ტეხასში, ქალაქ დალასში გამართულ ვეტერან ძიუდოისტთა ღია ჩემპიონატზე გურჯაანელი არჩილ გოგიაშვილიც მონაწილეობდა, რომელიც მძიმე წონაში ასპარეზობდა. ის ვერცხლის მედლის მფლობელი გახდა. როგორც თავად გვიყვება, ჩემპიონატი საკმაოდ მასშტაბური იყო, რადგან 2000-მდე სპორტსმენი იღებდა მონაწილეობას.

„მასშტაბური ჩემპიონატი იყო, ყველა ასაკობრივ კატეგორიაში და სავარაუდოდ 2000 სპორტსმენი იღებდა მონაწილეობას. ჩემს წონით კატეგორიაში 6 მონაწილე ვიყავით.
ორი შეხვედრა მოვიგე. ფინალური შეხვედრა წავაგე ტრავმის გამო თორემ იმასაც მოვიგებდი. ფინალში შევხვდი ამერიკელ Lafoai Brown-ს.
ამ ტურნირში მონაწილეობას ვიღებდი გურჯაანის მერიის ფინანსური მხარდაჭერით, რისთვისაც მადლობას ვუხდი გურჯაანის მუნიციპალიტეტის მერს, გიორგი მაჭავარიანს,“ - ამბობს speqtri.ge-სთან არჩილ გოგიაშვილი.

მისივე თქმით, სამომაბლოდ გეგმავს ხშირად მიიღოს მონაწილეობა მსგავს ჩემპიონატებში და ასახელოს მშობლიური გურჯაანი.