტაპებზე მიმართავს, რის გამოც ონკოლოგიური შემთხვევების სიხშირე მატულობს. დედებს მეტწილად არ აქვთ ცოდნა ან ეუხერხულებათ საკუთარ ქალიშვილებთან სქესობრივ მომწიფებაზე საუბარი — ამ საკითხს პანკისის თემში ტაბუ ადევს. გოგონები, რომლებიც პრობლემებს აწყდებიან და არ იციან, როგორ მოიქცნენ, სირცხვილის გამო საკუთარ დედებს რჩევასაც კი ვერ ეკითხებიან“. 



„უხუცეს ქალთა საბჭომ“ გადამწყვეტი ცვლილებისკენ გადადგმულ პირველ ნაბიჯად რეპროდუქციული ჯანმრთელობისა და ხელმისაწვდომი სამედიცინო მომსახურების შესახებ ადგილობრივი ქალების ცნობიერების ამაღლება მიიჩნია. ევროკავშირის მხარდაჭერილი პროექტის, „სამოქალაქო საზოგადოების STAR ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“, საშუალებით, რომელსაც კონრად ადენაუერის ფონდი (KAS) საქართველოს სტრატეგიული კვლევებისა და განვითარების ცენტრთან (CSRDG) ერთად ახორციელებს, არასამთავრობო ორგანიზაციამ ცნობიერების ასამაღლებლად რამდენიმე ღონისძიება მოაწყო. პირველ ეტაპზე ჩატარებულ ხუთ სამუშაო შეხვედრაზე (თითო შეხვედრა თითოეულ სოფელში) განიხილეს ქალის ორგანიზმში მიმდინარე ფიზიოლოგიური ცვლილებები, ორსულობა და მისი გავლენა ქალის ჯანმრთელობაზე, მასთან დაკავშირებული რისკები და ადრეულ ასაკში ორსულობის შესაძლო გართულებები, ჩასახვის საწინააღმდეგო საშუალებების გამოყენება და სხვა საკითხები. „ადრე რომ მცოდნოდა ის, რაც ახლა ვიცი, უფრო გვიან გავთხოვდებოდი და არც ამდენი შვილი მეყოლებოდა,“ — ამბობს ფიქრია, რომელიც ამ შეხვედრათაგან ერთ-ერთს დაესწრო. ამ ღონისძიებებში სამიზნე სოფლებიდან 75-მა ქალმა მიიღო მონაწილეობა. შემდეგ კი მათი დახმარებით გავრცელდა ინფორმაცია სახელმწიფოს მიერ დაფინანსებული ქალთა ჯანმრთელობის ისეთი პროგრამებისა და მუნიციპალური სერვისების შესახებ, როგორიცაა, მაგალითად, ახმეტის მუნიციპალიტეტის მოსახლეობის სოციალური დახმარების 2023 წლის პროგრამა. 



არასამთავრობო ორგანიზაციამ ამის მერე ინდივიდუალური კონსულტაციებიც გამართა, რომლებიც თბილისიდან მოწვეულმა რეპროდუქციული მედიცინის სპეციალისტებმა ჩაატარეს. შედეგად, 50 ქალს შეატყობინეს უფასო სკრინინგის პროგრამებზე, გაუზიარეს შესაბამისი კლინიკების საკონტაქტო ინფორმაცია და დაეხმარნენ ვიზიტების დაგეგმვაში.

გარდა ამისა, დუისსა და ჯოყოლოში ჩატარდა ორი ტრენინგი, რომლებზეც 40 ახალგაზრდა ქალს მიეცა შესაძლებლობა, დაესვა შეკითხვები ისეთ საკითხებზე, როგორიცაა სქესობრივი მომწიფების პერიოდში განვითარებული ფიზიოლოგიური ცვლილებები, სამედიცინო კონსულტაციასთან დაკავშირებული პრობლემები, საზოგადოებაში ფესვგადგმული ძალადობის აღკვეთის გზები და მენსტრუალური ციკლის დარღვევები. ტრენინგებზე დაწვრილებით განიხილეს ადამიანის პაპილომავირუსი (HPV) და ვაქცინაციის უპირატესობები.

ეს უკანასკნელი საკითხი ტრენინგზე ცალკე თემად გამოიყო. „რელიგიური რწმენების გამო ჩვენს რეგიონში ვაქცინაცია ძალზე მტკივნეული თემაა“, — გვიხსნის სვეტლანა, — „ვაქცინაციას ჩვენი რელიგიის უფრო რადიკალური მიმდევრები, კერძოდ, ვაჰაბიტები ეწინააღმდეგებიან. ისინი ექიმებს უთითებენ, არ აცრან ახალშობილები და ამტკიცებენ, რომ რელიგია ნებისმიერ ასაკში კრძალავს ვაქცინაციას. ამ გამოწვევების გათვალისწინებით, ჩვენი ძალისხმევა ვაქცინაციის მნიშვნელობის საკითხებზე ცნობიერების ამაღლებისკენ მივმართეთ. განსაკუთრებით კი ადამიანის პაპილომავირუსის საწინააღმდეგო აცრაზე ვკონცენტრირდით, რადგან ჩვენს თემში ამ ვირუსით გამოწვეული პრობლემები ბევრ ქალს აწუხებს“. ამ ძალისხმევის ფარგლებში „უხუცეს ქალთა საბჭომ“ 2023 წლის აგვისტოში იმუნიზაციის კვირეული მოაწყო. მოწვეული სპეციალისტი ხუთი დღის განმავლობაში მუშაობდა სამიზნე სოფლებში, რათა ახალგაზრდა დედებისა და ქალებისთვის ვაქცინაციის შესახებ ამომწურავი ინფორმაცია მიეცა. „მიუხედავად იმისა, რომ სტატისტიკა რთულად მოსაპოვებელია, ვაქცინაციის მიმართ მზარდი ინტერესი მაინც შევნიშნეთ: ადგილობრივი სამედიცინო ამბულატორიის კლინიკაში ვაქცინაციის შესახებ მეტი შეკითხვა დაისვა“, — ამბობს „უხუცეს ქალთა საბჭოს“ თავმჯდომარე.

საინფორმაციო შეხვედრებთან ერთად ჩატარდა პრაქტიკული ტრენინგებიც, რომელთა მიზანიც დისტანციური სამედიცინო მომსახურებით სარგებლობისთვის საჭირო ტექნიკური უნარების სწავლება იყო. მონაწილეებმა მიიღეს ინფორმაცია ისეთი პლატფორმების შესახებ, როგორიცაა „ექიმო“ და „რედმედი“ — ამ პლატფორმების საშუალებით სოფლის მოსახლეობა შეძლებს, სახლიდან გაუსვლელად გაიაროს კონსულტაცია კვალიფიციურ ექიმებთან. ამასთან, ტრენინგების მონაწილეებმა წამლების ონლაინაფთიაქების საშუალებით ყიდვაც ისწავლეს.

ცნობიერების ამაღლების გარდა, „უხუცეს ქალთა საბჭოს“ საქმიანობას ჰქონდა უფრო ფართო მიზანიც — ქალების ჩართვა გადაწყვეტილების მიღების პროცესში. ამისათვის ხუთ სამიზნე სოფელში ჩამოყალიბდა ქალთა ჯგუფები (თითოეულ ჯგუფში 15 ქალის შემადგენლობით). ისინი არა მხოლოდ ღონისძიებებში ჩაერთნენ, არამედ ახალ ინფორმაციასა და ცოდნას თანასოფლელებსაც უზიარებენ და ეხმარებიან მათ ინფორმირებული გადაწყვეტილებების მიღებაში — მაგალითად, ქირურგიული ოპერაციის გაკეთებასთან ან სკრინინგის გავლასთან დაკავშირებით. სოფელ ქორეთის ქალთა ჯგუფის წევრი, 38 წლის ეკა აბაშიძე ასე აფასებს თავის გამოცდილებას: „ჩვენი ქალები უფრო გააქტიურდნენ და მეტ ინტერესს იჩენენ. მაგალითად, ახლა ისინი მიიჩნევენ, რომ პაპილომავირუსის საწინააღმდეგო აცრა მათი ქალიშვილების ჯანმრთელობისთვის მნიშვნელოვანია. ეს კი დამოკიდებულების რადიკალურ ცვლილებას ნიშნავს“. 



ქალთა ჯგუფები დღესაც აგრძელებენ საკუთარ თემებში შუამავლის როლის შესრულებას. მრავალმხრივი ცოდნის შეძენის გარდა, აქტივისტებმა გამოიმუშავეს ლიდერის უნარები, რის შედეგადაც ისინი დამოუკიდებლად აგრძელებენ საქმიანობას. ახლახან სოფელ ქორეთის ქალთა ჯგუფმა გაჭირვებაში მყოფი თანასოფლელი ქალი ადგილობრივი მუნიციპალიტეტის პროგრამაში, „საკვები ყველას“, ჩართო, რის შედეგადაც ის უფასო საკვებს ყოველდღიურად მიიღებს.

„ეს ინიციატივა იყო ნაპერწკალი, იმ გზის დასაწყისი, რომელიც გვინდა, რომ გავაგრძელოთ და გავაფართოოთ“, — ამბობს სვეტლანა — „ამჟამად ახალ ინიციატივას ვიწყებთ: არტთერაპიის კურსებს ქალებისათვის. ეს ინიციატივა, რომლის მხარდამჭერია „ქალთა ფონდი საქართველოში“, პანკისის თემში ქალთა დახმარებისა და გაძლიერებისკენ მიმართულ ჩვენს უწყვეტ ძალისხმევას ახალ სიცოცხლეს სძენს. მისი მეშვეობით ქალებს ექნებათ სივრცე, სადაც შეძლებენ, შეიკრიბონ, იურთიერთონ და ერთმანეთს საკუთარი მიღწევები და გამოწვევები გაუზიარონ. გვჯერა, რომ ჩვენ ვქმნით გარემოს, რომელიც ხელს შეუწყობს არა მარტო მათ პიროვნულ განვითარებას, არამედ მათი კოლექტიური ძალის ზრდასაც. ეს მიზანი წინსვლისა და ახალი შესაძლებლობების შექმნის ენერგიას გვაძლევს“, — აღნიშნავს „უხუცეს ქალთა საბჭოს“ თავმჯდომარე.

ავტორი: ვოლჰა პროხარავა

სტატია მომზადებულია პროექტ EU NEIGHBOURS EAST-თან თანამშრომლობით. სტატიაში გამოხატული მოსაზრებები ეკუთვნის სტატიის ავტორს.

| Print |  E-mail
FaceBook Twitter Google
ამავე კატეგორიაში
ბავშვთა დაცვის საერთაშორისო დღის აღსანიშნავად, 1 ივნისს, გურჯაანში,
სხვადასხვა საბავშვო ღონისძიებაა დაგეგმილი. როგორც მუნიციპალიტეტის
მერიაში განმარტავენ, გასართობი ღონისძიებები გურჯაანის ცენტრალურ
პარკში 12 საათიდან დაიწყება.
ბავშვთა დაცვის საერთაშორისო დღის აღსანიშნავად, 1 ივნისს, გურჯაანში, სხვადასხვა საბავშვო ღონისძიებაა დაგეგმილი. როგორც მუნიციპალიტეტის მერიაში განმარტავენ, გასართობი ღონისძიებები გურჯაანის ცენტრალურ პარკში 12 საათიდან დაიწყება.
16:19 / 30.05.2024
ქალაქ გურჯაანში მუნიციპალური ტრანსპორტის მოძრაობის განრიგი უკვე
ცნობილია, თუმცა, ის საკრებულოს მიერ დამტკიცებული მარშრუტებისგან
განსხვავებულია და 4-ის ნაცვლად, 3 მარშრუტია განსაზღვრული.
ქალაქ გურჯაანში მუნიციპალური ტრანსპორტის მოძრაობის განრიგი უკვე ცნობილია, თუმცა, ის საკრებულოს მიერ დამტკიცებული მარშრუტებისგან განსხვავებულია და 4-ის ნაცვლად, 3 მარშრუტია განსაზღვრული.
15:47 / 28.05.2024
გურჯაანის მუნიციპალური ტრანსპორტით მგზავრობის ტარიფები უკვე
დადგენილია. ავტობუსებით ტრანსპორტირების სტანდარტულ ღირებულებად 1.00
ლარი, ხოლო საშეღავათო ღირებულებად 50 თეთრი განისაზღვრა.
გურჯაანის მუნიციპალური ტრანსპორტით მგზავრობის ტარიფები უკვე დადგენილია. ავტობუსებით ტრანსპორტირების სტანდარტულ ღირებულებად 1.00 ლარი, ხოლო საშეღავათო ღირებულებად 50 თეთრი განისაზღვრა.
16:03 / 02.05.2024
გურჯაანში მუნიციპალური ტრანსპორტის ამოქმედებასთან დაკავშირებით,
საზოგადოებაში უკვე გაჩნდა დამატებითი კითხვები: როგორი იქნება
მოძრაობის მარშრუტი, საათები, გადახდის მექანიზმი, ანუ, რამდენხანს
ექნება ვადა ერთხელ აღებულ ქვითარს და ა.შ.
გურჯაანში მუნიციპალური ტრანსპორტის ამოქმედებასთან დაკავშირებით, საზოგადოებაში უკვე გაჩნდა დამატებითი კითხვები: როგორი იქნება მოძრაობის მარშრუტი, საათები, გადახდის მექანიზმი, ანუ, რამდენხანს ექნება ვადა ერთხელ აღებულ ქვითარს და ა.შ.
12:12 / 02.05.2024
სამართალი
კაცი, რომელიც გუშინდელ საპროტესტო აქციაზე სპეცრაზმელებმა წააქციეს და ფიზიკურად გაუსწორდნენ, დიმიტრი ბერიძეა.
13:29 / 17-04-2024
შინაგან საქმეთა სამინისტროს ინფორმაციით, ამ დროისთვის, საპროტესტო აქციის, „კი ევროპას, არა რუსულ კანონს“ 14 მონაწილეა დაკავებული.
00:24 / 16-04-2024
თელავში მომხდარი ქურდობის 4 ფაქტზე 1982 წელს დაბადებული შ.ჯ. დააკავეს. შინაგან საქმეთა სამინისტროს ინფორმაციით, დანაშაული 4-დან 7 წლამდე ვადით თავისუფლების აღკვეთას ითვალისწინებს.
11:48 / 27-03-2024
ეკონომიკა
საქართველოს 63 მუნიციპალიტეტში, მათ შორის კახეთის რეგიონში, ქალაქებში შესასვლელების აღმნიშვნელი სტენდები მოეწყობა, რომელზეც დამონტაჟდება მუნიციპალიტეტის გერბი, განათებები და ქალაქის დასახელებები.
12:16 / 12-04-2024
USAID-ის ეკონომიკური მმართველობის პროგრამისა და წყლის რესურსების მართვის რეფორმის ფარგლებში, სააგენტოს წარმომადგენლები თელავში მედიის წარმომადგენლებს შეხვდნენ.
12:03 / 10-04-2024
სხვა ამბები
არასამთავრობო ორგანიზაციები „უცხოური გავლენის გამჭვირვალობის შესახებ“ კანონის სადავო მუხლების შეჩერების მოთხოვნით საკონსტიტუციო სასამართლოს მიმართავენ.
15:45 / 30-05-2024
“ცოდნის კაფე” ავრცელებს მიმართვას, რომლითაც კახელები დეპუტატებს კახეთიდან - დავით სონღულაშვილსა და ირაკლი ქადაგიშვილს მიმართავენ და მოუწოდებენ, “გამოიყენონ კახელების მიერ მონიჭებული მანდატი და მხარი არ დაუჭირონ ქვეყნის გარუსების გზას”.
13:05 / 28-05-2024
2015 წელს ქართული ინვესტიციის შედეგად დაარსდა კომპანია „ქართული მილი“.
13:56 / 27-05-2024
ახალი თაობისთვის შექმნილი აპლიკაციით hi app-ით, მოსწავლეებს შეუძლიათ დამოუკიდებლად მართონ საკუთარი ფინანსები და გამოიმუშაონ ფინანსების მართვის უნარები.
19:59 / 23-05-2024
Technovation Girls SAKARTVELO 2024-ის გამარჯვებულები ცნობილია. თიბისისმხარდაჭერით, ალტე უნივერსიტეტისა და „ტექდრო”-ს ორგანიზებით, გლობალური პროექტი TechnovationGirls საქართველოში უკვე მეორედ ხორციელდება.
11:52 / 22-05-2024
მინი ფეხბურთში სასკოლო ლიგის რეგიონული თამაშები დაიწყო, რომელსაც კახეთში გურჯაანი მასპინძლობს. ჩემპიონატში კახეთის რეგიონის ყველა მუნიციპალიტეტის გუნდები მონაწილეობენ.
14:34 / 21-05-2024
ვალუტა
EUR
EUR
1
3.5859
USD
USD
1
3.2054
GBP
GBP
1
4.2911
TRY
TRY
1
0.2316
RUB
RUB
100
3.2024
ამინდი
გურჯაანი 17 / 29 °C
img
საგარეჯო 17 / 28 °C
img
დ.წყარო 15 / 25 °C
img
სიღნაღი 17 / 30 °C
img
ლაგოდეხი 15 / 26 °C
img
ყვარელი 17 / 29 °C
img
თელავი 17 / 28 °C
img
ახმეტა 16 / 29 °C
img
კალენდარი
«« ივნისი 2024 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.