ევროპარლამენტარი, ლიეტუვის ყოფილი პრემიერმინისტრი, ანდრიუს კუბილიუსი ეხმაურება საქართველოს პარლამენტის მიერ დღევანდელ პლენარულ სხდომაზე რუსული კანონის პირველი მოსმენით მიღებას.

ევროპარლამენტარი სოციალურ ქსელ X-ში წერს, რომ შეუძლებელია ევროკავშირში გაწევრიანებაზე მოლაპარაკების გახსნა ისეთ სახელმწიფოსთან, რომლის მთავრობაც ანტიევროპულ დღის წესრიგს ატარებს.

“საქართველოზე: ევროკავშირში გაწევრიანების შესახებ მოლაპარაკებები შეუძლებელია დაიწყოს ქვეყანასთან, რომლის მთავრობაც განზრახ ახორციელებს კრემლის ჰიბრიდულ ანტიევროპულ დღის წესრიგს, ისეთს, როგორიცაა უცხოური აგენტების კანონი,” - წერს კუბილიუსი. 

On Georgia: EU membership negotiations cannot be started with a country whose government deliberately implements an anti-European Kremlin hybrid agenda, such as the Foreign Agents Law.https://t.co/g4wMW46w8X

— Andrius Kubilius (@KubiliusA) April 17, 2024