69% NATO-ს წევრობის მომხრეა

11:48 / 21.12.2015

ეროვნულ-დემოკრატიულმა ინსტიტუტმა (NDI) ნოემბრის საზოგადოებრივი აზრის კვლევის შედეგები გამოაქვეყნა. გამოკითხულთა 69%-ისთვის ხელისუფლების მიზანი, რომ საქართველო NATO-ს წევრი გახდეს მისაღებია , 21% კი ფიქრობს, რომ მიუღებელია.

გამოკითხულთა 57%, რომელთათვისაც საქართველოს NATO-ს წევრობა მისაღებია, თვლის, რომ ეს ქვეყანას უსაფრთხოებას მოუტანს, 49%-გააუმჯობესებს ეკონომიკას, 20% -ხელს შეუწყობს წევრ ქვეყნებთან უვიზო მიმოსვლას, 16% -გაზრდის ტერიტორიული მთლიანობის აღდგენის შესაძლებლობებს.

კვლევის საველე სამუშაოები ჩატარდა 17 ნოემბერი - 7 დეკემბრის პერიოდში. საქართველოს მასშტაბით გამოიკითხა 1881 ადამიანი. კვლევა დააფინანსა შვედეთის საერთაშორისო განვითარების და თანამშრომლობის სააგენტომ (Sida) და ჩატარა CRRC-საქართველომ.

| Print | E-mail